أقرب شاعر أرحب

[علي سعود]

بدون مقدمات اقرب شاعر ارحب


سلام ردية وفاء مني على سماع الجميع=اهات من رد الصدى ياللي هنا تقرونها
ابغى بتدي والمبتدأ في عالي التل الرفيع=أن كان ليلى الملعبه وين أنت يامجنونها

[محمد المناع]

أهلاً هلابك مرحبا يا صاحب البدع البديع =ترحيبتي مسك وذهب والماس لونه لونها
فيها صدى يرسم ندى في وجنة زهورالربيع=ليلى لها تقرص طرب يالله تكون بعونها

[عبدالله الحضبي]

ابداااااااااااااااااااااااااع
واصلوا في التميز
وين الصفوف

[ذكرى الغالي]

تقديري واحترامي

[محمد المناع]

تقرص = ترقص http://www.buraydahcity.net/vb/images/smilies/ohplease.gif

الأخ القدير الكبير عبدالله الحضبي
الاخت الراقيه ذكرى الغالي
تواجدكم شرف لا خلا ولا عدم

[علي إبن شفلوت]

مرحبآ بالجميع

هلا يا عل إبن اسعود والعلم وآصل لّي ,,,,,,,
,,,,,,,,,,,,وسمحان توّه هايجآ وادّرجْنا , به
وانا جيت مكّة ناوي آحجّ وآصلّي ,,,,,,,,,,,,
,,,,,,,,,,,.واشوف الكفيل الّي بدا ودّر اجنابه

علي إبن شفلوت

[علي سعود]

مرحبآ بالجميع


هلا يا عل إبن اسعود والعلم وآصل لّي ,,,,,,,
,,,,,,,,,,,,وسمحان توّه هايجآ وادّرجْنا , به
وانا جيت مكّة ناوي آحجّ وآصلّي ,,,,,,,,,,,,
,,,,,,,,,,,.واشوف الكفيل الّي بدا ودّر اجنابه

علي إبن شفلوت

ارحب ياسمي وصح السانك وبشر برد

لكن بعد نهاية المحاوره مع الاخ محمد المناع هات طاروقك وبشر يالغالي

[علي سعود]

أهلاً هلابك مرحبا يا صاحب البدع البديع =ترحيبتي مسك وذهب والماس لونه لونها
فيها صدى يرسم ندى في وجنة زهورالربيع=ليلى لها تقرص طرب يالله تكون بعونها



أرحب تراحيب المطر يامحمد ياهلابك


فيك البقى ياصاحبي وسمع عنك حرن طليع= لاكن قبل لابدأ معك وجهتك وين ضعونها
حفظ معالم رحلتك حتى برجوعك ماتضيع=وأن بانت لاهداف رميك لا يجي من دونها

[علي إبن شفلوت]

علي إبن سعود
أنت على راسي من فوق وأنا اسف على التطفل
ولكن وجدت الباب مفتوح للمحاورة
وقلت استفيد منك وافيدك
تقبل ودي وفائق إحترامي ودمت بألف خير

[علي سعود]

علي إبن سعود
أنت على راسي من فوق وأنا اسف على التطفل
ولكن وجدت الباب مفتوح للمحاورة
وقلت استفيد منك وافيدك
تقبل ودي وفائق إحترامي ودمت بألف خير

أخو عزيز ياعلي وتمون يالطيب
وأنا تلميذك في هذا المجال يالغالي

شكري وتقديري لك

[محمد المناع]

الله يبقيك يا ابو سعود
هلابك زود ولي الشرف طال عمرك

سم


يا بوسعود أرقى سنود وفي يدي سيفٍ بريع = سلته سله من ذهب والموت في مسنونها
هات العلوم الوافيه دام احتزمتم بالذريع = ميّل معَا عباسها والا معا شارونها

[علي سعود]

كفوووويامحمد
وستلم


جرد الفيافي تتعب الرجال لو صدره وسيع=وسحم السباع الجايعه مثل الشرار عيونها
أنا ماني مع ذأ ولا مع ذاك أنا حيطي منيع=يوم الديار الخاويه طاحت عروش ركونها

[محمد المناع]

ماعليك زود يالقرم


ااستلم طال عمرك


ما فيه عرض ومشترا مافيه للسوام بيع = واللي غزا لرض المها جاب المها بقرونها
يابوسعود أرض القنا منتوجها شوك النقيع= واما القنا يا صاحبي تبقى وسوم اطعونها

[علي سعود]

شوك القنا وام القنا ماهمت الرجل الشجيع= وارض المها فيها المها تضحك أبيض سنونها
ليا بذلت الجهد والمجهود واللي تستطيع=مايلحقك الوم الرجال بكلمة ن توحونها

[محمد المناع]

الليل يا ليل لعنا ليل المصوب والصريع = ليلة سرى هامانها يضحك على فرعونها
حكايةٍ تبّكي الكهل وتشيب حفاف الرضيع=بعض الخطب مالي بها ياللي علي تتلونها

[علي سعود]

ريع الندامه مايشبه يارجل في كل ريع=واللي خطب في منبره وصاك لاتنسونها
يشر سهم دربك جباري وظرب الخط السريع= ان كانها صعبة عليكم عندنا ياهونها

[عقاب النهار]

مبدعين وعمالقه ربي يسعدكم
واصلوا ابداعكم

تقديرى لكم واحترامى

[محمد المناع]

عقاب النهار
تسلم يالشيخ على المتابعة
لاخلا ولا عدم


أبو سعود
سم طال عمرك والقلوب صحاح


تصعب علي لا شفتكم في الموقف الصعب المريع=يوم أرتمتيم في اللهيب إللي علي توشونها
من عاف طعم العافيه يصبر على طعم الضريع=إما أفتلوا مجدولها والا فخلوا فنونها

[علي سعود]

تقولها ياصاحبي وامرك من علومك فضيع= لكن حالك ياوسيع العرف هي وشلونها
الزبد بالماعون تحت الشمس عندك لايميع= عليك دين وخلص الديان يامديونها

[محمد المناع]

ناري على راس الجبل والعلم بالمذياع ذيع = وعلومكم يا صاحبي تفنى ولا يطرونها
والموقف إللي توقفه يا صاحبي جداً شنيع = التمر في راس النخل يومك تحت عرجونها

[علي سعود]

علومنا مره وجرعناك ياصاحب جريع=وأنته تحسبنه حلى وسم في ماعونها
مدام هذي حالتك يارعي القلب الوجيع=ياعزتيلك والليالي يابسات شنونها

[محمد المناع]

هذا زمان المعمعة والإمعة واللي وضيع = ناسٍ تحط عقولها تسكن خنا كرتونها
أحدٍ هوى للهاوية وأحدٍ على الجره تبيع = دنفن علوم أبولهب لكنهم يحيونها

[علي سعود]

خطام في خشم الفرس وعنان حتى انه يطيع= وأم الغرير ابصوتها قامت تجر الحونها
يالكلمه اللي بالصدر في خاطري تقرع قريع= خليتها ياصاحبي جمره على غليونها

[محمد المناع]

الذيب يقنب يا علي والحمل له طبعٍ وديع = والفطّر اللي ضاويه شوف البلا ببطونها
مالك نجاة وملتجآ مالك من أنيابه شفيع= والجمرة اللي في يديك الصدرهو كانونها

[علي سعود]

الاخ العزيز\ محمدالمناع مليوووون صح الله السانك

فاستميحك عذراً على بعض الردود أذأ كان بدر مني شي يكدر الخاطر يعلم الله أنك عزيز وغالي
ولكن هذه هي ظروف الملعبه وأنت تعرف هذا شي بالختام لك مني جزيل الشكر وتقدير

على سعت صدر وسلوبك بالعب تقبل خالص ودي وحترامي

أخوك \علي سعود

[سمر محمد]

رائعون بلا منافس

شكراً معطرة

[علي سعود]

جزيل الشكر لك اختي سمر على مرورك العطر