بيـوت العنكبــوت [الأرشيف] - منتديات مشاعرهم الادبية

عبدالله الطلحي

10-10-2010, 04:37 PM

الأحبة الغالين
في هذا المكان الراقي
أحببت أن أشارككم مشاعركم
بشيء من مشاعري

في ظلام الصمت خبيت الجراح=قلت نامي في الظلام بدون صوت
نومة اهل الكهف ماحولك صباح=لاتخافي مابقى شيٍ يفوت
وإستراح القلب مدري ماإستراح=يوم غطتها بيوت العنكبوت
من نشدني قلت له مالك صلاح=خلني ساكت ويازين السكوت
وش يفيد الهرج واللي راح راح=حلم في غبة بحر في بطن حوت
كم ندبت الحظ يوم الحظ طاح= بعدما ضاعت مفاتيح البخوت
وإقتنعت إني لحالي في البراح=وإن هذا هو نصيبي لين اموت
ماصحيت إلا على صوت الرياح=هزت البيبان واركان البيوت
والسحابة في السماء والبرق لاح=قلت دعوة وإستجيبت في قنوت
وإستهلت وامطرت عذبٍ قراح=ينبت الأوراق في غصن محتوت
انتبهت وقلت يادنيا سماح=في القضايا كلها رغم الثبوت
كل جرحٍ فاق من نومه وصاح=بعدما زالت بيوت العنكبوت

نـور القمــر

10-10-2010, 04:53 PM

http://www.noorenjaz.com/up/uploads/images/domain-b155f924d8.jpg
هلااا ومرحبا بيك
حضور اول شامخ كعطر المطر

قصيده رائعه ,,,,
مفعمه بالأحآسيس الجميله ,,,,
وبوح يُلزم المشاعر حضوراً ,,,,
سلم احساسك وبوحك
سجل متابعتي
لقلبك حدائق ورد ,,,,
http://www.noorenjaz.com/up/uploads/images/domain-611189e970.jpg

ذكرى الغالي

10-10-2010, 06:06 PM

http://kll2.com/upfiles/7VI33896.jpg (http://kll2.com/)

نص رائع راق لي
سلمت يداك
صح لسانك واعتلى شانك
تقديري واحترامي
لشخصك وبوحك الراقي
ذكرى الغالي

عيسى محمد

10-10-2010, 06:27 PM

الشاعر القدير عبدالله الطلحي

حيييييييياك الله وبييييييياك والمنتدى منتدااااااااااك
اسعدنا انظمامك اكوكبة النجوم الصاطعه
في سماء مشاعرهم الادبيه وياهلابك مليون
وصح الله السانك ملايين ولايكفون
اشكرك على المصافحه الرائعه
والابداع منقطع النظير
لاعدمناك فب منتداك

تحييييييييياتي لك

شعبان القحطاني

10-10-2010, 06:31 PM

الله على القصيدة الرائعه
جزالة سبك وحبك سجل اعجابي
تقبل خالص الود والاحترام

علي سعود

10-10-2010, 07:44 PM

هلا ومسهلا فيك ياعبدالله وحياك ربي أخ عزيز وغالي

وصح السانك وعتلا شانك يالغالي
قصيدة جزله من شاعر جزل الاهنت ولاهان راسك
لك ودي وتقديري

علي الحزمي

10-10-2010, 10:17 PM

كم ندبت الحظ يوم الحـظ طـاح
بعدما ضاعت مفاتيـح البخـوت
وإقتنعت إني لحالي في البـراح
وإن هذا هو نصيبي لين امـوت
ماصحيت إلا على صوت الرياح
هزت البيبان واركـان البيـوت

شاعر قدير

علم من اعلام الشعر

يتمتع بشعر الحكمة

وهذا اكثر ما يميزه

صح لسانك شاعرنا القدير

عبدالله الطلحي الهذلي

واهلا ومرحبا بك على صفحات مشاعرهم الادبية وكلنا

سعداء بهذا الحضور

وعسانا ما ننحرم

ودي وتقديري

اخوك
علي الحزمي

العنودالشمريه

10-11-2010, 03:27 AM

أهلا بك
اخي الفاضل//
فخر لهذا الصرح ماكتبت به
كم هي رائعه هذه الباذخه
في ظلام الصمت خبيت الجراح
قلت نامي في الظلام بدون صوت
نومة اهل الكهف ماحولك صباح
لاتخافـي مابقـى شـيٍ يفـوت

كجمال اللؤلؤ أحرفك وضاءه
صح لسانك مليون
ولاهنت
تسلم يمينك من الشر
دمت بخير لاينتهي

اميرة الاحساس

10-11-2010, 11:44 AM

هلا والله وغلا
منور اخ عبدالله
سلمت يمينك و صح لسانك

كلمات تفوق الوصف والروعه
لاحرمنا من فيضك الرائع ولروحك النقيه

http://www.ebriez.com/vb/images/smilies/564654.gif

عبدالله الطلحي

10-12-2010, 02:25 PM

سالم محسن الفهمي

10-12-2010, 07:54 PM

هلا وغلا ياعبدالله منور المنتدى

يالله حيه وحي ماجاب وصح الله لسانك يالجزل

محمد ال مهيد

10-13-2010, 04:36 PM

الله الله عليك

ياعبدالله

هناااا كان للشعر حضور وبقوه

قصيده راائعه بكل المقاييس

سجل اعجابي

محمد

عبدالله الطلحي

10-16-2010, 02:56 PM

http://kll2.com/upfiles/7vi33896.jpg (http://kll2.com/)

نص رائع راق لي
سلمت يداك
صح لسانك واعتلى شانك
تقديري واحترامي
لشخصك وبوحك الراقي
ذكرى الغالي

شكراً ذكرى الغالي
على حضورك الغالي
وكلامك الغالي
ألف شكر

هواوي سدير

10-16-2010, 03:41 PM

صح لسسآنك ملآيين ولايكفووون

كلماااات مبدعه

نحن سنكون بآنتظار جديدك