عبدالله النعيمي
07-10-2010, 01:37 AM
من ماضي الاحداث قلبي مستليم= بس اتكظم والكظيم سقيم
من حر ما بي قد جفت عيني الكرى= لاجن ليلن بالظلام عتيم
وانا كن فيني جمر يكوى به الحشى= ضدد زمانن في عطاه عقيم
من عقب ماني فيه شاهر على النبا= طرحني كما يطرح بالشبك العديم
ومالي سوى القيفان والبدع والنظم= اسبك بيوت القاف وزنن مستقيم
وارعى مدابيحن في صفحة الغلس= اشبح لها نوبن ونوب كليم
قبحت يا بو جفان لا طاب مرعى فيك= كثير عشبك للحلال وخيم
خذنا بقاعك فوق عشرين ليلتن= ثم المطايا كنها اجزاع الصريم
سقا الله جوٍ سهجناه قبل العام= جعل الحيا بعموم قاعه مستديم
دليلنا سهيل اليمانيْ والشعرى= جنوب القرا ين في شمال سحيم
ليت المطايا في جوانبه رتعن= ترعى غضيضن في حجاة خشيم
في ربع ما مره من الخلايق حي=كود الوضيحي او غزال الريم
تنظر نوازي يطرب القلب شوفها=شوق لها بالروح من عهدن قديم
وبها الاباطح شاقني هدة الوحش= ضارن على قتل الفريس مديم
عوق الخريش اللي غيب وروح جو= عزمه على طرد الصعيب مهيم
قرناس ثاني يطرب الشوف والنظر= بحرية ما قاربت كف الغشيم
ودي ولو ذاك العهد يرجع وينعاد= ويروي عطش خافق ضماه عظيم
يا صويحبي فالقلب محبوس بالمدر= حبسة سجينن بالديون غريم
وجده كما مكسور ضالت عليه عدا ه= باره ضمينه والعميل خصيم
قال النعيمي من هواجيس خاطره= يبدع من الجزلات ويخط الرقيم
بيوتن من افكاره يركز عمودها= وهو ماهرٍ سباح بالموج اللطيم
الله قسم بين خلقه فضايله= ومن القريض اعطاني القسم الجسيم
خمسة عشر عام المثايل اسوسها= ما يجمح الخيل ولجامه شكيم
ولا جا شقي القوم يغرف من القذى= صديت عن هرج وكلام ذميم
واهون علي الموت ولا كلمة الردى= وارى المروة زينة الذرب الحشيم
تضافر علي الوقت واسباب فاقةٍ= وانا كريمن من حسيب كريم
ولا عوق الا عوق من ورثه الصخا= حده زمانن في عطاه مضيم
واكبر ديون ديون من شب فالعلا= يمنى على المال الثمين ضريم
ولا خسار الا فقدة اخو وذراع= شقيقك سوى ولا رفيق لزيم
وهذي هي الدنيا تعطي وكم تاخذ= تبسط لك اليمنى وتنهبك العسيم
ولا يغرك يالفتى العمر واوله= اوله يانع والتوال هشيم
خذها نصايح من تجاريب من سبق= هذي تجارب والفهيم حكيم
تمت وصلى من نصلي مخافته= على نبي الحق والدين القويم
اعداد مالبى بالبيت من حجاج= وفردن دعا ما بين زمزم والحطيم
عبدالله المهنا النعيمي
من حر ما بي قد جفت عيني الكرى= لاجن ليلن بالظلام عتيم
وانا كن فيني جمر يكوى به الحشى= ضدد زمانن في عطاه عقيم
من عقب ماني فيه شاهر على النبا= طرحني كما يطرح بالشبك العديم
ومالي سوى القيفان والبدع والنظم= اسبك بيوت القاف وزنن مستقيم
وارعى مدابيحن في صفحة الغلس= اشبح لها نوبن ونوب كليم
قبحت يا بو جفان لا طاب مرعى فيك= كثير عشبك للحلال وخيم
خذنا بقاعك فوق عشرين ليلتن= ثم المطايا كنها اجزاع الصريم
سقا الله جوٍ سهجناه قبل العام= جعل الحيا بعموم قاعه مستديم
دليلنا سهيل اليمانيْ والشعرى= جنوب القرا ين في شمال سحيم
ليت المطايا في جوانبه رتعن= ترعى غضيضن في حجاة خشيم
في ربع ما مره من الخلايق حي=كود الوضيحي او غزال الريم
تنظر نوازي يطرب القلب شوفها=شوق لها بالروح من عهدن قديم
وبها الاباطح شاقني هدة الوحش= ضارن على قتل الفريس مديم
عوق الخريش اللي غيب وروح جو= عزمه على طرد الصعيب مهيم
قرناس ثاني يطرب الشوف والنظر= بحرية ما قاربت كف الغشيم
ودي ولو ذاك العهد يرجع وينعاد= ويروي عطش خافق ضماه عظيم
يا صويحبي فالقلب محبوس بالمدر= حبسة سجينن بالديون غريم
وجده كما مكسور ضالت عليه عدا ه= باره ضمينه والعميل خصيم
قال النعيمي من هواجيس خاطره= يبدع من الجزلات ويخط الرقيم
بيوتن من افكاره يركز عمودها= وهو ماهرٍ سباح بالموج اللطيم
الله قسم بين خلقه فضايله= ومن القريض اعطاني القسم الجسيم
خمسة عشر عام المثايل اسوسها= ما يجمح الخيل ولجامه شكيم
ولا جا شقي القوم يغرف من القذى= صديت عن هرج وكلام ذميم
واهون علي الموت ولا كلمة الردى= وارى المروة زينة الذرب الحشيم
تضافر علي الوقت واسباب فاقةٍ= وانا كريمن من حسيب كريم
ولا عوق الا عوق من ورثه الصخا= حده زمانن في عطاه مضيم
واكبر ديون ديون من شب فالعلا= يمنى على المال الثمين ضريم
ولا خسار الا فقدة اخو وذراع= شقيقك سوى ولا رفيق لزيم
وهذي هي الدنيا تعطي وكم تاخذ= تبسط لك اليمنى وتنهبك العسيم
ولا يغرك يالفتى العمر واوله= اوله يانع والتوال هشيم
خذها نصايح من تجاريب من سبق= هذي تجارب والفهيم حكيم
تمت وصلى من نصلي مخافته= على نبي الحق والدين القويم
اعداد مالبى بالبيت من حجاج= وفردن دعا ما بين زمزم والحطيم
عبدالله المهنا النعيمي