غيم الحقيقه مصافحتي الأولى

[احمد عايض الشراري]

أعزائي منتسبي هذا الصرح

أسعد الله أوقاتكم بكل خير

وكل عام وأنتم بخير

تشرفت بدعوه لإنضمامي بينكم وسعدت بتلك الدعوه التي لاتستحق مني سوى القبول


مشاركتي الأولى أقبولها كما هي ولكم العذر في تقصيرها



مابين قال فلان وفلان ماقال=هذا يروجها وهذا نشرها
دعايةً تبقى على كل الأحوال=جمره خبيثه كل منا خبرها
زيف الحقايق صوتها عزف موال=يطرب لها الحاقد ومن هو حضرها
وغيم الحقيقه وبلها دوم همال=تكشف نوايهم وتسكب مطرها
ملبوسها ثوب الوفا فعل وخصال=بنت الشيوخ اللي عزيزاً مهرها
حشمة شرف ماهمها قول عذال=ليلة شموخن بان فيها قمرها
فيها انبهر من زينها كل الأزوال=والله يعين اللي بعينه نظرها
ذكرت شيً دوم يطري على البال=والنفس بعد الشي ولى كدرها

[وليدالبسطي]

السلام عليكم ورحمة الله وبركاته

مرحبا مليون

بالشامخ

احمد الشراري


بداية موفقه باذن الله

ونص في قمة الروعه

لاهنت

[بدور الفارس]

احمد الشراري

صح لسانك

نص جميل


ولاهنت

[ذكرى الغالي]

حياكـ الله
وعلى الرحب والسعه
نص راقي سلمت يداك
صح لسانك واعتلى شانك
تقديري واحترامي
لشخصك وبوحك الراقي
ذكرى الغالي

[سالم محسن الفهمي]

أحمد عايض

صح لسانك شاعرنا العذب

وحياك الله في منتداك يالغالي

[محمد ال مهيد]

الغالي احمد الشراري

في البدايه مرحبا بك تراحيب المطر والسيل

سعدنا بتواجدك معنا واتمنى لك طيب الاقامه

شاعر مبدع نتشرف بتواجده بيننا

وحضور اشبه بالمطر

رااائع اخ احمد

سجل اعجابي ومتابعتي

تستحق التميز

محمد

[سعيد الحمومي]

حشمة شرف ماهمها قول عـذال
ليلة شموخن بـان فيهـا قمرهـا

الله الله عليك

جزله من راس جزل
مصافحة ساخنة ودرر نادرة

تحياتي وجل تقديري لشاعريتك

[علي الحزمي]

الشاعر الجميل
احمد عايض الشراري

يا هلا فيك
وسعداء بانضمامك الى ركب الابداع في مشاعرهم الادبية

وحصول اول راااااااااااااقي كما عودتنا في كل مكان

حشمة شرف ماهمها قول عـذال
ليلة شموخن بـان فيهـا قمرهـا
فيها انبهر من زينها كـل الأزوال
والله يعين اللـي بعينـه نظرهـا
ذكرت شيً دوم يطري على البـال
والنفس بعد الشي ولـى كدرهـا



صح لسانك واعتلا شانك وسلم بنانك واحساسك

لك ودي وتقديري

اخوك
علي الحزمي

[علي سعود]

صح السانك واعتلى شانك يالغالي

وياهلابك اخ عزيز بيننا

[عيسى محمد]

احمد عايض الشراري

اهلآ اهلآ وحياك الله ومليون ترحيب
اسعدنا انظمامك لكوكبة النجوم الصاطعه
في سماء منتديات مشاعرهم الادبيه
فعلا الرحب والسعه شاعرنا المميز
وصح السانك وسلم بنانك
ابيات جزله من راس جزل
لاعدمناك ولا عدمنا جديدك

تحيييياتي لك

[مها يوسف]

الأخ العزيز والشاعر القدير
احمد عايض الشراري
شكرا لك على القصيدة الجميلة
ابيات معبرة عن كل ما هو جميل
دام خاطرك والقلم ودمت بخير يا عزيزي
مشكور

[نجم العبدالله]

شاعرنا القدير احمد الشراري

صح لسانك وبيض الله وجهك
الف لاهنت على روعة وجمال هذا التقديم
سلمت وسلم عمرك..

احترامي وتقديري

[عبدالرحمن الرشيدي]

نورت وشرفت
احمد شاااااعر مبدع
صح كللللللللللللللللك

[الشاعر عمار ال قحطان]

حياك الله وبياك بين اخوانك

مصافحة اولى رائعه

شاعر مميز اتمنى لك التوفيق

تحياتي لك

[العنودالشمريه]

أهلا وسهلا بك...أخي الفاضل..حياك الله..بين أخوانك وخواتك/
أتمنى لك طيب الأقامه والمتعه المنشوده..ويسلم من دلك علينا,.
نص في غاية الروعه..يستحق الوقوف أمامه طويلاً
قلم مميز*ماشاءالله.*
سرني تواجدي تحت ظلال هذه الباسقه
صح لسانك مليون ولايكفون وتسلم
يمينك من الشر ولاهانت يسارك
دمت بخير لاينتهي..