عبدالرحمن سراج
06-12-2010, 06:48 PM
تدرون في وزّة البعوض ..وإلا اوزّ = وزّة بعوضه ..واخليّ من جهل يدرا
من شافني من حلال النّوم لمّا افزّ = وافتزّ من قبلة الغرفة الى حدرا
يعرف بأنّ الصحاري في هواها العزّ = ويشوف حلو السمر في حرقة الصحرا
مثل الصواريخ اطالع نحوها واقزّ = طول المدى والتحرّك واحسب القطرا
تهتزّ لا هزّت الاجناح وانا اهزّ = رمش التعقّب واتابع وجهة المسرا
وتغزّ انبوبة التفجير ..وانا اغزّ = انبوبة الشجب والتنديد والهدرا
واستنفر اظفار حكّ الجلد والا امزّ = حبّة على الكتف والا جرح فالصدرا
وانشر جنودي في الاطراف والمركز = كأنّها الحصن حول القلعة الكبرا
لكنّ مثل الذي نوع الهوا يفرز = وللّي يشلّ السحب لو غطّت البدرا
ماظنّ تسلم جيوش الغزو لو تقفز = لو تطلع الجوّ .. او تتسلّق السدرا
وان جيت باوصف زنود الستّ واطرّز = احتار في القبّة اليمنى او اليسرا
شكل التماثيل والمقياس حبّة رزّ = في يدّها الرمح للتنقيب والخدرا
يتحسّس الصيد من ابعد مدى ويخز = سنّ المسامير بين الحلق والنحرا
والظهر فيه التّحكم برج متّجهّـز = للكرّ في البرّ والا الغوص فالبحرا
كأنّها خيمة المنصور ذي ينجز = فيها التعاليم لهل الرأي والشورا
تخفي عليها سلاح الفتك وتحفّز = طليعة الجيش ضدّ الجند والاسرا
لا اتحرك القلب شفت الميمنة تنقز = والبرج يرصد نوايا القوم فالغدرا
واعماد يبقى عليها الجسم متركّز = تشبه حبال الملابس حين تتعرا
الزوج فيها منظّـم شبه متحيّـز = محشور في اسفل التجويف من برّا
لا اتحركت قلت اصابع جنيه تخبز = وان وقّفت قلت هذه العشّـه الغبرا
والوجه لو قابل الحجّاج متنرفز = خلاه ينسى القسا ويسهل الامرا
من شكله الجنّ والاشباح ما تبرز= والخير ما اعتاد ان يستنجد الشرّا
كنّـه ابو الهول لكن حاجبه يغمز = ما أقول إلا ابو الاهوال والذعرا
والقرن يشبه هوائي نشرة الموجز = يستشعر اوقات بثّ النشرة الاخرا
ويصوّر احداث هذه الحرب ويتلفز = ان الذي صار فيها يقتضي العذرا
أما عن البوق لا تسأل ولا تلمز = لا فكّ صفارة الانذار واتبرّا
يسمع صداها الذي غافل ومتحرّز = والكل من وقعها يطرق ويتحرّا
لا جت على الاذن طار النوم يا مخرز = وتشوفني في لباس الجبن ما اتجرأ
ويش الذي من ورا البعوض باتحرز = غير المعاناة والآلام والقهرا
من كثر ما غازلتني الوززز عفت الوَز = والبطّ والفرخ والالبان والتمرا
عايش مع الوحش والافعى ودود القز = ما لي من العصر غير الصفر والحبرا
الصفر أكمّـل به الارقام وارمّـز = والحبر أدوّن به الاسعار والشعرا
وانا اعشق الصفر لنّ الصفر متميّـز = واحنا اخترعناه واوجدنا له الذكرا
لولاه ما للعرب فالدهر ما تكنز = واظنّ لولا العرب ما احتاجوا الصفرا
يا أمّـة الصفر والبعوض وين العز ؟= وين الحضارات ؟ يهل المجد والفخرا
وسلامتكم .. وسلامة القراء
تحيّـاتي لكلّ من سجّل مروره
أخوكم الشاعر / عبد الرحمن سراج
من شافني من حلال النّوم لمّا افزّ = وافتزّ من قبلة الغرفة الى حدرا
يعرف بأنّ الصحاري في هواها العزّ = ويشوف حلو السمر في حرقة الصحرا
مثل الصواريخ اطالع نحوها واقزّ = طول المدى والتحرّك واحسب القطرا
تهتزّ لا هزّت الاجناح وانا اهزّ = رمش التعقّب واتابع وجهة المسرا
وتغزّ انبوبة التفجير ..وانا اغزّ = انبوبة الشجب والتنديد والهدرا
واستنفر اظفار حكّ الجلد والا امزّ = حبّة على الكتف والا جرح فالصدرا
وانشر جنودي في الاطراف والمركز = كأنّها الحصن حول القلعة الكبرا
لكنّ مثل الذي نوع الهوا يفرز = وللّي يشلّ السحب لو غطّت البدرا
ماظنّ تسلم جيوش الغزو لو تقفز = لو تطلع الجوّ .. او تتسلّق السدرا
وان جيت باوصف زنود الستّ واطرّز = احتار في القبّة اليمنى او اليسرا
شكل التماثيل والمقياس حبّة رزّ = في يدّها الرمح للتنقيب والخدرا
يتحسّس الصيد من ابعد مدى ويخز = سنّ المسامير بين الحلق والنحرا
والظهر فيه التّحكم برج متّجهّـز = للكرّ في البرّ والا الغوص فالبحرا
كأنّها خيمة المنصور ذي ينجز = فيها التعاليم لهل الرأي والشورا
تخفي عليها سلاح الفتك وتحفّز = طليعة الجيش ضدّ الجند والاسرا
لا اتحرك القلب شفت الميمنة تنقز = والبرج يرصد نوايا القوم فالغدرا
واعماد يبقى عليها الجسم متركّز = تشبه حبال الملابس حين تتعرا
الزوج فيها منظّـم شبه متحيّـز = محشور في اسفل التجويف من برّا
لا اتحركت قلت اصابع جنيه تخبز = وان وقّفت قلت هذه العشّـه الغبرا
والوجه لو قابل الحجّاج متنرفز = خلاه ينسى القسا ويسهل الامرا
من شكله الجنّ والاشباح ما تبرز= والخير ما اعتاد ان يستنجد الشرّا
كنّـه ابو الهول لكن حاجبه يغمز = ما أقول إلا ابو الاهوال والذعرا
والقرن يشبه هوائي نشرة الموجز = يستشعر اوقات بثّ النشرة الاخرا
ويصوّر احداث هذه الحرب ويتلفز = ان الذي صار فيها يقتضي العذرا
أما عن البوق لا تسأل ولا تلمز = لا فكّ صفارة الانذار واتبرّا
يسمع صداها الذي غافل ومتحرّز = والكل من وقعها يطرق ويتحرّا
لا جت على الاذن طار النوم يا مخرز = وتشوفني في لباس الجبن ما اتجرأ
ويش الذي من ورا البعوض باتحرز = غير المعاناة والآلام والقهرا
من كثر ما غازلتني الوززز عفت الوَز = والبطّ والفرخ والالبان والتمرا
عايش مع الوحش والافعى ودود القز = ما لي من العصر غير الصفر والحبرا
الصفر أكمّـل به الارقام وارمّـز = والحبر أدوّن به الاسعار والشعرا
وانا اعشق الصفر لنّ الصفر متميّـز = واحنا اخترعناه واوجدنا له الذكرا
لولاه ما للعرب فالدهر ما تكنز = واظنّ لولا العرب ما احتاجوا الصفرا
يا أمّـة الصفر والبعوض وين العز ؟= وين الحضارات ؟ يهل المجد والفخرا
وسلامتكم .. وسلامة القراء
تحيّـاتي لكلّ من سجّل مروره
أخوكم الشاعر / عبد الرحمن سراج