مصافحه اولـى !!

[ميزر بن زياد بن طواله]

السلام عليكم ورحمة الله وبركاته

يسعدني ان البي الدعوه

و ان انضم اليكم اخواني/اخواتي الاعزاء

في هذا الصرح الشامخ

رغم اني وجدت الاسم مسجل عندكم من اول !!

الحمد لله مالي الا ولد عم واحد نفس الاسم :)

احببت ان اصافحكم من خلال ديوان العرب

واهديكم هذه الابيات المتواضعه:









ياصاحبي بالوقت عرضه وطوله=بيني وبينك حلو الأيام راحت
كني بــــ..دوله..وأنت عني بــدوله=لاوالله الا دلة الهجر فاحت
وانا مع الأيام لاخذت جوله=ذكرت شي..ودمعة العين ساحت
دارت بنا سود الليالي عجوله=والنفس من زود العناء ماستراحت
واليوم ما باقي كلامٍ نقوله=باح الكلام..وكل الاسرار باحت
واللي عليه القلب زايد ميوله=وينوح نوح اللي..من الورق ناحت
غايب.. وله بالفكر جوله وصوله=وأن حاف قلبي..عنه الأحباب زاحت
ابو عيونٍ ناعساتٍ خجوله=ذكراه..فكري والشعور.. إستباحت
غرو (ن)..خذا بالزين تاج البطوله=كن البروق بوجنته.. يوم لاحت
عندي غلا غيره..ليا شفت زوله=يطيح مثل البورصه..يوم طاحت

[سالم محسن الفهمي]

ارحب ارحب ياالله حيه

اسفرت وانورت شاعرنا العلم / ميزر بن طواله

ولي الشرف بمعانقة هذه الرائعه من روائعك الشعريه

فبك وبمثلك نسعد في منتديات مشاعرهم الأدبيه حيث الشعر والأدب والأقلام الماسيه

وصح لسانك شاعرنا الغالي

[اختصرني يازمن]

يامرحبا ترحيبه في مشيها سرعة شبح

واذا استوى الخط تمسح طبلونها


رحبت بك من عندي ابيات طازه لافيها ديوان عرب ولاشئ

انا مثلك جديد ماجيت الا البارح لكن الكرم والطيب مايحتاج استئذان

الله يحييك نيابه عن الجميع

[بحر التحدي]

الله يحييك يا / ابن طواله
بين اخوانك وأخواتك
من أعضاء هذا الصرح
والمشاركة كانت دليل على
تميز وقدرة سعادتكم الشعرية

وعسى الله لايحرمنا من مثل هيك ابداع


مودتي واحترامي

[الرحال]

يا هلا والله فيك ومسهلا

أسفرت وأنورت


وحياك الله بيننا


وصح لسانك على هذه القصيده

[ميزر بن زياد بن طواله]

ارحب ارحب ياالله حيه

اسفرت وانورت شاعرنا العلم / ميزر بن طواله

ولي الشرف بمعانقة هذه الرائعه من روائعك الشعريه

فبك وبمثلك نسعد في منتديات مشاعرهم الأدبيه حيث الشعر والأدب والأقلام الماسيه

وصح لسانك شاعرنا الغالي




الاخ الشاعر/سالم الفهمي

اسفرت وانورت بوجودك ووجود الطيبين اللي شرواك

صح بدنك ولاهنت

اشكرك على المرور الكريم

تقبل اجمل تحيه

[علي سعود]

ياهلا ويامرحبا فيك يابن طواله

نتشرف في وجود ك بيننا يالغالي

وهذه الساعة المباركة

ودام المصافحه لنا بهذا الشكل صافحنا دايم طال عمرك

[ميزر بن زياد بن طواله]

يامرحبا ترحيبه في مشيها سرعة شبح



واذا استوى الخط تمسح طبلونها



رحبت بك من عندي ابيات طازه لافيها ديوان عرب ولاشئ



انا مثلك جديد ماجيت الا البارح لكن الكرم والطيب مايحتاج استئذان



الله يحييك نيابه عن الجميع







هههههههههههههههههههه بساع صرت من المعازيب والله انك وكفووو



الاخ الشاعر/اختصرني يا زمن



قمت بالواجب وهذا ان دل على شي يدل على معدنك الطيب




بحاول ارد على بيتك واكيد كتبته على عجل




دام البقا ياللي ترحب.. من ترحب به ربح



.......................واللي حفظ سلم النشاما ماجهل قانونها




اشكرك على المرور الرائع والترحيب



ولاهنت



دمت بخير اخي الكريم

[ذكرى الغالي]

حيااااك الله
وعلى الرحب والسعه
سلمت يداك التي صاغت هذه الرائعه
وصح لسااااااانك مدد بلياااا عدد
تقديري واحترامي لشخصك الكريم
وبوحك الجزل
ذكرى الغالي

[شجون الليل]

قصيده فاضت بصدق مشاعرها ،،
كلآمــات لامست وجــدآني ،،
صح لسآنك شاعرنا وتسلم يمينكِ
بـ انتظار جديدك



لِـ/ روحگ آلجوريً

[عيسى محمد]

ابن طواله

ياهلابك وحياك مليون تحيه
اسعدنا انظمامك لكوكبة النجوم الصاطعه
في سماء منتديات مشاعرهم الادبيه فحياك
وصح الله السانك وسلم بنانك
ابيات جزله من راس جزل
لاعدمناك ولا عدمنا جديدك

تحيييييياتي لك

[علي الحزمي]

يالله حيه يالله حيه

شاعر من اعلام الشعر المعاصر



هلا ومراحب والله
وسعداء كثيرا بانضمامك شاعرنا القدير


وتغمرني السعادة
وانا اصافح معزوفتك الاولى لاقتطف منها على استحياء
واليـوم مـا باقـي كـلامٍ نقـولـه
باح الكلام..وكل الاسـرار باحـت
واللي عليـه القلـب زايـد ميولـه
وينوح نوح اللي..من الورق ناحـت




_ _ _
صح لسانك شاعرنا وسلم نبضك
حتى وان كانت المصافحة من خلال ديوان العرب ههههه


دمت بكل شموخ

سجل مروري المتواضع واعجابي الشديد بحضورك البارز


اخوك
علي الحزمي

[ميزر بن زياد بن طواله]

بسم الله الرحمن الرحيم

السلام عليكم ورحمة الله وبركاته


اشكر جميع الاخوان والاخوات اللي مروا من هنا

اسعدني ترحيبكم وردودكم

صح ابدانكم ولاهنتوا جميع

وتقبلوا مني

اجمل تحيــه

[فيصل سالم]

صح لسانك قصيده رااائعه جدا
راقت لي يعطيك العافيه

بعد انا جديد ورحب فيك ياابن طواله
دمت بخير