نام ياحلم التلاقي

[قوت القلوب]

ياحبيبي رح فمان الله مافيها ملام=لاتلفت للقمر ويش انت تبغى بالقمر
لاتردك عن شروق الشمس واسراب الحمام=دام عينك للصباح العود وش جاب العصر
المسى ظلمن توشح بآسمه اطيور الظلام=لايغرك لو بزغ نجمه وُظوى له بدر
والمسى خوف المساري لون وصف الإنتقام=خبت ياللي ماسرحت الصبح وأغراك السهر
ياحبيبي والزمن كذاب والفرقا نظام=والمشاعرسود من قال المشاعر ذي خضر
من يحب ابصدق مايعرف يخون ولاينام=ومن يحب بكذب كنه حافر إلغيره قبر
مات حبك ياغريب الطبع مافيها كلام=مات حبك والبقيه في حياة اللي ثأر
إنتهينا مابقى للحب في صدرالغرام=غير دمعن هيضه صدك وكفكفه الهجر
وإنتهينا مابقى للحب في صدر السلام=غير حربن ضاربه فاخربها سيف العذر
وإبتدى للحزن صوتن للقصيد وللخصام=شرهة العاشق على العاشق ولو كانت سطر
يامدور للجفاء بيبان وافجوج ومرام=يامدور للجفاء تاريخ واعذار ومكر
إنتصر قلب المحبه من عقب ماأوفى وصام=نصر ماهو بأي نصر ونصر من إسمه نصر
من خسر عمرن مضى مابين حب وإحترام=ماخسر صدق المحبه وإحترامات البشر
كيف عقب الوصل صرنا للجفاعشق وغرام=كيف عقب الحلم صرنا للحزن حظ وقدر
نام ياحلم التلاقي وإن صحيت ارجوك نام=ماورى صدق المحبه غير حرمان وقهر

[ابراهيم العسيري]

من يحب ابصدق ما يعرف يخون ولا ينام=ومن يحب ابكذب كنه حافر الغيره قبر

الله اكبر

قصيده كل بيت فيها قصيده تبارك الرحمن

من اروع ما قرأت

صح الله لسانك قوت القلوب ولاهان راسك

ابداع واجاده واتقان

جازت لي جدا

كل الشكر

[عيسى محمد]

قوت القلوب

الله عليك وعلى الابيات الرائعه
صح الله السانك ملايين ولايكفون
ابيات جزله من شعره جزله بلاشك
لاعدمناك في منتداك

تحييييييياتي لكي

[علي سعود]

الشاعرة قوووت القلوب

بدون مجامله أذا كان للروايع وجود فهي بحرفك وبماخط قلمك

فصح الله السانك حتى ترضين

تنبيه يوجد هنا خطاء أملايئه في هذا الشطر أتمنى التصحيح من قبل قوت القلوب

مات حبك والبقيه فـي حيـاة اللـي ثـأر

لك خالص ودي

[ذكرى الغالي]

رائعه
بل اكثر
سلمت يداك
وصح لساااانك
مدد بلا عدد
تقديري لبوحك الراقي
وشخصك العذب
ذكرى الغالي

[علي الحزمي]

ماشاء الله عليك قوت القلوب

صح لسانك واعتلا شانك
وسلم بنانك واحساسك

وفقك الله ورعاك

اخوك
علي الحزمي

[نـور القمــر]

http://www.noorenjaz.com/up/uploads/images/domain-b155f924d8.jpg
قصيده رائعه ,,,,
مفعمه بالأحآسيس الجميله ,,,,
وبوح يُلزم المشاعر حضوراً ,,,,
سلم احساسك وبوحك
سجل متابعتي
لقلبك حدائق ورد ,,,,
http://www.noorenjaz.com/up/uploads/images/domain-611189e970.jpg

[محمدخير المهيدات]

صح السانك وبيض الله وجهك
جزله من راس جزل

ودي وحدائق وردي

[قوت القلوب]

براهيم
هلابك اخي وسعيده لمرورك وثناائك الراائع
لك مني ارق التحاياا

[نمرالعتيبي]

السلام عليكم ورحمة الله وبركاته

قوت القلوب يسلم احساااس الراااقي ولله درك على هالجزاااله والابدااع
شااااعره رااااااااااائعه وعاازفه راااقيه صح قلبك

[سالم محسن الفهمي]

من يحب ابصدق مايعرف يخـون ولاينـام
ومن يحب بكذب كنه حافـر إلغيـره قبـر

كامل القصيده روعه ولكن هذا البيت بالنسبة لي عن مائة قصيده


العذبه /قوت القلوب

صح لسانك شاعرتنا المتألقه

قصيده راقيه برقيِّ شاعرتها

سجلي إعجابي بما خط قلمك ومتابعتي لجديدك

[العنودالشمريه]

رائعه اختي الفاضله//
بكل المقاييس آخاذه
صح لسانك على رقي معزوفتك
وسلمت يداك
ودمتي بخير لاينتهي

[بقايا روح]

نام ياحلم التلاقي وإن صحيت ارجوك نـام
ماورى صدق المحبه غير حرمـان وقهـر


قوت القلوب قصيدة ابكتني واستفزت مشاعري كثيراً
صح احساسك .. ولا عدمنا هذا الجمال الذي تكتبين ..

ابدعتي ..

كل الورد

صـــــــــادق الود

[محمد ال مهيد]

الغاليه قوت القلوب

الله الله عليك

دااائما لحضورك نكهه خاصه

شاعره تجيد تطويع الحرف بطريقه فنيه

نص شامخ

سجلي اعجابي

محمد

[قوت القلوب]

براهيم العسيري
ياهلابك اخوي وسعدت لمرورك وثناائك الي اثلج صدري
لك مني ارق التحاياا

[قوت القلوب]

عيسى محمد
هلابك اخوي وشاكره لك على المرورك الثناء الراائع
لك تقديري

[قوت القلوب]

الودااع الأخير
ياهلابك سعدت لمرورك الرائع
وصح بدنك وشهاادتك وسام لي
اما عن الشطر اعلاه
فهو سليم وليس فيه خطاء اتمنى منك قرأءته جيدآ
لك مودتي

[بحر التحدي]

الأخت والشاعرة / قوت القلوب
مات حبك ياغريـب الطبـع مافيهـا كـلام .... مات حبك والبقيه فـي حيـاة اللـي ثـأر
ومن منظوري المتواضع أرى أن هذا البيت هو أساس القصيدة وما قبله وبعده ليس إلا إخفاء وتخفيف للمعنى . ودمتي سالمة