حمام الورق

[عبيد الجناحي]

ياحمام الورق بلغها سلامي والتحيه=جادل هزت عروش وغيرت كل النحايا
ملهمة شعري تغنيها القوافي سامريه=بعدها وفراقها سوا بشاعرها سوايا
اتركت حبل المواصل والمحبة في يديه=ورحلت من غير توديع وتواقيع وهدايا
بنت عم ٍ للقمر واخت النجوم السرمديه=طيف عشق ٍ لاطرى ذوّب معاليق الحنايا
مالي ومال العنا والعشق بدروب اجنبيه=ضاع وقتي ضاع شوقي ضاعت ركاب ومطايا
بين قيفان وقصيد ودفتر الأوراق... ميه=وبين تنسيف العمامه ساعة ٍ خلف المرايا
احمد الوالي على وضح النقا مابه خطيه=مايرد الشوق للمحبوب تذكار الخطايا
مابقى الا ذكرياتي بين روحاتي وجيه=مابقى الا ياولي العرش.. تسعدها هوايا
ياحمام اسلم وسلم ..وصل الجادل تحيه=قلها سرب القوافي عقبها صارت... طنايا


اتمنى تحوز على رضاكم

[تركي فلاح]

صح لسانك شاعرنا الجزل عبيد



لا هنت على هالرائعه ..


يسعدني اكون اول من يتلقى وابلها ..



دمت بود ..




تركي فلاح

[الغريبة شوق]

الله الله

منتهى العذوبه

صح قلبك

ولا هنت

[عطر الزهور]

عبيد الجناحي
شكرا لك على هذه الرائعة
تحياتي

[ذكرى الغالي]

صح لسانك
تقديري واحترامي

[سامي احمد]

القدير

عبيد الجناحي

صح الله السانك واعلى شانك
تقبل الورد

سامي احمد

[عبيد العمري]

صح لسانك

شاعرنا القدير
عبيدالجناحي
سلمت ولاندمت

وبيض الله وجهك

تقبل تحياتي وتقديري

[محمد ال مهيد]

ارحب ارحب ياعبيد من طول الغيبات

جاب الغنايم

شاعر مبدع وراائع في حضوره وتواجده

كما انا بشوق الى معانقه جديدك

سجل اعجابي موتابعتي

محمد

[علي سعود]

جزله من شاعر جزل

صح السانك ياعبيد ولاهنت ولاهان راسك

لك تحياتي

[عبيد الجناحي]

مشكورين جميعاً على المرور

[نيفين]

اخي الشاعر
(( عبيد الجناحي )))

صح لسانك وبيض
الله وجهك
ابيات قمة في الروعة
ماشاء الله

دمت سالما سعيدا .. .. نيفين

[علي الحزمي]

مالي ومال العنـا والعشـق بـدروب اجنبيـه
ضاع وقتي ضاع شوقي ضاعت ركاب ومطايا
بين قيفان وقصيـد ودفتـر الأوراق... ميـه
وبين تنسيف العمامه ساعـة ٍ خلـف المرايـا



ياسلام عليك اخي الغالي
عبيد الجناحي
صح لسانك لين ترضى
اخوك
علي الحزمي

[عبيد الجناحي]

نيفين وعلي مشكورين على المرور