نواف العضياني
08-01-2010, 06:25 PM
الدمعة الحايرة في داخل عيونك=ماودها هي تفارق عن محاجرها
وعيونك اللي تعذب قلب مجنونك =ماهو بمن عادته يكسر بخاطرها
اجرح وعذب وانا يازين ممنونك =مادامها جات من خاطرك باعذرها
ياللي ليا قلت لي نواف وشلونك؟=لو حالتي ماني بطيب تغيرها
ولا ليا من جذبت الصوت بلحونك =تحير فيك القصايد عند شاعرها
يوم اسمع الناس قدامي يطرونك=تجبرني الابتسامه قبل ماجبرها
لاجيت بين العرب بالصوت يدعونك=وانته تزيد بغرورك ماتعبرها
تمر من بينهم تمشي على هونك =كن البسيطة قزاز تخاف تكسرها
يدرون من ريحتك لوما يشوفونك =كنك تمشى على الارض وتعطرها
لاغبت عنهم على نار يتحرونك =قلوبهم مستميته وانت ساحرها
وعذالك اللي على زينك يحسدونك=بضحكتك تستهين بها وتقهرها
اترك ضعاف النفوس ولايهمونك =يزيد فيها القهر لاصرت تحقرها
ياجعلهم كلهم يازين يفدونك =الناس هذي من اصغرها الى اكبرها
كتبت الابيات بس لخاطر عيونك =من شان لو غبت عن عينك تذكرها
لو ما وْصفَت لك غلا وشعور مفتونك =ترا غلاتك بقلبي ماتصورها
نواف العضياني
2/5/2010 م
وعيونك اللي تعذب قلب مجنونك =ماهو بمن عادته يكسر بخاطرها
اجرح وعذب وانا يازين ممنونك =مادامها جات من خاطرك باعذرها
ياللي ليا قلت لي نواف وشلونك؟=لو حالتي ماني بطيب تغيرها
ولا ليا من جذبت الصوت بلحونك =تحير فيك القصايد عند شاعرها
يوم اسمع الناس قدامي يطرونك=تجبرني الابتسامه قبل ماجبرها
لاجيت بين العرب بالصوت يدعونك=وانته تزيد بغرورك ماتعبرها
تمر من بينهم تمشي على هونك =كن البسيطة قزاز تخاف تكسرها
يدرون من ريحتك لوما يشوفونك =كنك تمشى على الارض وتعطرها
لاغبت عنهم على نار يتحرونك =قلوبهم مستميته وانت ساحرها
وعذالك اللي على زينك يحسدونك=بضحكتك تستهين بها وتقهرها
اترك ضعاف النفوس ولايهمونك =يزيد فيها القهر لاصرت تحقرها
ياجعلهم كلهم يازين يفدونك =الناس هذي من اصغرها الى اكبرها
كتبت الابيات بس لخاطر عيونك =من شان لو غبت عن عينك تذكرها
لو ما وْصفَت لك غلا وشعور مفتونك =ترا غلاتك بقلبي ماتصورها
نواف العضياني
2/5/2010 م