عبدالله النعيمي
06-12-2010, 01:54 AM
نشدت رسوم فيحات الريادي =علامتس قد تعفرتس الحفادي
وكررت السؤال ولا اجابت =وهل ينطق الا نشد الجمادي
ولاكن شاقني شوف المنازل =وباح الجاش قصدي والمرادي
وصرت اهيم بالذكرى القديمة =وماضي طيف قدم العين بادي
وصار القاف له روحة وجية =وخلد الروح يعطيه المدادي
وانا لي بالشعر رسمن و مسدل =واجنبه الهزايل باجتهادي
واذا جاهل تعرض لي بكلمة =فما ضر الجمل قبص القرادي
وليلن جن ساهرته قزين =وغيري ناعمن حلو الرقادي
فشوف الدار جدد بي صوابي =ونقض جرح بسويدا الفوادي
مرابينا من ايام الطفولة =قدايمها بمنظوري جدادي
وفيها اخيل اقطان ومرابع =عليها بيوت قومي والنوادي
غراب البين ينعب في ثناها =بعرصاتن دوارسها تنادي
تنادي ساكنين قد جفوها =صروف الوقت خلتهم بدادي
ولا من ساكني الحي زيلة =ولي صوتي يعود بارتدادي
نظرت الربع واثر الربع خالي =من الازوال وعموم البوادي
فكم يصوحبي دجنا بقاعه =وكم سجيت في ذيك البلادي
وكم سقت القدم باطراف دوه =من النقيان الا حد الحمادي
يهيض القلب به ومض السناوي =ويطرب يوم زمجر بارتعادي
ثعوله تسقي دعوبه واجرت =سيولن به تفيض كل وادي
الا من الحيا امطر فياضه =كساها من الحلل زهرن وكادي
وتوحي صوت راعبها وقطاها =يغني كل ما هب البرادي
وسيدان الغضى تعوي وتقنب =على المشراف وبروس المبادي
ترى وحش الوضيحي في الروابي =معا والريم في الهضب البعادي
وحسكات الوبر من كل ذودن =عواليها عليها الشحم زادي
مغاتيرن ووضح وجيش وحمرن =ومجاهيمن تميز بالسوادي
عجب هالوطر يا هل منه عينة =وهل يرجع عقب ما صار غادي
تغير وقتنا التالي وصير =نفوس الخلق اغلبها حسادي
عقب ما سالف الاجيال ولت =اشوف النار ترثنا رمادي
زمان التال كلن حب روحه =وغيره لو يضيع يقول عادي
ومبدا غاية تبرر وسيلة =تشيخ في مباديّه وسادي
تناسى او نسى انه محاسب =بساع الحشر في يوم المعادي
فلا ينفعه ماله او بنينه =اذا بالخير ما جمع حصادي
فكلن يا بشر مثل وسواسي =امام الله خلاق العبادي
ومن جنى خيرن فطاب حظه =توقى نار تسعر باتقادي
ومن سعى بالشر ينوي سيية =هوى في شر اعماله وكادِ
والا يصويحبي خذها نصيحة =تلاحق ما بقى قبل النفادي
وختم القيل ياغفار عفوك =اذا مالنفس جانبها السدادي
عبدالله المهنا النعيمي
وكررت السؤال ولا اجابت =وهل ينطق الا نشد الجمادي
ولاكن شاقني شوف المنازل =وباح الجاش قصدي والمرادي
وصرت اهيم بالذكرى القديمة =وماضي طيف قدم العين بادي
وصار القاف له روحة وجية =وخلد الروح يعطيه المدادي
وانا لي بالشعر رسمن و مسدل =واجنبه الهزايل باجتهادي
واذا جاهل تعرض لي بكلمة =فما ضر الجمل قبص القرادي
وليلن جن ساهرته قزين =وغيري ناعمن حلو الرقادي
فشوف الدار جدد بي صوابي =ونقض جرح بسويدا الفوادي
مرابينا من ايام الطفولة =قدايمها بمنظوري جدادي
وفيها اخيل اقطان ومرابع =عليها بيوت قومي والنوادي
غراب البين ينعب في ثناها =بعرصاتن دوارسها تنادي
تنادي ساكنين قد جفوها =صروف الوقت خلتهم بدادي
ولا من ساكني الحي زيلة =ولي صوتي يعود بارتدادي
نظرت الربع واثر الربع خالي =من الازوال وعموم البوادي
فكم يصوحبي دجنا بقاعه =وكم سجيت في ذيك البلادي
وكم سقت القدم باطراف دوه =من النقيان الا حد الحمادي
يهيض القلب به ومض السناوي =ويطرب يوم زمجر بارتعادي
ثعوله تسقي دعوبه واجرت =سيولن به تفيض كل وادي
الا من الحيا امطر فياضه =كساها من الحلل زهرن وكادي
وتوحي صوت راعبها وقطاها =يغني كل ما هب البرادي
وسيدان الغضى تعوي وتقنب =على المشراف وبروس المبادي
ترى وحش الوضيحي في الروابي =معا والريم في الهضب البعادي
وحسكات الوبر من كل ذودن =عواليها عليها الشحم زادي
مغاتيرن ووضح وجيش وحمرن =ومجاهيمن تميز بالسوادي
عجب هالوطر يا هل منه عينة =وهل يرجع عقب ما صار غادي
تغير وقتنا التالي وصير =نفوس الخلق اغلبها حسادي
عقب ما سالف الاجيال ولت =اشوف النار ترثنا رمادي
زمان التال كلن حب روحه =وغيره لو يضيع يقول عادي
ومبدا غاية تبرر وسيلة =تشيخ في مباديّه وسادي
تناسى او نسى انه محاسب =بساع الحشر في يوم المعادي
فلا ينفعه ماله او بنينه =اذا بالخير ما جمع حصادي
فكلن يا بشر مثل وسواسي =امام الله خلاق العبادي
ومن جنى خيرن فطاب حظه =توقى نار تسعر باتقادي
ومن سعى بالشر ينوي سيية =هوى في شر اعماله وكادِ
والا يصويحبي خذها نصيحة =تلاحق ما بقى قبل النفادي
وختم القيل ياغفار عفوك =اذا مالنفس جانبها السدادي
عبدالله المهنا النعيمي