عبدالرحمن سراج
09-06-2010, 11:40 PM
يا لعن بو هاجس غريب الطبع مجهول الهدف = الليّ يخبّص فالمعاني لين ينكب راعيه
الهاجس اللي ما توسّط في طريقه وانتصف = ولا تمسّك والتزم بالخطّ جنب الساريه
يمشي يمين الخطّ وتجي سرعته فالمنعطف = ما يحترس عند المحاجر والهضاب العالية
مثل العجوز اللي جفاه الدهر وابلاه الخرف = لا شاف خضرة وادي الجيران ردّ الساقية
سمّوه ابو وجهين واظنّه تقبّل واعترف = والاسم ساع الصدق وافق طبع محروق الرية
جا يطرق الأفكار لكن طرق ملعون الشدف = من دون ما يحسب حسابه للأمور الخافية
واثر النتيجة جت خلاف الحلم والوضع اختلف = واصبح لدى الجمهور خامل والمشاعر خاليه
قلّك يعالج..شف علاجك جاب للخلق القرف = من ضاع همّه جبت له همّ العصور الماضية
يخوك خلّ الشعر واتناسى القضيّة فالملف = ما دام درب الشعر يآخذ صاحبه للهاوية
قلّي بربّك كم من الجمهور ساند واعتكف = قلّي فالأول وين أصحاب النفوس السامية
خلوك تتخبّط بوادي يا فؤادي من عسف = والمشكل انّك كنت تتحدّى الرياح العاتية
والبعض فسّر غايتك قصّ الحشايش والعلف = وانت الذي قاعد تشل الشوك قبل الماشية
لنّك دعيت الحبّ عيّا يستجيبك..وارتشف = من كأس غيرك والسحايب ما تعدّت واديه
شف منظرك.. واتذّكّر أيّام الصدارة والشرف = وين الخدود المرتويه .. والحروف الزاهية
والحين ضيّعت المياسة بالسياسة والسخف = واسرفت بالتفكير في حلّ القضايا الدامية
عاركت اجحاف الليالي لجل تجميع الصدف = في ساحة التنكيل ما بين الفنا والعافية
جاريت ما ماريت ما داريت قانون الغرف = واجريت دمع العين..يا غبن الدموع الحامية
والعاقبة ما جت على مبغاك والساري وقف = قدّامك اسهل حلّ من حلّين بعد الثانية
يا تعتزل وتخلّي الاشعار لاصحاب الرهف = والا تغيّر طبعك المرفوض عند الحاشية
وانا انصحك بالحلّ الاول والشجاعه فالصلف = يالهاجس الليّ ما يجمّل بالمعاني راعيه
وسلامتكم .. وسلامة القراء
تحيّاتي لكلّ من سجّل مروره
أخوكم/ عبدالرحمن سراج
الهاجس اللي ما توسّط في طريقه وانتصف = ولا تمسّك والتزم بالخطّ جنب الساريه
يمشي يمين الخطّ وتجي سرعته فالمنعطف = ما يحترس عند المحاجر والهضاب العالية
مثل العجوز اللي جفاه الدهر وابلاه الخرف = لا شاف خضرة وادي الجيران ردّ الساقية
سمّوه ابو وجهين واظنّه تقبّل واعترف = والاسم ساع الصدق وافق طبع محروق الرية
جا يطرق الأفكار لكن طرق ملعون الشدف = من دون ما يحسب حسابه للأمور الخافية
واثر النتيجة جت خلاف الحلم والوضع اختلف = واصبح لدى الجمهور خامل والمشاعر خاليه
قلّك يعالج..شف علاجك جاب للخلق القرف = من ضاع همّه جبت له همّ العصور الماضية
يخوك خلّ الشعر واتناسى القضيّة فالملف = ما دام درب الشعر يآخذ صاحبه للهاوية
قلّي بربّك كم من الجمهور ساند واعتكف = قلّي فالأول وين أصحاب النفوس السامية
خلوك تتخبّط بوادي يا فؤادي من عسف = والمشكل انّك كنت تتحدّى الرياح العاتية
والبعض فسّر غايتك قصّ الحشايش والعلف = وانت الذي قاعد تشل الشوك قبل الماشية
لنّك دعيت الحبّ عيّا يستجيبك..وارتشف = من كأس غيرك والسحايب ما تعدّت واديه
شف منظرك.. واتذّكّر أيّام الصدارة والشرف = وين الخدود المرتويه .. والحروف الزاهية
والحين ضيّعت المياسة بالسياسة والسخف = واسرفت بالتفكير في حلّ القضايا الدامية
عاركت اجحاف الليالي لجل تجميع الصدف = في ساحة التنكيل ما بين الفنا والعافية
جاريت ما ماريت ما داريت قانون الغرف = واجريت دمع العين..يا غبن الدموع الحامية
والعاقبة ما جت على مبغاك والساري وقف = قدّامك اسهل حلّ من حلّين بعد الثانية
يا تعتزل وتخلّي الاشعار لاصحاب الرهف = والا تغيّر طبعك المرفوض عند الحاشية
وانا انصحك بالحلّ الاول والشجاعه فالصلف = يالهاجس الليّ ما يجمّل بالمعاني راعيه
وسلامتكم .. وسلامة القراء
تحيّاتي لكلّ من سجّل مروره
أخوكم/ عبدالرحمن سراج