المولع الغريب
05-25-2010, 12:37 PM
الصدر ضاق وكن وسطه لواهيب= والرجل ساجت ماعرف وش بلايه
يالجيب قربني لعال المراقيب= دربٍ يعسرك ياصلنه اخطايه
مشتاق مرقابٍ شمالاً من السيب=لوكانه مرقابه يبيح خفايه
بجيه ضيفٍ مر دار المعازيب =شقي لاكن راحتي في شقايه
ابطلعه لوكان دربي بتهريب =ماوالله اني حاسبن للحمايه
لجيت راس المعتلي مزبن الذيب = اذا سمع صوتٍ قفاه الرمايه
فيه الرواسي كنها شمخ النيب = لابركت والليل غاشي سمايه
بسوق رجلي بين ذيك الشخانيب= حذران شرقيي وندفا ورايه
بولع الغليون كيف الشواريب = من جمرةٍ يكوي لهبها حشايه
ببعد عن الحاظر وبالماضي اغيب= اعيش جوي من خلاي بخلايه
لامال نور الشمس عني بتغريب= بسلي الخاطر بواسع فضايه
وبعيش في ذكرى كبار المواجيب=دام الخيال بنظرتي كالمرايه
ياعين شوفي بالفلا شمخ النيب = هذى بقايا ماحكته الروايه
هاذي شرايد من حلال اهل الطيب= راحو وخلوها بليا رعايه
كان الضعن من فوق عوج العراقيب= ينقاد خلف الشيخ والراي رايه
ان نزلو بفياض خضرٍ مخاصيب= سمعي لصوت انجورهم هو منايه
ياعين لودمع الرجل ذله وعيب= يعذرك حيٍ فيك عنده درايه
دام الصواب اهو الخطا والخطا مصيب= يارب حسن الخاتمه والهدايه
مدامت الدنيا بصافي المشاريب =ولامن بدايه ماوراها نهايه
يالجيب قربني لعال المراقيب= دربٍ يعسرك ياصلنه اخطايه
مشتاق مرقابٍ شمالاً من السيب=لوكانه مرقابه يبيح خفايه
بجيه ضيفٍ مر دار المعازيب =شقي لاكن راحتي في شقايه
ابطلعه لوكان دربي بتهريب =ماوالله اني حاسبن للحمايه
لجيت راس المعتلي مزبن الذيب = اذا سمع صوتٍ قفاه الرمايه
فيه الرواسي كنها شمخ النيب = لابركت والليل غاشي سمايه
بسوق رجلي بين ذيك الشخانيب= حذران شرقيي وندفا ورايه
بولع الغليون كيف الشواريب = من جمرةٍ يكوي لهبها حشايه
ببعد عن الحاظر وبالماضي اغيب= اعيش جوي من خلاي بخلايه
لامال نور الشمس عني بتغريب= بسلي الخاطر بواسع فضايه
وبعيش في ذكرى كبار المواجيب=دام الخيال بنظرتي كالمرايه
ياعين شوفي بالفلا شمخ النيب = هذى بقايا ماحكته الروايه
هاذي شرايد من حلال اهل الطيب= راحو وخلوها بليا رعايه
كان الضعن من فوق عوج العراقيب= ينقاد خلف الشيخ والراي رايه
ان نزلو بفياض خضرٍ مخاصيب= سمعي لصوت انجورهم هو منايه
ياعين لودمع الرجل ذله وعيب= يعذرك حيٍ فيك عنده درايه
دام الصواب اهو الخطا والخطا مصيب= يارب حسن الخاتمه والهدايه
مدامت الدنيا بصافي المشاريب =ولامن بدايه ماوراها نهايه