الطارف سديد

[محمد المناع]

الأوله يا منتدى الشعار وجزال القصيد = سلام ردية وفا لهل الوفا متقيده
والثانية نبغى الرجال اللي تفيد وتستفيد=ما ودنا باللي على غير السنع يرمي يده

[ناصر الودايع]

اتشرف بإالانضمام الى هذا الصرح الشامخ ويشرفني ان العب معك اخوي محمد المناع



الاوله يامحمد المناع لو انّي جديد = يامرحبا بالشعر واهل الشعر وانته سيده
والثانيه جوك الرجال اللي لهم رايٍ سديد = هات العلوم الجيده واخذ العلوم الجيده

[محمد ال مهيد]

الغالين محمد المناع

ناصر الودايع

الله الله عليكم

الأوله يا منتدى الشعار وجزال القصيد
سلام ردية وفـا لهـل الوفـا متقيـده

والثانية نبغى الرجال اللي تفيد وتستفيد
ما ودنا باللي على غير السنع يرمي يده


ناصر

الاوله يامحمد المناع لـو انّـي جديـد
يامرحبا بالشعر واهل الشعر وانته سيده

والثانيه جوك الرجال اللي لهم رايٍ سديد
هات العلوم الجيده واخذ العلوم الجيـده

سجلووو متابعتي وانا اول الماسكين للصفوف
وراح احدد وجهتي

محمد

[محمد المناع]

هلا بالعميل الكفووو يالله حيه كلنا جدد في هذا المنتدى
والمقاصد معك وشرواك غنيمه لو إني قد بغيت أنسااها يومين مطروحه

الراقي محمد ال مهيد
متابعتك شرف لا خلا ولا عدم يالذيب

استلم يا ناصر لا هنت والقلوب صحاح



دام البقى لك والمرحب ياعسى عمره مديد= دامت حياته هانيه ماعش تبقى اسعيّده
ترا القصايد عندنا سوطٍ من اسلاك الحديد= إحذر تمرك صادره والا تطوف مسيّده

[ناصر الودايع]

اخوي محمد ال مهيد
مرحبابك ومرحبا بمتابعتك ولنا الشرف طال عمرك

والصف واحد ان شاءالله

[ناصر الودايع]

هلا بالعميل الكفووو يالله حيه كلنا جدد في هذا المنتدى
والمقاصد معك وشرواك غنيمه لو إني قد بغيت أنسااها يومين مطروحه

الراقي محمد ال مهيد
متابعتك شرف لا خلا ولا عدم يالذيب

استلم يا ناصر لا هنت والقلوب صحاح



دام البقى لك والمرحب ياعسى عمره مديد= دامت حياته هانيه ماعش تبقى اسعيّده
ترا القصايد عندنا سوطٍ من اسلاك الحديد= إحذر تمرك صادره والا تطوف مسيّده









استلم طال عمرك والله يحارجنا


العب وانا العب وانت يامحمد ذكي ماانته بليد = واترك ذلول ابليس في سكة بليس امقيده
اليا بنيت ابن البيوت اللي على الساس الجويد = وانا ترى ابيوتي على الساس الجويد امشيده

[محمد المناع]

ارحب ارحب


لا مال عرجون النخل والتمر من تحت الجريد = أحدٍ طمع في تمرها واحدٍ طمع بجريّده
وأحدٍ يلوذ بظلها ويقول يالركن الشديد = اربوعنا كانو هنا من قبل اقول اقصّيده

[محمد ال مهيد]

الليل الليل

اللعب بدء يحمى

واااصلو وحنا متابعين

محمد

[ناصر الودايع]

ارحب ارحب


لا مال عرجون النخل والتمر من تحت الجريد = أحدٍ طمع في تمرها واحدٍ طمع بجريّده
وأحدٍ يلوذ بظلها ويقول يالركن الشديد = اربوعنا كانو هنا من قبل اقول اقصّيده





ماكل رجالٍ يشيل السيف مثل ابن الوليد = الحرب يبغى رجل لو باد الزمن مابيّده
اليا دخلنا في البنوك ام الذهب وام الرصيد = مايدخل الفقري ولايقدر يعد ارصيّده

[شجون الليل]

صح لسانك شاعرنا محمد المناع
وصح لسانك شاعرنا ناصر الودايع
متااابعه لكم

[محمد المناع]

محمد ال مهيد
بيض الله وجهك على التواجد

شجون لليل
هلا وغلا شكراً على تواجدكِ


ناصر هلا بك ياغالي... واستلم


ما كل حاكم قد حكم يرقى لهارون الرشيد = راح الرجال اللي على طول الزمن متسيّده
وبنوكنا فيها الكرامه من وريد الى الوريد= ما يفتخر باللول يا رجال غير السيّده

[ناصر الودايع]

اخوي الشاعر الكبير محمد المناع اكتفي بهذا القدر والختم متروك لك والجايات اكثر من الرايحات

ولنا لقاءات قادمه ومباشره ان شاءالله


اللي سواتك في نهار العيد واليوم السعيد = انعنّي الاقدام له وانعايده وانعيّده
هرجٍ يقال وهرج ماينقال واكرر واعيد = ترى كلامٍ يجلب المنقود مااحدٍ ميّده

[ناصر الودايع]

محمد ال مهيد

شجون الليل

الله لايهينكم على مروركم ومتابعتكم الغير مستغربه

[محمد المناع]

الأخ الشاعر الراقي ناصر الودايع
اعتذر شديد العذر منك على التأخير وذالك لعارضٍ ألمي بي والحمدلله
اما الختام فكان عندك وكان أجمل ختام فــ لله درك من شاعر راقي
وأشهد شهادة حق أنت في غنى عنها انك شاعر بحر وراقي .
انا سعيدجداً بمعرفتك وأمثالك فخر والله
في الختام اعتذر منك اخي الكريم ان بدر مني مايشوب النفس
بقصد او بدون قصد
ثم انها تحية تليق بك وشكراً بحجم الكون لمن تابعنا
والسلام عليكم

[اميرة الاحساس]

الله الله عليكم

مبدعين والله مشاء الله

صح لسانكم وسلمت يمنكم

[عبيد الجناحي]

محمد ال مهيد
بيض الله وجهك على التواجد

شجون لليل
هلا وغلا شكراً على تواجدكِ


ناصر هلا بك ياغالي... واستلم


ما كل حاكم قد حكم يرقى لهارون الرشيد = راح الرجال اللي على طول الزمن متسيّده
وبنوكنا فيها الكرامه من وريد الى الوريد= ما يفتخر باللول يا رجال غير السيّده






ياسلام ياسلام

صح لسانكم طاروق جميل لاهنتم على المحاوره

[علي الحزمي]

ماشاء الله
وربي متعة


في قمة الرووووووعة
يعطيكم العافية كل من شارك هنا

ودي وتقديري

[سمر محمد]

سلم رمح الكلم في قافيتكم


وطبتم

[ذكرى الغالي]

سلمت يداك
تقديري وإحترامي
ذكرى الغالي