مرزوق أبن مطر " عساك أفداوته .’,

[عقاب العتيبي]

بسم الله الرحمن الرحيم

السلام عليكم
قصيده أسندتها على الشاعر القدير / مرزوق بن مطر :
للتواصل مع مُنتديات مشاعرهم الأدبيه ومن ينتسب إليها ..

أمل أن ترتقي لذائقتكم ..
:.
.:

قال الذي للشعر في قلبه محل=نما معه من مرحلة صباوته
وهبه من الله " مال أحد فيها فضل=نالت هوا الموهوب . لو ماهاوته
ولاكل راعي وهبه " أيصوغه جزل=مواهب الشعار " به متفاوته .
يالناقد اللي تحسبن نقدي سهل=قلبك جري " لاتنكبك جراوته
كانك عدو " بورد أحيامي وأعل=مثلك ترى " ماتهمني عداوته
وإن كان تنقدني كذيا , من جهل=غيرك تراني حلت دون أمناوته
وإن كان قصدك ناقد " وشاعر " فحل=والنقد تبغا تمتلك صطاوته
تلغفك " جنب عن قصيدي " ياخبل=قدام راسك " تحترق كتاوته
أنا قصيدي معضمه " نقض " وفتل=ومثلك لنقده غرته ! غباوته
أنصحك جنب سكتي " دربي وحل=والورع مايلقا بها حلاوته
لاأدعسك أنا طبعي مع السكه عجل=أدعس كلاب الشارع وقطاوته
أخاف ماأشوفك " وأوطيك العجل=وأبوك والله ماأمتلك " رضاوته
عساك فدوة " ماضربته من مثل=ومرزوق أبن مطر " عساك أفداوته
عز العواني " والخوي " قول " وفعل=ريف الضيوف " اللي لقو سخاوته
أصحيبي اللي لاأمتلا صدري زعل=ذكره يزيل أهمومه اللي " لاوته
طلق الحجاج " وراعي الكف الخطل=نسل الرجال اللي رقت بّهقاوته
أحزامي اللي شجرته " ذرى " وظل=من وقتي " اليا بَيّنت قساوته
أعرف متى به أعتزي " واف الخصل=ماكل شي أنخاه " في رجاوته
فالكايدات أبا أعتزيبه " وأسفهل=العاليه تِناسب ألـــــ .. علاوته
واليوم أضن الماقف الكايد " وصل=وقلبي همومه " أبتدت تشاوته
أحس في تنظيم دقاته " خلل=لوالله اللي فاختت " هداوته
بدا الأساء " ولاألوم قلبي ماحصل=كفيل بإنه يدهر " بأساوته
نصاني اللي مايجي منه " الزلل=يابو مطر وأشقاني " أبشقاوته
قام أيتعزوى بي " وضيعت العقل=عقلي خطير إني أصوغ " أنعاوته
وفزيت من مقعادي وقلبي " وجل=وقلت الشعر دوب أستوت " طراوته
أبا أبعتزي ببو مطر " يوم الحّمل=زاد وهموم الوقت فوقي " ساوته
العزوة اللي لو توقع في " جبل=أضنها تثر على " رساوته
يابو مطر تكفا " قبل دمعي يهل=أبجاه من جاب الهُدا " أبنباوته
أفزع لمن جاء مجلسي " كله أمل=وعَجّزت عن أجروحه " يدي " ماداوته
خابرك منتب قايلن " مالي دخل=ماقفك مشهودٍ " على نقاوته
وإن كان من دون العسل " حال النحل=شرواك عندي , ماأنقصت " غلاوته
:.


.:ع ــقاب العتيبي "

.

[عبدالرحمن الغيثي]

صح لسانك ياعقاب وطاب فالك


سلمت وسلم منطوقك

[محمد ال مهيد]

الاخ الغالي والشاعر العذب عقاب العتيبي

حيه وحي ماجابه

قصيده ناريه في كلماتها وموضوعها لن تدع للشك مجال بعدها

ومسنده ومعتزى بها بشاعر رائع لا اتوقع ان تمر من اماامه مرور الكرام

متسلسه ومترابطه

سعدت ان اكون من اواائل المعانقين

سجل اعجابي

محمد

[عقاب النهار]

عقاب العتيبى
لله درك على هذه الباسقه
والشامخه كشموخك انت
صح لسانك الى مالا عدد
وعلا شانك
ولاهنت


تقديرى

[عقاب العتيبي]

القدير / عبدالرحمن الغيثي :

صح بدنك ولاهنت ..
أسعدني مرورك وراقَ لي رد ..

لاخلا ولاعدم "

[عقاب العتيبي]

الاخ الغالي والشاعر العذب عقاب العتيبي

حيه وحي ماجابه
قصيده ناريه في كلماتها وموضوعها لن تدع للشك مجال بعدها
ومسنده ومعتزى بها بشاعر رائع لا اتوقع ان تمر من اماامه مرور الكرام

متسلسه ومترابطه
سعدت ان اكون من اواائل المعانقين
سجل اعجابي

محمد

الله يبقيك ويحييك يالغالي :)

ولاعليك زود طال عمرك والأكيد إن الإشاده منك تعني لي الكثير ..
بيض الله وجهك على هذا المرور والاطراء ..

عسى ان اكون عند حسن الضن دائماً ..
ولا خلا ولا عدم "

[ذكرى الغالي]

سلمت يداك التي صاغت هذه الرااااائعه
وصح لسااانك مدد بليااااا عدد
تقديري وامتناني واحترامي
لشخصك وبوحك الراقي
ذكرى الغالي