ناصر آل مداوي
12-28-2010, 08:06 PM
السلام عليكم ورحمة الله وبركاته
.
.
.
فارقتك الضلوع وودّعك كل موق=واقسم الحزن ياصل خلك اللي جفيت
واحترق قلب حرقٍ غير كل الحروق=كنّه المسرح وجمر الغضا أوبريت
واسدل ستار طيب الحال كفّ الفتوق=والتعب ما لفى نصّه .. لفى كمبليت
وصار للضيم صيت وحطّ مركاه فوق=عقب ما كان تحت ولا له ايّات صيت
ولا بقى في صروحي للبقاء ايّ توق=ولا حصل من طموحي غير لوٍّ وليت
وامتلا البال ضيق وصادف السير عوق=وابتدت ونّة الاوجاع يوم انتهيت
ونّةٍ تحتري هاللحظة بكلّ شوق=لحظة ذبول غصنٍ منْه يا كم جنيت
ودّها والله العلام عن كل بوق= تبني لْها بليّا حقّ في الجاش بيت
وحسبي الله يوم انّي بوقت الشروق= من سببها أمسّي واحسب انّه مبيت
سيّدي والوجع عقبك جرى في العروق=والبدن كنّه اللي بين الأحياء ميت
والشرايين عيّت لا تمر الخفوق=اضربت عنْه يومنّي بليّاك جيت
والقدم كنت اسوقه في المشاوير سوق=بسّ هالحين نعمة لا عكزت او حبيت
والسعادة حكت عن رغبةٍ في العقوق= توّها تدري اني عن بعادك حكيت
والوسم يوم جاه العلم ردّ الحقوق=قال توّي عن فراق الاخلّه دريت
والعنا شَرْبته ماهي تبلّ الحلوق=لو هي تبلّ يمدي من عناي اكتفيت
والبكا مامتهنته.. والحزن للصدوق=واشهد اني حزين القلب يومن بكيت
وسلامتكم
.
.
.
فارقتك الضلوع وودّعك كل موق=واقسم الحزن ياصل خلك اللي جفيت
واحترق قلب حرقٍ غير كل الحروق=كنّه المسرح وجمر الغضا أوبريت
واسدل ستار طيب الحال كفّ الفتوق=والتعب ما لفى نصّه .. لفى كمبليت
وصار للضيم صيت وحطّ مركاه فوق=عقب ما كان تحت ولا له ايّات صيت
ولا بقى في صروحي للبقاء ايّ توق=ولا حصل من طموحي غير لوٍّ وليت
وامتلا البال ضيق وصادف السير عوق=وابتدت ونّة الاوجاع يوم انتهيت
ونّةٍ تحتري هاللحظة بكلّ شوق=لحظة ذبول غصنٍ منْه يا كم جنيت
ودّها والله العلام عن كل بوق= تبني لْها بليّا حقّ في الجاش بيت
وحسبي الله يوم انّي بوقت الشروق= من سببها أمسّي واحسب انّه مبيت
سيّدي والوجع عقبك جرى في العروق=والبدن كنّه اللي بين الأحياء ميت
والشرايين عيّت لا تمر الخفوق=اضربت عنْه يومنّي بليّاك جيت
والقدم كنت اسوقه في المشاوير سوق=بسّ هالحين نعمة لا عكزت او حبيت
والسعادة حكت عن رغبةٍ في العقوق= توّها تدري اني عن بعادك حكيت
والوسم يوم جاه العلم ردّ الحقوق=قال توّي عن فراق الاخلّه دريت
والعنا شَرْبته ماهي تبلّ الحلوق=لو هي تبلّ يمدي من عناي اكتفيت
والبكا مامتهنته.. والحزن للصدوق=واشهد اني حزين القلب يومن بكيت
وسلامتكم