المساعد الشخصي الرقمي

مشاهدة النسخة كاملة : قصيده للملك فهد بن عبدالعزيز ال سعودرحمه الله


محمد ال مهيد
06-04-2010, 12:15 AM
قصيدة خادم الحرمين الشريفين الملك فهد بن عبدالعزيز رحمه الله
عندما كان مريضا في لندن في شهر شوال من عام 1385هجري
حيث بعثها الى المرحوم الامير فهد بن سعد
يشكو فيها قساوة المرض



يابو سعد صارت على اخوك غارات=شهرين اقاسي من شديـد الغرابيـل
سو المرض يحمل على اخوك حملات=مافي يدي حيله ولا في يـدي حيـل
والله فزع من فوق سبـع السمـاوات=وانا احمد الله يوم صـارت تساهيـل
ماينفـع الخايـف والايـام عجـلات=الخوف ماينفـع ولا القـول والقيـل
حنا هـل العوجـا ولا بـه مـروات=شرب المصايب مثل شرب الفناجيل !
لاشك انا مشغول في كـل الاوقـات=على الـذي حنـا بظلـه رجاجيـل
ماني على نفسـي كثيـر الحسافـات=لاسلم راسه روسنـا رفـاع بالحيـل
حامـي حمانـا بالليالـي المخيفـات=لو صـار بالعالـم كثيـر الزلايـل
فخـر العروبـه بالعـدل والمسـاواه=هذاك هو فيصـل ولا فيـه تشكيـل
يشهد له اللي شاهـدوا منـه ليـات=ويشهد له التاريخ جيـل بعـد جيـل




فاجابه الامير \ فهد بن سعد رحمه الله بهذه القصيده :





يامرحبـا بكتـاب زبـن المـخـلات=اهـلا هلابـه عـد وبـل الهمالـيـل
حمدت مـن زال الكـدر بالمسـرات=فكاك من صكـت عليـه المحابيـل !
فـزع لـك اللـي عالـم بالخفـيـات=مبري جروح ايوب غيـث المراميـل
لعل مايزعج علـى فقـدك اصـوات=ولعلهـا لـك يابـو فيصـل تماهيـل
الله يجيرك مـن صواديـف الافـات=عسـاك تسلـم ياعشيـر المشاكـيـل
ماانت برخيـص ياربيـع القرابـات=لو هي بالايدي كان دونـك حلاحيـل
ترا لنا بـك يافتـى الجـود هقـوات=في وقتنـا الحاضـر وباللـي مقابيـل
يفـداك ربـع قصـروا بالمهـمـات=اللي على القـالات ماتنطـح الشيـل
بعض العرب حي ومن عرض الاموات=مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات=هو درعنا الضافي الى ضدنـا الميـل
اللـي نقـل عنـا حمـول ثقـيـلات=راس الحصيـل ان كملـن الحصيـل

علي الحزمي
06-05-2010, 05:41 PM
ماشاء الله اختيار قمة في الروعة

ورحم الملك فهد

وطيب الله ثراه


لك ودي يابو سيف

اخوك
علي الحزمي

علي سعود
06-08-2010, 06:28 PM
صوت وصدى من نوع فريد

تسلم أخي محمد وطاب منقولك يالطيب

سمر محمد
07-08-2010, 01:20 PM
امتنان للنقل الفريد

وتقدير

ذكرى الغالي
04-18-2011, 07:20 PM
سلمت يداااااك
تقديري واحترامي
ذكرى الغالي
http://kll2.com/upfiles/8Cf43944.gif (http://kll2.com/)

الجوهره النادره
04-18-2011, 07:33 PM
رحم الله ابافيصل
وبارك الله فيك للنقل والاختيار المميز
سلمت الايادي ودام عطاءك

عقاب النهار
04-18-2011, 11:07 PM
يسعد قلبك
على نقلك وذوقك الرائع
وصح كلك ولسان شاعرها

تقديرى

الجوهرة
04-18-2011, 11:46 PM
الله يرحمهم وموتنا وموتى المسلمين
صح كلك على نقلك *

بحر التحدي
04-19-2011, 11:51 AM
محمد ال مهيد
الله يسعدك
اختيار جميل جداً
لا يصل اليه الا القادرون



قصيدتين كلا منهما أجمل من الأخرى



مودتي واحترامي