عقاب العتيبي
07-02-2009, 08:33 AM
بسم الله الرحمن الرحيم
السلام عليكم :
للتواصل معكم .. قصيده مِن الإرشيف ..
أمل أن ترتقي لذائقتكم ..
:.
{ ماحصلي وظيفه }
.:
جيت الرياض وليتني ماتعنيـت=حصيلي المشوار عقب النكيفـه
واللي حداني يوم للعاصمه جيت=ابي وظيفـه ماحصلـي وظيفـه
وراع المثل قد قال ماتنفعـك ليـت=ياللي تحسف ماتفيد الحسيفـه
فالمملكه مابه وظايف وأنا أزريت=لصبر على جور الحمول الكليفه
ماباقي الا كان أجـر التناهيـت=كني وليفٍ ذاق حـرة وليفـه
من مقعدي يابدّر في قاعة البيـت=يصرف علي العود حالي كسيفه
يانعنبو وقتٍ يـذل الشفاليت=اللي به الرجال يبلـش بضيفـه
قد قالها بندر وأنا لقوله أصغيت=في شطره اللي (بستعيره) وأظيفه
[سلط على النصراني اللي لقا الزيت]=لولاه ماثقلت علينا الخفيفه
من يوم نقب في صخور الجرانيت=طاشت علينا أهل النفوس الضعيفه
اللي منول فالجزيره هلافيت=اليوم تنعم بالحياه المريفه
وأهل السيوف اللي تحد الطواغيت=مافيهم اللي يقدر يسل سيفه
ماعاد باقي غير سمعت هل الصيت=أهل الفعول مخضبين الرهيفه
أمثال أخو هملا وقشعان وبخيت=والضيط لامنه تعلا العسيفه
لحدٍ يلوم القلب لنكان ونيت=ياذيب لاتلومه لازاد برجيفه
وياذيب لامنك رقيت وتعليت=فالشامخات أمن الجبال المنيفه
جر العوا ياذيب وأنا لاجريت=أعواك أجر الصوت من دون خيفه
تراني أنا أوحيت مدري وش أوحيت=لاتاكل الحرجه ونفسك عفيفه
أشوفلي نوً رعوده دناميت=لا لاح برقه يعجبك من رفيفه
والا تبا علمي ! ياذيب التهاتيت=أهم شي إنا نوال الخليفه
هذا هو اللي به ياذيب الخلا أوصّيت=وصيتن لهل النفوس الشريفه
من اللي عليه أزكى سلامي لاصليت=الهادي اللي كاملً في وصيفه
حفظ العهد واجب وأنا لو تناسيت=حليف يوفي بالعهد مع حليفه
متى على الله تبني البيت ياسبيت=وتكحل عيونك ولوهي كفيفه:.
.:ع ــقاب العتيبي "
السلام عليكم :
للتواصل معكم .. قصيده مِن الإرشيف ..
أمل أن ترتقي لذائقتكم ..
:.
{ ماحصلي وظيفه }
.:
جيت الرياض وليتني ماتعنيـت=حصيلي المشوار عقب النكيفـه
واللي حداني يوم للعاصمه جيت=ابي وظيفـه ماحصلـي وظيفـه
وراع المثل قد قال ماتنفعـك ليـت=ياللي تحسف ماتفيد الحسيفـه
فالمملكه مابه وظايف وأنا أزريت=لصبر على جور الحمول الكليفه
ماباقي الا كان أجـر التناهيـت=كني وليفٍ ذاق حـرة وليفـه
من مقعدي يابدّر في قاعة البيـت=يصرف علي العود حالي كسيفه
يانعنبو وقتٍ يـذل الشفاليت=اللي به الرجال يبلـش بضيفـه
قد قالها بندر وأنا لقوله أصغيت=في شطره اللي (بستعيره) وأظيفه
[سلط على النصراني اللي لقا الزيت]=لولاه ماثقلت علينا الخفيفه
من يوم نقب في صخور الجرانيت=طاشت علينا أهل النفوس الضعيفه
اللي منول فالجزيره هلافيت=اليوم تنعم بالحياه المريفه
وأهل السيوف اللي تحد الطواغيت=مافيهم اللي يقدر يسل سيفه
ماعاد باقي غير سمعت هل الصيت=أهل الفعول مخضبين الرهيفه
أمثال أخو هملا وقشعان وبخيت=والضيط لامنه تعلا العسيفه
لحدٍ يلوم القلب لنكان ونيت=ياذيب لاتلومه لازاد برجيفه
وياذيب لامنك رقيت وتعليت=فالشامخات أمن الجبال المنيفه
جر العوا ياذيب وأنا لاجريت=أعواك أجر الصوت من دون خيفه
تراني أنا أوحيت مدري وش أوحيت=لاتاكل الحرجه ونفسك عفيفه
أشوفلي نوً رعوده دناميت=لا لاح برقه يعجبك من رفيفه
والا تبا علمي ! ياذيب التهاتيت=أهم شي إنا نوال الخليفه
هذا هو اللي به ياذيب الخلا أوصّيت=وصيتن لهل النفوس الشريفه
من اللي عليه أزكى سلامي لاصليت=الهادي اللي كاملً في وصيفه
حفظ العهد واجب وأنا لو تناسيت=حليف يوفي بالعهد مع حليفه
متى على الله تبني البيت ياسبيت=وتكحل عيونك ولوهي كفيفه:.
.:ع ــقاب العتيبي "