عبدالرحمن سراج
08-08-2010, 01:00 AM
دقّ جوالي وفزّيت..من نومي وخفت = وابتديت اتلمّس النّـور .. وادوّر عليه
لين شفته قال وشفيك يالذيب ارتجفت = كنّ ما تعرف صراخي وانا اشرّه عليه
قرّب اذنك بعترف لك بكل اللي عرفت = من رفيق الشوق وجه المآسي يعتليه
انت تقطف وردة الحبّ وانا ما قطفت = غير عود الحزن فالحال متسلّط عليه
شف حروفه كلّما شفت للرسم احترفت = من يظنّ البعد فالحرف يظهر مجتليه
شلني وامسك بخصري تراني لا وقفت = اشرح ال(وشلون)وال(وين)وال(وشو)و(ليه)
قلت كمّل هات ما عندك اليوم اختلفت = في تعابير المحيّا مشاعر تغتليه
حنّ واتنهّد ويا ريتني له ما وصفت = مدري اتأمّل في الدمع..وإلا اصغي اليه
قال تدري خلّ سرّي مغبّى..واكتشفت = انّ ما يبغيه فالكبد .. جمره يصطليه
حرقة الآهات فالصدر خلّتني نزفت = والمواجع خلّت القلب يلصق داخليه
قام يسرد قصّة التيه واحسبني حلفت = كلما فضفض به الله يستر مبتليه
والمحبّة ذنب والذنب عمري ماقترفت = وش ورا ما صار؟ كفّاك همّ اللي يليه
يا جنوني..سجّة السحر فالصوت ارتشفت = بوسة الجوّال تفضح بلاوي تمتليه
تثبت التخريف مني وتوّي ما انتصفت = في ثلاثيني ولا جت عشاريني صليه
ودّع الجوّال وانا على الحبّ اعتكفت = كلّما انا قمت بالركن نفسي تحتليه
لين عفت الكفر واظنني عنه عزفت = وانتهجت العشق واظنّني مجبل عليه
نغمة الجوّال والخوف صحّوني وشفت = مقعدي في جنّة الحبّ واكسوني حليه
وين راحت وشو السرّ وشلون اعترفت = ركزّوا فالشعر باتعرفون القصد ليه؟
وسلامتكم ... وسلامة القراء
تحيّاتي لكل من سجّل مروره
أخوكم / عبدالرحمن سراج
لين شفته قال وشفيك يالذيب ارتجفت = كنّ ما تعرف صراخي وانا اشرّه عليه
قرّب اذنك بعترف لك بكل اللي عرفت = من رفيق الشوق وجه المآسي يعتليه
انت تقطف وردة الحبّ وانا ما قطفت = غير عود الحزن فالحال متسلّط عليه
شف حروفه كلّما شفت للرسم احترفت = من يظنّ البعد فالحرف يظهر مجتليه
شلني وامسك بخصري تراني لا وقفت = اشرح ال(وشلون)وال(وين)وال(وشو)و(ليه)
قلت كمّل هات ما عندك اليوم اختلفت = في تعابير المحيّا مشاعر تغتليه
حنّ واتنهّد ويا ريتني له ما وصفت = مدري اتأمّل في الدمع..وإلا اصغي اليه
قال تدري خلّ سرّي مغبّى..واكتشفت = انّ ما يبغيه فالكبد .. جمره يصطليه
حرقة الآهات فالصدر خلّتني نزفت = والمواجع خلّت القلب يلصق داخليه
قام يسرد قصّة التيه واحسبني حلفت = كلما فضفض به الله يستر مبتليه
والمحبّة ذنب والذنب عمري ماقترفت = وش ورا ما صار؟ كفّاك همّ اللي يليه
يا جنوني..سجّة السحر فالصوت ارتشفت = بوسة الجوّال تفضح بلاوي تمتليه
تثبت التخريف مني وتوّي ما انتصفت = في ثلاثيني ولا جت عشاريني صليه
ودّع الجوّال وانا على الحبّ اعتكفت = كلّما انا قمت بالركن نفسي تحتليه
لين عفت الكفر واظنني عنه عزفت = وانتهجت العشق واظنّني مجبل عليه
نغمة الجوّال والخوف صحّوني وشفت = مقعدي في جنّة الحبّ واكسوني حليه
وين راحت وشو السرّ وشلون اعترفت = ركزّوا فالشعر باتعرفون القصد ليه؟
وسلامتكم ... وسلامة القراء
تحيّاتي لكل من سجّل مروره
أخوكم / عبدالرحمن سراج