ناصر آل مداوي
03-03-2011, 11:36 PM
السلام عليكم ورحمة الله وبركاته
بعد غياب اليكم ايها الاحبة هذه الكلمات علها تشفع ذلك الغياب
.
.
.
بيّض الله.. كثّر الله .. جمّل الله=وجهك.. وخيرك يابومتعب.. وحالك
والله انّك تعقد الحبل وتحله=قايدٍ مخافة الله راسمالك
والوفا والعطف بك طبع وجبلة=والكرم والطيب من باقي خصالك
أنت فارق تملك مْن الحب جله=لا مجالٍ في الفؤاد الاّ مجالك
وانت غير وكلّ قلبٍ تستحله=في القلوب تحلّ يابونا لحالك
لك محبّه غير عن كلّ الأخلة=البقية للجلا.. بس البقا لك
كلّ بقعه في الحشا لك مستحلة=بالرضا قامت تهلّي باحتلالك
ماتبي في يوم تصبح مستقلة=يوم سهمك عدل والرحمة سلالك
ردّك الله بالسلامة للأهلة=يالسما اللي يرزم الراعد بجالك
والله انّ الدمع من ضيمك نهله=وندعي الله صحة الابدان فالك
ونحمد اللي بدّل الفاقه بغَلة=يوم بدّل حزننا بافراحنا لك
كلّ معلولٍ غدى ما فيه علة=يوم صرت الكاس واللاباس نالك
والفرح دربٍ بعد جيّتك دله:=كل فردٍ في الوطن قال الولا لك
وكلّ ريقٍ ناشفٍ ذا اليوم بله:=غيمك الماطر وكاسٍ من زلالك
والنفوس الحين لاجلك مسفهلة=وكلّ قلبٍ ثوب الاجلال ارتدى لك
والسعَد في كلّ بيت وكلّ فلة=والشوارع مابها الاّ الفرْح سالك
طلّتك ياخادم البيتين طلة=لابْيض تْحوّل سوادٍ كان حالك
ما رجعت الاّ معك كلّ الأدلة:= عالغلا اللي يضمره للناس بالك
جيت تحمل في يديك الخير كله=للعيون اللي بكت لحظة وصالك
للصغير وللكبير بكلّ ملة=عمّ خيرك كلّ حيّ وكلّ هالك
سيّدي والوضع ماهو وضع.. لله=في بلاد العُرْب شينٍ ومْتهالك
الدموع مْن المصايب مستهلة=والبشر لاعصابها ماهي تمالك
كلّ شعب مْعزّم الحاكم يشله=والله اعلم ليه ويش اسباب ذلك
والوكاد ان عندنا حاكم نجله=العدل نبراسك وسبّة جمالك
تقدع الايمان والاحسان دلة=والشهادة كنّها الاّ من عيالك
وان حصل يا سيّدي في الدار خُلة=حن ذراها يا ملكنا حن جبالك
أنت بسّ اشّر وكايدها نذله=والله ان يبطي تحت رحمة نعالك
دونها ناطا على النحر ونتله=تلّةٍ تضحك لها ميلة عقالك
كلنا دون الوطن من كلّ زلة=كلنا عن بكرة اااابينا فدا لك
سلّ سيفك ياخطل الذرعان سلّه=حن رجالك حن رجالك حن رجالك
والله يظل السعوديه بظله=مملكه ماهي مثل كلّ الممالك
دولةٍ دايم على العالم مطلة=ما علاها الاّ الجدي من ماضي آلك
ولا نبا الاّ انتوا على العرش وهلٍ له=ولانبي حاكم يابومتعب بدالك
وسلامتكم،،،
بعد غياب اليكم ايها الاحبة هذه الكلمات علها تشفع ذلك الغياب
.
.
.
بيّض الله.. كثّر الله .. جمّل الله=وجهك.. وخيرك يابومتعب.. وحالك
والله انّك تعقد الحبل وتحله=قايدٍ مخافة الله راسمالك
والوفا والعطف بك طبع وجبلة=والكرم والطيب من باقي خصالك
أنت فارق تملك مْن الحب جله=لا مجالٍ في الفؤاد الاّ مجالك
وانت غير وكلّ قلبٍ تستحله=في القلوب تحلّ يابونا لحالك
لك محبّه غير عن كلّ الأخلة=البقية للجلا.. بس البقا لك
كلّ بقعه في الحشا لك مستحلة=بالرضا قامت تهلّي باحتلالك
ماتبي في يوم تصبح مستقلة=يوم سهمك عدل والرحمة سلالك
ردّك الله بالسلامة للأهلة=يالسما اللي يرزم الراعد بجالك
والله انّ الدمع من ضيمك نهله=وندعي الله صحة الابدان فالك
ونحمد اللي بدّل الفاقه بغَلة=يوم بدّل حزننا بافراحنا لك
كلّ معلولٍ غدى ما فيه علة=يوم صرت الكاس واللاباس نالك
والفرح دربٍ بعد جيّتك دله:=كل فردٍ في الوطن قال الولا لك
وكلّ ريقٍ ناشفٍ ذا اليوم بله:=غيمك الماطر وكاسٍ من زلالك
والنفوس الحين لاجلك مسفهلة=وكلّ قلبٍ ثوب الاجلال ارتدى لك
والسعَد في كلّ بيت وكلّ فلة=والشوارع مابها الاّ الفرْح سالك
طلّتك ياخادم البيتين طلة=لابْيض تْحوّل سوادٍ كان حالك
ما رجعت الاّ معك كلّ الأدلة:= عالغلا اللي يضمره للناس بالك
جيت تحمل في يديك الخير كله=للعيون اللي بكت لحظة وصالك
للصغير وللكبير بكلّ ملة=عمّ خيرك كلّ حيّ وكلّ هالك
سيّدي والوضع ماهو وضع.. لله=في بلاد العُرْب شينٍ ومْتهالك
الدموع مْن المصايب مستهلة=والبشر لاعصابها ماهي تمالك
كلّ شعب مْعزّم الحاكم يشله=والله اعلم ليه ويش اسباب ذلك
والوكاد ان عندنا حاكم نجله=العدل نبراسك وسبّة جمالك
تقدع الايمان والاحسان دلة=والشهادة كنّها الاّ من عيالك
وان حصل يا سيّدي في الدار خُلة=حن ذراها يا ملكنا حن جبالك
أنت بسّ اشّر وكايدها نذله=والله ان يبطي تحت رحمة نعالك
دونها ناطا على النحر ونتله=تلّةٍ تضحك لها ميلة عقالك
كلنا دون الوطن من كلّ زلة=كلنا عن بكرة اااابينا فدا لك
سلّ سيفك ياخطل الذرعان سلّه=حن رجالك حن رجالك حن رجالك
والله يظل السعوديه بظله=مملكه ماهي مثل كلّ الممالك
دولةٍ دايم على العالم مطلة=ما علاها الاّ الجدي من ماضي آلك
ولا نبا الاّ انتوا على العرش وهلٍ له=ولانبي حاكم يابومتعب بدالك
وسلامتكم،،،