بوالوليد
10-26-2010, 07:48 AM
ترافقني غيومٍ ظلها يسبق مطرها بصيف = وارافقها ورد جوري مكانه صفحة كتابه
هي الذكرى وانا ما ودي اذكرها ولكن حيف = على ان العين خلتها لقلبي أول احبابه
مابين الدكتين اللي حونّي والورق كالريف = مساحاته ثلوج وشارع و أفكار منسابه
زرعني فيه طيف وليت ما يومه زرعني طيف = وسط فصل البرود اللي تتالت فيه ابوابه
أبيها تحطني في وسط بستانٍ لو انّي ضيف = أقله ما ذبلت ولا شكيت الضيم فغيابه
وتسقيني من الشهد المصفّا اللي مزاجه كيف = جرى نبعه وسط جوفه ما بين شفاته ونابه
وإذا دارت بنا الأيام ما قلنا هوانا زيف = سكتنا عن حكينا بس تبقى النار شبابه
ويرجع طاري الأشواق في فصل الشتا والصّيف = وكيف ان الورود تعيش داخل صفحة كتابه
وسوالم
بوالوليد
26\10\2010
هي الذكرى وانا ما ودي اذكرها ولكن حيف = على ان العين خلتها لقلبي أول احبابه
مابين الدكتين اللي حونّي والورق كالريف = مساحاته ثلوج وشارع و أفكار منسابه
زرعني فيه طيف وليت ما يومه زرعني طيف = وسط فصل البرود اللي تتالت فيه ابوابه
أبيها تحطني في وسط بستانٍ لو انّي ضيف = أقله ما ذبلت ولا شكيت الضيم فغيابه
وتسقيني من الشهد المصفّا اللي مزاجه كيف = جرى نبعه وسط جوفه ما بين شفاته ونابه
وإذا دارت بنا الأيام ما قلنا هوانا زيف = سكتنا عن حكينا بس تبقى النار شبابه
ويرجع طاري الأشواق في فصل الشتا والصّيف = وكيف ان الورود تعيش داخل صفحة كتابه
وسوالم
بوالوليد
26\10\2010