وصية جدّي

[سلطان العتيبي]

ياصاحبي يالشاعر البطراني=ياللّي مدحت إمن العشم قيفاني
الشعر لامنّه ذِكر فإذكرني=دوّر علي أرجوك لاتنساني
ماني من اللّي شعرهم مستورد=لاعوّدت للشعر له سلطاني
الشعر في مدح الرجال أمثالك=ماني على مدحي لهم خسراني
والشعر في قول الغزل سطّرته=وحطّيت قلبي للمهاء نيشاني
وفالوالدين اللّي ربوني قلته=وفي ربعي العتبان صغت أوزاني
والشعر في بعض القضايا صغته=في معركة بغداد ثم لبناني
وياقدس لاتبكين نصرك قادم=وحنّا معك لو بالقصيد نعاني
وكتبت في بعض التجارب حكمه=لعلّها تبقى مع الإنساني
لاصارت أيامك سفينه تبحر=مايوقف أقدار البحر قبطاني
والشعر في حب الوطن ماأهملته=عندي على ماقلت حكمٍ ثاني
ترى الوطن غالي وغالي جدًا=جدّي من إسنينٍ مضت وصّاني
في يوم كنّا نجلس إفبيتٍ لّه=أنا وأبوي وجدّتي وإخواني
قال إسمعو والسّامعين إبقولي=علمٍ بقوله قبل إيموت إلساني
ترى الفتى لاهدّ دينه خيّب=لو كان من قومٍ لهم ميداني
وترى الفتى من دون ربعه مفلس=لو كان فلسه فالبنوك أثماني
وترى الفتى لاعقّ في من جابه=لابد ماترجع عليه أزماني
يعقّ فيه إبنه ولو ماودّه=جزاه من ربّي عظيم الشّآني
وإصدق وخلّ الصدق علم إلسانك=ينجيك وإلّا الكذب ذنبٍ ثاني
والجار له حقٍ على جيرانه=وصّى عليه المصطفى بإحساني
وترى الفتى في حب داره ملزم=ياجعل من لاحب داره فآني
من دونها لو كان تهدر دمّك=وقتٍ عليه إيحدّك النصراني
وطاعة وليّ الأمر شيٍ واجب=قد جات فالسنّه وفالقرآني
وأنا فعلت إبها الوصيّه حتى=مشو بها ربعي وكل إخواني

[محمد ال مهيد]

الغالي سلطان العتيبي

الله الله عليك

شاعر له نهج خاص

يملك المفرده القديمه بقالبها الجديد

سعدت بالمرور من امام هذه الرائعه

سجل اعجابي

محمد

[عيسى محمد]

سلطان العتيبي

لله درك ابداع منقطع النظير
صح الله السانك مدد بلا عدد
ابيات جزله من راس جزل
لاعدمناك ولا عدمنا جديدك

تحيييييياتي لك

[عاشق سراب]

http://www.p-yemen.com/highstar/bsm/p-yemen1%20(10).gif


http://www.al-wed.com/pic/8124.gif




الاخ الشاعر الغالي ::
سلطان العتيبي
صح بوحك

وحياك ربي شاعرنا
http://img101.imageshack.us/img101/5571/60xg3.gifhttp://img101.imageshack.us/img101/5571/60xg3.gif

لاصـــارت أيـامــك سـفـيـنـه تـبـحــر
مـايـوقـف أقـــدار الـبـحـر قـبـطـانـي




والشعر في حب الوطـن ماأهملتـه
عـنـدي عـلـى ماقـلـت حـكـمٍ ثـانــي




تــرى الـوطـن غـالـي وغـالــي جـــدًا
جدّي مـن إسنيـنٍ مضـت وصّانـي



فــي يــوم كـنّـا نجـلـس إفبـيـتٍ لّــه
أنـــــا وأبـــــوي وجــدّتـــي وإخــوانـــي




قــال إسمـعـو والسّامعـيـن إبـقـولـي
علـمٍ بقـولـه قـبـل إيـمـوت إلسـانـي




تـــرى الـفـتـى لاهــــدّ ديــنــه خــيّــب
لــو كــان مــن قــومٍ لـهــم مـيـدانـي



وترى الفتى من دون ربعه مفلـس
لــو كــان فلـسـه فالبـنـوك أثـمـانـي



وترى الفتـى لاعـقّ فـي مـن جابـه
لابـــــد مـاتــرجــع عـلــيــه أزمـــانـــي



يــعــقّ فــيــه إبــنـــه ولـــــو مـــــاودّه
جــزاه مـــن ربّـــي عـظـيـم الـشّـآنـي




وإصدق وخلّ الصدق علم إلسانك
ينـجـيـك وإلّا الـكــذب ذنـــبٍ ثــانــي



والـجــار لـــه حـــقٍ عـلــى جـيـرانــه
وصّى عليـه المصطفـى بإحسانـي




وتــرى الفـتـى فــي حــب داره مـلـزم
يـاجـعــل مــــن لاحــــب داره فــآنــي



مــن دونـهـا لــو كــان تـهـدر دمّــك
وقـــتٍ عـلـيــه إيــحــدّك الـنـصـرانـي




وطـاعـة ولــيّ الأمــر شــيٍ واجـــب
قــــد جـــــات فـالـسـنّــه وفـالـقـرآنــي


http://img101.imageshack.us/img101/5571/60xg3.gifhttp://img101.imageshack.us/img101/5571/60xg3.gif



http://i393.photobucket.com/albums/pp13/black_orchide/1276379jjk5zyamx4.gif
تقبل فائق التقدير
العاشق
http://www.s1u1.com/vb/uploaded/11_11276306171.gif

[ذكرى الغالي]

سلمت يداك التي صاغت هذا الجمال
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي

[عبق الورد]

صح لسانك وعلا ربي شانك ..
ابداع كل مايبوح قلبك العذب ومايخط يمينك ..
لآتحرمنا آبدآإعك
ولك تحياتي وتقديري ..

[محمد الشايع]

والله والنعم ياصبي عتيبه
وفيت وكفيت
صح السانك ولاهنت
كايفه حد الثماله
سجل اعجابي

[بحر التحدي]

الله الله عليك ياسلطان
ما أجملك شعرياً وما أجمل وصايا جدك
سلمت عدد النجوم أيها المبدع
سلطان .... عندما أرى هذا الأسم أعلم أنني سوف أقرأ ما يحوز على رضائي
تـقبل شكري واحترامي لشخصك وبوحك

[سلطان العتيبي]

شاعرنا الرائع والعذب

محمد آل مهيد

شاكر لك طال عمرك على مرورك الكريم

وعلى الإطراء اللي أعتبره شرف كبير لي

خاصةً أنه من شاعر كبير بحجمك

تقبّل إعتزازي وفخري..

[سلطان العتيبي]

أخوي عيسى محمد

صح بدنك يالغالي

شاكر لك مرورك الكريم

لاهنت..

[سلطان العتيبي]

أخوي عاشق سراب

صح بدنك

شاكر لك مرورك العذب

لاهنت..

[سلطان العتيبي]

الشاعرهـ ذكرى الغالي

شاكر لكـِ مرورك العطـــــر

تحياتي لكـِ..

[سلطان العتيبي]

عبق الورد

شاكر لك مرورك العطـــــر

تحياتي لك...

[سلطان العتيبي]

الشاعر محمد الشايع

ماعليك زود طال عمرك

وصح بدنك

وشاكر لك مرورك الكريم

لاهنت..

[سلطان العتيبي]

أخوي محمد علي

شاكر لك مرورك الكريم

وإطرائك الغير مستغرب

ومتابعتك وثنائك أنت وإخواني الأعضاء في هذا المنتدى الشامخ

وقود لي كشاعر وسيجعلني أطرح كل ماهو مميز من نصوص شعريه

لاهنت أخوي..

[اميرة الاحساس]

صح لسانك شاعرنا
ابيات رااائعه تتصف بقمة الاحساس
يعطيك العافيه على الطرح الرااائع
ننتظر جديدك بشووووووق 000
لك مني اجمل واعذب التحيه

[سامي احمد]

القدير

سلطان العتيبي

صح الله السانك واعلى شانك
تقبل الورد

سامي احمد

[علي الحزمي]

سلطان العتيبي

صح لسانك مليون في مليون ولايسدون

دوما متميز شاعرنا

لك ودي