فارس السهلي
06-26-2010, 12:07 PM
أحباب الشعر والأدب .. سلام ٌ من الله عليكم ورحمة منه وبركاته
أسعد الله أوقاتكم أصدقاء المشاعر
أشكركم جميعاً وأشكر أخي الكريم الأستاذ / محمد ال مهيدب
على دعوته الكريمه التي تشرفت بها إلى هذا الصرح الشامخ بشموكم
خطوه أولى لـ الوصول إلى قلوبكم , إسمحوا لها بالمرور ..
( الجادل )
الجادل اللي إستباحت صدر مغليهـا=من هو يلوم الهواوي لا انسحر فيها
من شافها والصبايا صـارن بعينـه=ما فيهن اللـي بنعومتهـن تساويهـا
إجمع حسان العرب والفرس واوروبا=وانا اتحدى ليـا وصلـن مواطيهـا
إليا بغيت أتغـزل قالـت أقلامـي :=لا والله إلا هجدنـا وش يكفيـهـا ؟
لكن صعبـه أقـاوم لـذة شعـوري=عودته إليـا بغـى حاجـه يسويهـا
جفول قومٍ وحرة بـدو لا صاحـت=تسابـق اخوانهـا كـلـن يلبيـهـا
أخوانها اللي ليا من ثـارت الهيـه=إتكرٌ لامـن تعـزوو فـي اساميهـا
وانا ليا منٌهـا جتنـي علـى بالـي=أضيع فعيونهـا الحـوراء واغنيهـا
فاتن عليها حلاهـا مسبـلٍ خيـره=كنهـا تخيٌـر محاسنهـا وتشريهـا
جديلها اللي ليا مـن فلٌتـه يوقـف=مـا كنٌـه إلا صديقتهـا تحاكيـهـا
سواد ليـلٍ عتـم جافيتـه القمـرى=إتقول في ظهرهـا لمٌـت لياليهـا !
وفقبالها الشمس وضياهـا وبهجتهـا=فجبينها النور يخطف عيـن رائيهـا
من تحتها عيون كنْها زوج ألماسـه=نواعسٍ كن أبوهـا تـوْ مصحيهـا
وشفاتها اللي عطاها التوت من لونه=وا كبدي اللي ضمت وشلون تسقيها !
عذوبة النيل منهـا لا بـدت تحكـي=تقطر على اذان سامعهـا وموحيهـا
واشيب عيني انا وشلـون بوصلهـا=واقول اشياء لهـا مبطـي مخبيهـا
إي بالله إني عشقت وهمـت لكنـي=أخفيت عنها خفـوقٍ بـات يبكيهـا
( كأنني أضرب ألأوتـار سكرانـا=أسير عشقٍ مكبٌـل فـي أراضيهـا
لو عاش قيسٌ زماني مات مكلومـا=واثكلَ ليلاه في من مـات يرثيهـا )
لا واحلالاه يا أغلى الناس في قلبـي=متى دروب الوصل تحيا وتحييها .؟
يرضيك حالي كذا لا حي لا ميت ؟=خافي على نفس صدك حيل مشقيهـا
غلٌفت لك هالحروف وجيت أقدمهـا=لروحك , ووسطها خفٌـاق مهديهـا
يا رب يـا رب تقبلهـا وتتواضـع=لو إنهـا مـا تعبٌـر عـن معاليهـا
.
.
محبكم / فارس السهلي
أسعد الله أوقاتكم أصدقاء المشاعر
أشكركم جميعاً وأشكر أخي الكريم الأستاذ / محمد ال مهيدب
على دعوته الكريمه التي تشرفت بها إلى هذا الصرح الشامخ بشموكم
خطوه أولى لـ الوصول إلى قلوبكم , إسمحوا لها بالمرور ..
( الجادل )
الجادل اللي إستباحت صدر مغليهـا=من هو يلوم الهواوي لا انسحر فيها
من شافها والصبايا صـارن بعينـه=ما فيهن اللـي بنعومتهـن تساويهـا
إجمع حسان العرب والفرس واوروبا=وانا اتحدى ليـا وصلـن مواطيهـا
إليا بغيت أتغـزل قالـت أقلامـي :=لا والله إلا هجدنـا وش يكفيـهـا ؟
لكن صعبـه أقـاوم لـذة شعـوري=عودته إليـا بغـى حاجـه يسويهـا
جفول قومٍ وحرة بـدو لا صاحـت=تسابـق اخوانهـا كـلـن يلبيـهـا
أخوانها اللي ليا من ثـارت الهيـه=إتكرٌ لامـن تعـزوو فـي اساميهـا
وانا ليا منٌهـا جتنـي علـى بالـي=أضيع فعيونهـا الحـوراء واغنيهـا
فاتن عليها حلاهـا مسبـلٍ خيـره=كنهـا تخيٌـر محاسنهـا وتشريهـا
جديلها اللي ليا مـن فلٌتـه يوقـف=مـا كنٌـه إلا صديقتهـا تحاكيـهـا
سواد ليـلٍ عتـم جافيتـه القمـرى=إتقول في ظهرهـا لمٌـت لياليهـا !
وفقبالها الشمس وضياهـا وبهجتهـا=فجبينها النور يخطف عيـن رائيهـا
من تحتها عيون كنْها زوج ألماسـه=نواعسٍ كن أبوهـا تـوْ مصحيهـا
وشفاتها اللي عطاها التوت من لونه=وا كبدي اللي ضمت وشلون تسقيها !
عذوبة النيل منهـا لا بـدت تحكـي=تقطر على اذان سامعهـا وموحيهـا
واشيب عيني انا وشلـون بوصلهـا=واقول اشياء لهـا مبطـي مخبيهـا
إي بالله إني عشقت وهمـت لكنـي=أخفيت عنها خفـوقٍ بـات يبكيهـا
( كأنني أضرب ألأوتـار سكرانـا=أسير عشقٍ مكبٌـل فـي أراضيهـا
لو عاش قيسٌ زماني مات مكلومـا=واثكلَ ليلاه في من مـات يرثيهـا )
لا واحلالاه يا أغلى الناس في قلبـي=متى دروب الوصل تحيا وتحييها .؟
يرضيك حالي كذا لا حي لا ميت ؟=خافي على نفس صدك حيل مشقيهـا
غلٌفت لك هالحروف وجيت أقدمهـا=لروحك , ووسطها خفٌـاق مهديهـا
يا رب يـا رب تقبلهـا وتتواضـع=لو إنهـا مـا تعبٌـر عـن معاليهـا
.
.
محبكم / فارس السهلي