الحراق بأصبعه

[شمعه حياتي]

هي اكلة شامية طيبة كتير و اسمها هيك بعتقد لانها حامضة وبتتاكل باردة وسخنة وغدا وعشا ومقبلات وبالمناسبات خاصة تبع بعد الظهر يلى:
كاسة عدس اسود
-حزمة كزبرة
-راس ثوم مقشر ومهروس
-ملح
-دبس رمان
-3بصلات
-ثلاث ارباع كاسة معكروتة قطع صغيرة مبسطة لانه الطريقة القديمة الاصلية بمربعات عجين بمقاس تقريبا 1 سم بس نحنا صرنا ندور على الاسهل .
المعكرونة مسلوقة حتى ماتأخذ مية العدس
-عصير ليمونة
الطريقة:
-نسلق العدس مع 5 كاسات ماء ليطرى مو لينفعس
-نفرم الكزبرة ونضعها مع الثوم بمقلاية مع كمية منيحة من زيت الزيتون ونقلبها شي عشر دقائقوتتركها جانبا
-نقطع البصل جوانح نقليه ليصر لونه ذهبي وتتركه جانبا
وقت ينسلق العدس نضفله المعكرونة + ثلاث ارباع كمية الكزبرة + ثلاث ارباع كمية البصل
وعصير الليمونة والملح ونأتي لاهم شي الحمض اذا ركز يعتي ركزت الاكلة يعني بياخد من شي 3 ملاعق كبار دبس رمان وانت كل ما تضيفي ملعقة ذوقي الحمض ليعجبك ويكون واضح وعلى فكرة الحمض بيبان اكثر ليبرد وضيفي عليه نصف فنجان زيت زيتون واتركيهن على نار
هادية ربع ساعة
صبيه بجاط متوسط وزينيه بباقي الكزبرة والبصل وقطع الخبز المربعة الصغيرة و اذا عملتيه بالعجين زينيه بالعجين المقلي بس زيدي على مية العدس 3كاسات والف صحةhttp://smilies.sofrayt.com/1/r/happy.gif

[سمر محمد]

أكلة لذيذة جداً لكنني أراها هنا بطريقة مختلفة
عن التي نستخدمها

شكراً لك ياشمعة

[شمعه حياتي]

سمر محمد
يسلمووو يالغاليه نورتي صفحتي بوجودك

[مها يوسف]

شمعة حياتي
شكرا لك على الوصفة الشهية
مشكورة على النقل والمجهود دمت بخير

[شمعه حياتي]

مها يوسف
يسلمووو يالغاليه نورتي صفحتي بوجودك

[ذكرى الغالي]

الله يسعد قلبك
سلمت يداك
تقديري واحترامي
لشخصك وطرحك
ذكرى الغالي

[شمعه حياتي]

ذكرى الغالي
يسلمووو يالغاليه نورتي صفحتي بوجودك

[بقايا روح]

سلمت يداك يا شمعة لا هنتي

كل الورد

صــــــــادق الود

[شمعه حياتي]

بقايا روح
يسلمووو يالغاليه نورتي صفحتي بوجودك