سلام ٍ اول يلحق الثاني

[نايف محمد العتيبي]

سلام لك يامدور الطاروق && سلام ٍ أول يلحق الثاني

ياجاهل ٍ برقا ولابة روق && تعال اخذلك درس مجاني

[عقاب النهار]

والنعم فيك
وصح لسانك
وننتظر من يكون معك ونستمتع بالمحاوره
متابع

[ذكرى الغالي]

تقديري واحترامي
لشخصك وبوحك الراقي
ذكرى الغالي

[سعدي الكسر]

يامرحبا والشعر فن وذوق

لو امتلا صقهن وعمياني


جاك ابن عمك شاعرن مرموق

ِ
وانا معك من وين تبغاني

[محمد ال مهيد]

حضور وتواجد للمتابعه

نايف العتيبي

وسعدي الكسر

وااصلو

واحنا ماسكين الصفوف

وسنحدد الوجهه

سجلووها

[نايف محمد العتيبي]

يالله مشينا والمعاني فوق && دامك تشوف اسمي و عنواني

ماانته بلا طارد ولاملحوق && انا معاي السيف شاماني

[سعدي الكسر]

انا ليا طبيت وسط السوق

ازحف التجار من داني


لكن تقدم قدم يامرزوق

ترى العمر ياصاحبي فاني

[نايف محمد العتيبي]

ما قالها قبلك ولا مخلوق && السوق من طراه يااخواني؟

لاتستمع في هرجة المطفوق && اسمع كلام ٍ قاله الساني

[سعدي الكسر]

ياجعل والله مايجيك العوق


اسلك طريق وخلك حصاني



هذاك ثوبه دايمً مشقوق

مسلم وبعض احيان نصراني

[نايف محمد العتيبي]

فوقك ترا قامت تلوح بروق && لا اتشب نار ٍ دون دخاني
بين الرجال الطيبين احقوق && فـ المملكه و اديار ابن ثاني

[محمد ال مهيد]

الله الله عليكم

حضوور للمتابعه

سجلوووووووها

محمد

[سعدي الكسر]

ابروق صيف ً ماتبل حلوق

وان هلت اعدك من اخواني


صحيح والطيب بعيد عموق

ويشيل حمله فوق الامتاني

[سعدي الكسر]

هلا هلا يابن مهيد ومتابعتك محفز للابداع

[محمد المناع]

ابروق صيف ً ماتبل حلوق

وان هلت اعدك من اخواني


صحيح والطيب بعيد عموق

ويشيل حمله فوق الامتاني









الله اكبر
صحت والله ابدانكم جميع
واصلووووووووووووووو
ولكم الشكر

[نايف محمد العتيبي]

صح الله لسانك ولاهنت ياسعدي :)

وشكراً لكل من شرفنا بحضوره وتابعنا .. وشجعنا على راسهم الاستاذ محمد ال مهيد

يعطيكم الف عافيه ووقت سعيد .. مع العذر على التاخير في الدخول

لكم مني كل تحيه واحترام وتقدير

اشكرك سعدي تشرفت باللعب معك واشكر فكرك الراقي وجزالتك
لك كل تحيه وكل من كان هنا شخص شخص

[سمر محمد]

جميلة تلك المساحات تنضح بالمتعة والجمال

شكراً لكم