ثــــــــاني العيـــــــد

[عادل الدوسري]

يالوداع الاخير يا خوي وينك؟....الله يقطع الشوق!!!
من فرط هالشوق تمثلت هي أمامي في حلم في ثاني العيد

بسم الله أبدأ



الصدفه اللي في ضحى ثاني العيد =صدفه ولكن خير من ألف ميعاد

صادفت من سدل خصاله على الجيد =أهيف خصر في مشيته كنه منحاد

يمشي خجل ومن الخجل كنه في قيد =لو كان مثله ما بعد سيق و أنقاد

أبيض غضيض العود عوده تراديد =مثل الغصن مع نفحة الصبح معتاد

زين العيون اللي رمت عمرو في زيد =ورمشن ظليل يغر نشرات الأرصاد

قلت السلام اليوم يا باشة الغيد =تحية الضابط على كل الأفراد

رد السلام وصافح الإيد بالإيد =ورحبت به ترحيب زايد و يزداد

و من الفرح رددتها له تراديد =ولولا الحيا أنشدتها له بالإنشاد


الجادل اللي زينها ساد في السيد =غصبن على السادات مع كل الأسياد

قالت علامك جبت عيدن على عيد؟ =لانيب لا عبله ولا أنت إبن شداد

قلت المحبه تطوي البيد بالبيد =وتقرب البحرين من شط بغداد

قامت تبسم لا براءه ولا كيد =ضحكة غنوجن بالغنج و التنهاد

قلت الوعد؟... قالت بدون أي تحديد =حسب الظروف السانحه يا أبن الأجواد

وأقفت عسى تصدق كذوب المواعيد =ويصبح لقاها عيد من ضمن الأعياد



::
---------------------------
يالوداع الاخير ياخوي وينك؟....الله يقطع الشوق!!!

[طلال معيض العنزي]

ابداع وتالق

صح لسانك ولاهنت

[عادل الدوسري]

الاخ طلال

لو كان تعليقك هو الوحيد والأوحد على هذه القصيدة
لاكتفى شاعرها

سلمت يا اخي

وحيد الدار

[مابنكسر صااابر]

صح لسااانك وعتلا شاااانك

[عادل الدوسري]

الراقية مابنكسر صاابر

وأعتلى مقدارك
تشرفت بوجودك

عادل

[عبدالله الحضبي]

شكرا لك على التميز والابداع

[عيسى محمد]

عادل الدوسري

كعادتك مبدع

صح الله السانك عدد بلا مدد
ابيات جزله من راس جزل
لاعدمناك في منتداك

تحييييييياتي لك

[علي سعود]

الله يلوم اللي يلومك ياعادل

وصح الله السانك يالغالي

وستاذنك ساعه من الزمن وتسمع الصدى ياصاحبي

[هواوي سدير]

صح لسآآنك اخوي


آبدعت

[محمد ال مهيد]

الله الله عليك ياعادل

قصيده وصف تفوق الخيال

اجدت الوصف بقالب شعري جميل

قصيده راائعه بكل المقاييس

ارى ان هناك خطا املائي في هذا الشطر لانه ماركب معاي

لانيب لاعبله ولا انت ابن شداد

للامانه القصيده تستحق التميز

محمد

[مسعود الحويزي]

الصدفه اللي في ضحى ثاني العيد =صدفه ولكن خير من ألف ميعاد








صح لسانك .. :)

[شعبان القحطاني]

قالت علامك جبت عيدن علـى عيـد؟
لانيب لا عبله ولا أنـت إبـن شـداد
قلت المحبـه تطـوي البيـد بالبيـد
وتقرب البحريـن مـن شـط بغـداد

الله الله صح السانك
وتقبل تحياتي

[علي الحزمي]

رد السـلام وصافـح الإيـد بـالإيـد
ورحبت به ترحيـب زايـد و يـزداد
و من الفـرح رددتهـا لـه تراديـد
ولولا الحيا أنشدتهـا لـه بالإنشـاد

الجادل اللي زينها سـاد فـي السيـد
غصبن على السادات مع كل الأسيـاد



يا سلام عليك

حتى لو هي بس مخصوص للوادع الاخير


صح لساااااااااانك لين ترضى
هههههههه

مودتي وتقديري

اخوك
علي الحزمي

[محمدخير المهيدات]

صح السانك وبيض الله وجهك

مليون ما يسدوون

دمت بود

[عادل الدوسري]

الأخوات والأخوة

تشرفت بأطلالتكم وتعليقكم
واشكر لكم لطف ثنائكم
وان كنت ارى ان صدى الاخ الغالي العزيز الوداع الاخير أبلغ وأجزل
فالشكر كل الشكر لمن مر هاهنا

ولله الحمد والمنه الابيات كاملة مكملة لا فيها عجز ولا ثقل ولا خطأ املائي مع احترامي لرأي الاخ محمد

ومثله عارف
حنا عرب مانورد البيت مكسور
والحب ماخالط حرامه حلاله

اشكر لكم لطف تعليقكم وتحملكم لشخصي في هذا الموقع كل هذه المدة
وجزاكم الله الف خير
ومع السلامة

أخوكم في الله عادل

[محمد ال مهيد]

الأخوات والأخوة


تشرفت بأطلالتكم وتعليقكم
واشكر لكم لطف ثنائكم
وان كنت ارى ان صدى الاخ الغالي العزيز الوداع الاخير أبلغ وأجزل
فالشكر كل الشكر لمن مر هاهنا

ولله الحمد والمنه الابيات كاملة مكملة لا فيها عجز ولا ثقل ولا خطأ املائي مع احترامي لرأي الاخ محمد

ومثله عارف
حنا عرب مانورد البيت مكسور
والحب ماخالط حرامه حلاله

اشكر لكم لطف تعليقكم وتحملكم لشخصي في هذا الموقع كل هذه المدة
وجزاكم الله الف خير
ومع السلامة


أخوكم في الله عادل



الغالي عادل الدوسري

اختلاف الراي لايفسد للود قضيه

انا ذكرت ان الشطر لم يركب معاي

وتوضيحك كفيل بالغاء ردي ولو لم تكن القصيده

راائعه لما تم منحها وسام التميز من قبلي

لاهنت

محمد

[نجوم المخيني]

الدوسري


نص رائع بكل مايحمل من معاني مميزه


وبأنتظار جديدك

صح كلك

كل الود

[نايض الرشيدي]

صح لسانك ياعادل

[ماريا]

يالوداع الاخير ياخوي وينك؟....الله يقطع الشوق
الوداع لبى الندا انت الي غايب
يسلمووووووووووو

[اميرة الاحساس]

سلمت يمينك و صح لسانك

كلمات تفوق الوصف والروعه
لاحرمنا من فيضك الرائع ولروحك النقيه

http://www.ebriez.com/vb/images/smilies/564654.gif

[ذكرى الغالي]

قلـت الوعـد؟... قالـت بـدون أي تحديـد
حسب الظروف السانحه يا أبن الأجواد
وأقفـت عسـى تـصـدق كــذوب المواعـيـد
ويصبـح لقاهـا عيـد مـن ضمـن الأعيـاد


حلم رائع والاروع ان يتحقق
قصيده جميله راقت لي جداً

صح لسانك مدد بلا عدد
تقديري واعجابي ببوحك
وكل حبي لشخصك الراقي

[سمر محمد]

يخضوضر الحرف من سحر القوافي
وتزدهر الكلمات بألق وخيلاء
ردهات تلك المعاني الرقيقة
تأخذنا صوب المتعة
ومساء عبق بعطر القصيد


رائع الحضور والعزف على اوتار الليل
الشكر كله لهكذا عبير يصوغ في جُنبات الروح
يتدفق الشكر أرتالاً 000