المساعد الشخصي الرقمي

مشاهدة النسخة كاملة : من اشعار الامير خالد الفيصل


سما الروسان
05-25-2009, 02:50 PM
http://www.v232v.com/vb/images/smilies/2586_1221672049.gifمن شعر الامير خالد الفيصلhttp://www.v232v.com/vb/images/smilies/2586_1221672049.gif



http://gallery.johina.net/up/9432/1162250221.jpg


الله أكبر كيف يجرحن العيون
كيف ما يبرى صويب العين أبد

أحسب إن الرمش لى سلهم حنون
اثر رمش العين ما يأوي لاحد

يوم روّح لي نظر عينه بهون
فزّ له قلبي وصفق وارتعد

لفّني مثل السحايب والمزون
في عيوني برق وبقلبي رعد

نقّض جروحي وجدّد بي طعون
قلت يكفي قالت عيونه بعد

وانعطف هاك الشعر فوق المتون
وانثنى عوده وقفّى وابتعد

أشغلتني نظرة العين الفتون
حيرتني بالتوعد والوعد

هي تمون العين وإلا ما تمون
لى خذت قلبي وقفّت يا سعد






http://gallery.johina.net/up/15895/1165429573.jpg

ما هو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لى صار واجد
وليتك تعرف أوجاع كثر الحنينِ

ما قد شكيت الحر والجو بارد
ولا سهرت بليل طول السنينِ

ولا مشيت العمر والحظ قاعد
ولا تحديت الألم والونينِ

أضحك وأنا لجروح الأحباب جاحد
أداري المكنون عن كل عينِ

ما ودي أفرّح على القلب حاسد
وإلا عذابي في عيوني يبينِ

شيٍ يهون وشي بالحيل كايد
يا كود تجريح الخفوق الحزينِ

من عانده وقته وقلبه يعاند
مالت به الدنيا يسار ويمينِ

غرّتني أمثال العرب بالشواهد
يبيك قلبي وأحسب إنك تبيني

http://gallery.johina.net/up/1195/1159170933.jpg

يا وش بقى بأعطيك منّي ولا جاك
ما باقي إلا روحي أحيا بها لك

أوصف جمالك كل ما أنشدت وأهواك
وازيّن أيامي بجلسة خيالك

يا الغايب الحاضر بقلبي ولا ألقاك
أقرب من عروقي وصعبٍ منالك

شالك زماني عن عيوني ووداك
لا شك وثّق في ضلوعي حبالك

يا حاجبٍ شمسي ورى ليل جفواك
ما بالعهد بك قاسيٍ في دلالك

وش غيّرك يا منوة القلب و أطغاك
على حبيبٍ ما تخيّر بدالك

دنياي ما تصلح بلا شمس دنياك
والليل يوحش لو تغيّب هلالك

ما ينقطع ظما الهوى إلا على ماك
ولا يهوّن حره إلا ظلالك

ولا تشوف العين زينٍ بليّاك
ولا يطرّب سمعي إلا مجالك

ولا انتفض قلبي من الحب لولاك
ولولاك ما يبدي علي مابدالك

http://gallery.johina.net/up/9432/1157501543.jpg

تعال أسهر معك يا اسمر عشيّه
تعال أسلّي خاطرك يا عيوني

تهنّ وخلّ عيني بك هنيّه
أنا وإياك والدنيا تهونِ

ترى الدنيا لياليها شقيّه
حذاريِ تستبد بك الظنونِ

نويت وكل قلبٍ فيه نية
على إني لك وفي روحي تمونِ

هواك بخاطري سوى سوية
تركني بين أياديك معنون

http://gallery.johina.net/up/9432/1156693342.jpg

يا قصيدة عمري الّلي تكتبيني
كل يومٍ حرف من نغمة هواك

ارحميني بالهوى وإلا اذبحيني
لا تخليني معلّق في سماك

كل ما خذتي عمر منّي عطيني
لحظةٍ من ساعةٍ داخل حماك

الحياة أشوفها والموت فيني
واعذاب الّلي بغاك ولا لقاك

يسهر الليل وقمر طيفك بعيني
والشّعاع الصبح يوقظ بي رجاك

إن حدا حادي تولاني حنيني
وإن عرض طيفك على طرفي بكاك

كيف هذا من هوى قلبي يجيني
يا أرقّ الناس قولي وش دهاك

لو تماديت بملامي سامحيني
كم تماديتي بذبحي من طغاك



http://gallery.johina.net/up/9432/1157456398.gif

أستطيع أمنع لساني لا يقول
وأستطيع أمنع عيوني لاترى

وأستطيع أمنع يديني لا تنول
وأمنع أذني عن سواليف الورى

لكن المشكل أنا وشلون احول
دون فكري لو خيالي به سرى

شارد أفكاري على رغمي تجول
كل ماعنّ الهوى وإلا طرى

كل نجمٍ للخيال أصبح ذلول
بالفلك طوّاف لى ضاق الثرى

شاغلي يا راعي الطرف الخجول
باع حبك في خفوقي واشترى

يا ربيع القلب في كل الفصول
ورد حبك فاح عطره وأزهرا

مرّني طيفك على العادة عجول
عز طيفك مثلما عز الكرى

ما نفع تحذيري القلب الجفول
يرقد الخالي وعيني تسهرا

بسألك قلّيhttp://www.v232v.com/vb/images/smilies/198.gif ولو فيها فضولhttp://www.v232v.com/vb/images/smilies/198.gif
كيف تذبح من يشوفك ما درىhttp://www.v232v.com/vb/images/smilies/_.gif


http://gallery.johina.net/up/9432/1157456515.jpg

تحياتي م/ن

ســـما
05-25-2009, 04:23 PM
http://up.bashar.cc/uploads/e1fddd8d5c.gif


سما الرسان





اختيار موفق ورائع






تسلمين علي هالنقل المميز





وصح لسان الامير خالد الفيصل







ودي..}



http://up.bashar.cc/uploads/e1fddd8d5c.gif

عقاب النهار
05-25-2009, 09:16 PM
سلم قلبك على النقل
ولاهنتى

وصح قلبك ولسان الامير خالد الفيصل

تقديرى

محمد ال مهيد
05-25-2009, 09:21 PM
يعطيك العافيه سما الروسان

كلمات كانت ولازالت تاسر القلوب

شكرا لك

محمد

ذكرى الغالي
02-28-2011, 01:24 AM
سلمت يداك
تقديري وإحترامي
ذكرى الغالي

مها يوسف
09-26-2011, 04:59 PM
http://i830.photobucket.com/albums/zz225/EmanIslamic/Islamic%20signatures/ward2u-GlitterArabicText66.gif