عبدالرحمن سراج
10-04-2010, 06:16 PM
ودّي أضحك ياجماعة مع الليّ يضحكون = صار لي مدّة وانا لا ضحكت ولا بكيت
صار لي مدّة وانا اعيش ما بين السنون = لا على هذه ركنت أو على تيك ارتكيت
بكتم الأنفاس..واقسّم أيّـامي لحون = بسّ لا اتهنيّت فيها ولا حتّى انتهيت
بين دان وبين دون اربط اوتار الشجون = وارفع الإبهام..واسمع قصيدي بيت بيت
من شدى الانغام كنّ الخلايق في سكون = كلّما علّيت فيها القوافي ما اعتليت
عشت وانا اصارع الدهر واردّ المنون = والغريب أنّي على كلّ هذا ما اشتكيت
شايل الأحزان عمري وغارق فالديون = ما كفاني ضربة الفقر وانا ما اكتفيت
كنت بتلاعب على الحظّ واجيد الفنون = واهجر الاوهام..وأصدّ (لو)..واكفر ب(ليت)
كنت أراوغ سنّة الدهر دايم في ركون = وارسم الأحلام..واصرخ على الأرقام (ويت)
ما هقيت أن التساهل بها محض الجنون = ما توقّعت النتيجة..نتيجة ما جنيت
تضحك الأقدار..واحرّك اطراف الجفون = واحسب انّي في طريقي إلى الجنّة بديت
وانزع الأشواك..واغضّ مرآة العيون = لجل موعود الهنا وش يضرّك لا اعتميت
بسّ لا شفت السعادة ولا هم يحزنون = كلّها كانت مغارات تشرح ما ابتليت
واكتشفت أنّ المطبّات أغلبها تكون = في طريقك خصّ لا رحت في يومك وجيت
قبل بستان الرياحين..واحواض الغصون = في زحام السوق..خلف الركام اللي رأيت
والذي لا زال يؤمن ب(هوّنها تهون) = قلّه أن الكفر كفّارتك لا ما اهتديت
يا هلي ياللّي على كبوتي تتفرجون = وش يميّز نفحة المسك من ريح الفليت؟
وش معاكم من عنائي سوا تتمسخرون = يا خزاكم بسّ..وانا بكم ياما احتميت
من جفاكم ركّب الخدّ فوق اللون لون = ريت وانا ما ترجيّت فيكم..وارتجيت
عفت كلمة (جاك عزّك) وخانتني (تمون) = فشّلتني (لا يهمّك) ولكن ما اعتديت
كلما استبشرت في لفظ (تبشر) ينكرون = وان تناسيته الاقيه..والدعوى (نسيت)
يا جماعه ودّي أضحك واشلّ المكرفون = ضحكّوني قبلما أبقى بلا صوت(ن) وصيت
طار عمري يالنشامى وانا رهن السجون = عايش(ن) فالأصل لكنّـني حيّ(ن) وميت
وسلامتكم..وسلامة القراء
تحيّاتي لكلّ من سجّل مروره
أخوكم/عبدالرحمن سراج
صار لي مدّة وانا اعيش ما بين السنون = لا على هذه ركنت أو على تيك ارتكيت
بكتم الأنفاس..واقسّم أيّـامي لحون = بسّ لا اتهنيّت فيها ولا حتّى انتهيت
بين دان وبين دون اربط اوتار الشجون = وارفع الإبهام..واسمع قصيدي بيت بيت
من شدى الانغام كنّ الخلايق في سكون = كلّما علّيت فيها القوافي ما اعتليت
عشت وانا اصارع الدهر واردّ المنون = والغريب أنّي على كلّ هذا ما اشتكيت
شايل الأحزان عمري وغارق فالديون = ما كفاني ضربة الفقر وانا ما اكتفيت
كنت بتلاعب على الحظّ واجيد الفنون = واهجر الاوهام..وأصدّ (لو)..واكفر ب(ليت)
كنت أراوغ سنّة الدهر دايم في ركون = وارسم الأحلام..واصرخ على الأرقام (ويت)
ما هقيت أن التساهل بها محض الجنون = ما توقّعت النتيجة..نتيجة ما جنيت
تضحك الأقدار..واحرّك اطراف الجفون = واحسب انّي في طريقي إلى الجنّة بديت
وانزع الأشواك..واغضّ مرآة العيون = لجل موعود الهنا وش يضرّك لا اعتميت
بسّ لا شفت السعادة ولا هم يحزنون = كلّها كانت مغارات تشرح ما ابتليت
واكتشفت أنّ المطبّات أغلبها تكون = في طريقك خصّ لا رحت في يومك وجيت
قبل بستان الرياحين..واحواض الغصون = في زحام السوق..خلف الركام اللي رأيت
والذي لا زال يؤمن ب(هوّنها تهون) = قلّه أن الكفر كفّارتك لا ما اهتديت
يا هلي ياللّي على كبوتي تتفرجون = وش يميّز نفحة المسك من ريح الفليت؟
وش معاكم من عنائي سوا تتمسخرون = يا خزاكم بسّ..وانا بكم ياما احتميت
من جفاكم ركّب الخدّ فوق اللون لون = ريت وانا ما ترجيّت فيكم..وارتجيت
عفت كلمة (جاك عزّك) وخانتني (تمون) = فشّلتني (لا يهمّك) ولكن ما اعتديت
كلما استبشرت في لفظ (تبشر) ينكرون = وان تناسيته الاقيه..والدعوى (نسيت)
يا جماعه ودّي أضحك واشلّ المكرفون = ضحكّوني قبلما أبقى بلا صوت(ن) وصيت
طار عمري يالنشامى وانا رهن السجون = عايش(ن) فالأصل لكنّـني حيّ(ن) وميت
وسلامتكم..وسلامة القراء
تحيّاتي لكلّ من سجّل مروره
أخوكم/عبدالرحمن سراج