صاحب السمو الملكي الأمير/ مشعـــل بن عبدالله بن عبدالعزيز آل سعود

[يحيى ال بالحارث]

ياسيّدي (مشعل) أنا شاعر وانوب=عن ربعي اللي للدّهر خليتهم
حمّاية الحد السعودي بالجنوب=يشوش راسي كل ما اسمع صيتهم
ربعي هل الطالات في سلم وحروب=ماني بــ(يحيى) كان ما طرّيتهم
( يام(ن)) مع (همدان) لاعيتني الدروب =من وين ما اسوق قدمي لقيتهم
دسمالهم أبيض وتلقاه (معصوب)=والعود الازرق يحترق لاجيتهم
فديتهم والناس غالب ومغلوب=اليا احتمى الموقف هنا حطّيتهم
هم تاج راسي محزمي يوم النشوب=لاطاحت عزومي ذخر عدّيتهم
في ظل ( أبو متعب) و( أبو خالد) ماهوب=في ظل حي الله بشر فديتهم
(آل السعود) اللي ليا هبّت هبوب=أقطع شراييني إذا ما ارضيتهم
ياسيّدي( مشعــل) بنينا لك قلوب=وقلبك غدا لمواطنينك بيتهم
تباشروا بك سيّدي كل الشعوب=لانّك على باقي المدن بدّيتهم
أرحب عدد ماهمّلت عند الغروب=في ديرة اللي للسما شلّيتهم
تباشروا بك سيّدي وانت محبوب=ويدرون انك بالخفا حبّيتهم
يامرحبا ياسيّدي وانت الشروب=وبجيّتك يابن الملك أرويتهم
ويدرون انك للفخر محزم وثوب=وببشت أبوك اليا أظلمت غطّيتهم
جرّب تناديهم ليا جات الكروب=ياتون سرب(ن) مابعد ناديتهم
ياتونك سيول(ن) تلاطم كل صوب=تحتار في كم العدد لاريتهم
فيهم ولا ومعاهده وانت محسوب=ضمن العهود الخالده لاالفيتهم
(أ)صدورهم شرحه ومسلوبة عيوب=وطبع الوفا والمرجله (مانشيتهم)
اقولها باسمي واسم فخر الجنوب=ربعي( أبالحارث) هنا حطّيتهم

[حنان]

صح لسانك اخوي يحيي
كفيت وفيت يعطيك العافية
تحياتي وتقديري

[عقاب النهار]

الغالى
ونعم فيك وفى من تعتزى بهم
وكفوااا والله تقول وتفعل
صح لسانك الغالى
ملايين وعلا شانك
ولاهنت


تقديرى

[محمد ال مهيد]

الغالي يحيى ال بالحارث

الله الله عليك

قصيده كم ترقبت هطولها هنااا وها انا ذا اعانقها

سمعتها وعلمت رايي بها وهاانا ذاا اؤكد المرور

من امامها

صح لسانك وبيض الله وجهك

محمد

[عبدالرحمن الغيثي]

صح لسانك وعلا شانك

قصيدة رائعة وتستحق الاشادة

[ســـما]

يحيي ال بالحارث


صح لسانك وسلم قلبك


الله درك ولنا دررك



كون بخير

[ذكرى الغالي]

سلمت يداك التي صاغت هذا الجمال
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي

[عيسى محمد]

يحيى بالحارث

وسبعة انعام فيك وبلابتك
وصح الله السانك وسلم بنانك
ابيات جزله من راس جزل
عدمناك ولاعدمنا جديدك

تحيييييياتي لك

[سمر محمد]

يختلج في حنايا المساء
ينضح بحنايا الليل الدافيء
هتان يُغرق الوهاد المبللة برقيق الحرف
يمارس لغة الودق

رائع حد الغرق
تقديري

[علي الحزمي]

ياسيّـدي( مشعـل) بنينـا لـك قلـوب
وقلبـك غــدا لمواطنيـنـك بيتـهـم
تباشـروا بـك سيّـدي كـل الشعـوب
لانّـك علـى باقـي الـمـدن بدّيتـهـم
أرحـب عـدد ماهمّلـت عنـد الغـروب
فـي ديـرة اللـي للسـمـا شلّيتـهـم




يستاااااااااااااهل

وصح لسانك شاعرنا الجميل

يحي ال بالحارث


ودام لنا هذا النزف

مودتي

[عبدالمجيدالعنزي]

حجز












يامبدع











لابد ان تقرا بتمعن














انتظرني

[ناصر آل مداوي]

يحي ال بالحارث

ونص رائع بكل ما تعني الكلمة

صح لسااااااااانك ملايين على هذه المعلقة

ونعم فيك وفي ال ابالحارث ويام وهمدان

كل التقدير