عبدالرحمن سراج
10-17-2010, 07:16 PM
قصدك أنّي لجل حبّك بظلّ اتحمّلك = لا..تراني كلّـما ضقت قطعّت السلوك
لا تغرّك طيبة العبد قدّام الملك = ثورة العصيان تولد على ظلم الملوك
لنّـك اتميّزت عنّـا..وربّـك جمّـلك = جيت تتدلّـل على ربعك اللي دلّـلوك
وانت تدري لو زنود الحجر باتقبلك = كنت باجادل قلوب الذي ما اتقبّـلوك
شكّـي انّـك جبت قلبك من اعقاب الفلك = خاب ظنّ اللي يراعيك..وانياقك تلوك
كلّـما اتعاليت خانك غرورك وانزلك = من عيون اللي تمنّـى سواهم يعزلوك
خلّ تبريرك..وحدّد معي مستقبلك = يا تراعي حرمة الحبّ..يا تعمل (بلوك)
ضاق حيلي من قساوة وحدّة معولك = ليه تجرح خاطر اللي بهامتهم علوك
ليه تتعمّـدني بصدّك..وتقطع موصلك = بالذي غاية مناهم متى بايكفلوك؟
يا شماتي بعدما جدت لك واخلصت لك = شفت قلبك مثلما الليل في عزّ الحلوك
انت تتلاعب بودّي..وانا مثل الشلك = قاعد اتمسّـك بحبّـك..وغيري كنسلوك
وش بلاني في غرامك وانا مالي ولك؟= وش عليّـا منك؟ وإلا من اللي همّـلوك؟
يوم شفتك والمشاعر بدت تتأملك = هاض هاجوسي..واظنّ القوافي غازلوك
والمعاني غذّت اجواك واحيت معقلك = بالنّـسيم اللي عليه الخلايق نازلوك
بسّ لمـا جيت أغنّي قصيدة بلبلك = جتني الآهات..وادمنت بعد اللوك (لوك)
كنّـك اتحوّلت عنّـي..وتوّي بجهلك = والشواني عن كنوز المحبّـة عرقلوك
مدري اتكبّـرت؟..وإلا التعالي ميّـلك؟ = لا تراوغ عند ردّك على اللي يسألوك
بانت أطباعك..وبانت معادن مفصلك = لين ملّـوا منّـك اصحابك اللي جاملوك
واكتشفتك زين..وانا الذي ما حلّـلك = كيف باللي دقّـقوا فيك..وإلا فصّـلوك؟
ما بغيت اجرح مشاعرك..وإلا أزعّـلك = وانت تدري كيف اصكّ الذي يستخملوك
بسّ باعاتب ضميرك..واناشد مرسلك = لجل تترفّـق بحالة (غجر) يستاهلوك
وانصحك لا تحسب انّـي بظلّ استحملك = والله أنّـي بعدما اضيق باقطّ السلوك
وسلامتكم..وسلامة القرّاء
تحيّـاتي لكلّ من سجّـل مروره
أخوكم/عبدالرحمن سراج
لا تغرّك طيبة العبد قدّام الملك = ثورة العصيان تولد على ظلم الملوك
لنّـك اتميّزت عنّـا..وربّـك جمّـلك = جيت تتدلّـل على ربعك اللي دلّـلوك
وانت تدري لو زنود الحجر باتقبلك = كنت باجادل قلوب الذي ما اتقبّـلوك
شكّـي انّـك جبت قلبك من اعقاب الفلك = خاب ظنّ اللي يراعيك..وانياقك تلوك
كلّـما اتعاليت خانك غرورك وانزلك = من عيون اللي تمنّـى سواهم يعزلوك
خلّ تبريرك..وحدّد معي مستقبلك = يا تراعي حرمة الحبّ..يا تعمل (بلوك)
ضاق حيلي من قساوة وحدّة معولك = ليه تجرح خاطر اللي بهامتهم علوك
ليه تتعمّـدني بصدّك..وتقطع موصلك = بالذي غاية مناهم متى بايكفلوك؟
يا شماتي بعدما جدت لك واخلصت لك = شفت قلبك مثلما الليل في عزّ الحلوك
انت تتلاعب بودّي..وانا مثل الشلك = قاعد اتمسّـك بحبّـك..وغيري كنسلوك
وش بلاني في غرامك وانا مالي ولك؟= وش عليّـا منك؟ وإلا من اللي همّـلوك؟
يوم شفتك والمشاعر بدت تتأملك = هاض هاجوسي..واظنّ القوافي غازلوك
والمعاني غذّت اجواك واحيت معقلك = بالنّـسيم اللي عليه الخلايق نازلوك
بسّ لمـا جيت أغنّي قصيدة بلبلك = جتني الآهات..وادمنت بعد اللوك (لوك)
كنّـك اتحوّلت عنّـي..وتوّي بجهلك = والشواني عن كنوز المحبّـة عرقلوك
مدري اتكبّـرت؟..وإلا التعالي ميّـلك؟ = لا تراوغ عند ردّك على اللي يسألوك
بانت أطباعك..وبانت معادن مفصلك = لين ملّـوا منّـك اصحابك اللي جاملوك
واكتشفتك زين..وانا الذي ما حلّـلك = كيف باللي دقّـقوا فيك..وإلا فصّـلوك؟
ما بغيت اجرح مشاعرك..وإلا أزعّـلك = وانت تدري كيف اصكّ الذي يستخملوك
بسّ باعاتب ضميرك..واناشد مرسلك = لجل تترفّـق بحالة (غجر) يستاهلوك
وانصحك لا تحسب انّـي بظلّ استحملك = والله أنّـي بعدما اضيق باقطّ السلوك
وسلامتكم..وسلامة القرّاء
تحيّـاتي لكلّ من سجّـل مروره
أخوكم/عبدالرحمن سراج