عبدالرحمن سراج
05-02-2011, 09:45 PM
لا ثار شعب اليمن ثوّر = واستوعب الكون مأثوره
وان ضاق ما هاج واتهوّر = حتّى لو النّفس مقهورة
بالسلم لا سار يتنوّر = يمشي على ضوء تنوّره
ما دام بالعقل نتطوّر = واحنا الذي نخترع طوره
بايلحق الشّعب ما دوّر = ويبان بعد الفشل دوره
ونحقّق الحلم..ونصوّر = أنّ اليمن ارض منصورة
واللي من الجوع يتضوّر = يقطف من التين محضوره
ويذوق مالنّفس تتخوّر = يأكل كفاته على الخورة
والوضع ذي كان متدهور = يستخلف أيّام مشهورة
وادوار(صالح)مع(مجور)= ترجع مجالات محجورة
وشلّة الظالم الاعور = تعيش فالرعب مذعورة
والمرتشي..والذي زوّر = تقطع يد اللصّ مهزورة
وثورة الشّعب تتمحور = حول(ابن عفّاش)وبحوره
حول الفساد الذي فوّر = دمّ الملايين دافوره
واتوجّـع الشّعب واتعوّر = من زمرة الظلم والعورة
وضجّ من وقعها غوّر= وفكّ ساحات مشغورة
واتجمّع الشيخ والادور = وكلّ طاقات مهدورة
من الجميمة ومن مسور = من كل قرية ومقصورة
شباب من نسخة الازور = حسّك تعاديه..وتزوره
والعدل من حولهم نوّر = ولاح مثل القمر نوره
كلاً على خيمته سوّر = وحطّ فالخلف ماسورة
لا ثبّـت العود ما اتدوّر = وان فزّ ما خاف مقدوره
والكلّ من ضيقه اتكوّر = وقاطع الرقص والكورة
وقام بالعزم يتحوّر = ويقدّم النّـفس فاتورة
يكشف للأشهاد مااتزوّر= ويحلّ ما كان فزوّرة
ويوّثق الحفل يتصوّر = على الجزيرة مية صورة
وتبثّـه النّيل والمحور = وتشوفه الخلق مسحورة
وكل معروض لا بوّر = يرموه لا اشتدّت البورة
ويقلّ فالسوق يا انور = ويصير منبوذ يا نورة
والشعب لا ثار واتثوّر = لا بدّ ما تنجح الثورة
وسلامتكم..وسلاامة القراء
تحيّاتي لكلّ من سجّل مروره
أخوكم/عبدالرحمن سراج
وان ضاق ما هاج واتهوّر = حتّى لو النّفس مقهورة
بالسلم لا سار يتنوّر = يمشي على ضوء تنوّره
ما دام بالعقل نتطوّر = واحنا الذي نخترع طوره
بايلحق الشّعب ما دوّر = ويبان بعد الفشل دوره
ونحقّق الحلم..ونصوّر = أنّ اليمن ارض منصورة
واللي من الجوع يتضوّر = يقطف من التين محضوره
ويذوق مالنّفس تتخوّر = يأكل كفاته على الخورة
والوضع ذي كان متدهور = يستخلف أيّام مشهورة
وادوار(صالح)مع(مجور)= ترجع مجالات محجورة
وشلّة الظالم الاعور = تعيش فالرعب مذعورة
والمرتشي..والذي زوّر = تقطع يد اللصّ مهزورة
وثورة الشّعب تتمحور = حول(ابن عفّاش)وبحوره
حول الفساد الذي فوّر = دمّ الملايين دافوره
واتوجّـع الشّعب واتعوّر = من زمرة الظلم والعورة
وضجّ من وقعها غوّر= وفكّ ساحات مشغورة
واتجمّع الشيخ والادور = وكلّ طاقات مهدورة
من الجميمة ومن مسور = من كل قرية ومقصورة
شباب من نسخة الازور = حسّك تعاديه..وتزوره
والعدل من حولهم نوّر = ولاح مثل القمر نوره
كلاً على خيمته سوّر = وحطّ فالخلف ماسورة
لا ثبّـت العود ما اتدوّر = وان فزّ ما خاف مقدوره
والكلّ من ضيقه اتكوّر = وقاطع الرقص والكورة
وقام بالعزم يتحوّر = ويقدّم النّـفس فاتورة
يكشف للأشهاد مااتزوّر= ويحلّ ما كان فزوّرة
ويوّثق الحفل يتصوّر = على الجزيرة مية صورة
وتبثّـه النّيل والمحور = وتشوفه الخلق مسحورة
وكل معروض لا بوّر = يرموه لا اشتدّت البورة
ويقلّ فالسوق يا انور = ويصير منبوذ يا نورة
والشعب لا ثار واتثوّر = لا بدّ ما تنجح الثورة
وسلامتكم..وسلاامة القراء
تحيّاتي لكلّ من سجّل مروره
أخوكم/عبدالرحمن سراج