عن صهيلك دخيلك وش يفيد الصهيل.. .. دامك ولو صهلتي مايشكلك فرق ..

[حسين ابن عمران]

للتواصل ..

عن جنوح النوايا ويش ابي بالدليل = وانت قدام عيني سارق القلب سرق
ياضما عين ضاامي بالمخاليق حيل = بينه وبين رشفه من سحابه وبرق
والله اني عرفت اني بالآخر قتيل = وانني ياغريقك او بك اموت حرق
وان خيلك جفول ولا تعز النزيل = لا لمع بالنزال امن المباريق برق
عن صهيلك دخيلك وش يفيد الصهيل = دامك ولو صهلتي مايشكلك فرق
وكيف اخيل الاجابه للسؤال الثقيل = وانتي ام الغروب وغاية الشمس شرق
والله ان الاماني ماهي المستحيل = صعبة ٍ منك يعني لو تقولين ارق
صعبة ٍ منك يعني بالطريق الطويل = تقصرين المسافه يا ام عينين زرق
ليه الوم واعاتب ليه احط واشيل = ليه اسوق القوافي واطرق الشعر طرق
دامني مارتشفتك فالهوى سلسبيل = بالفظ الشوق وانزح عن مرابعك شرق
وللنوى للمنايا للبكا للعويل = يغرق الحب والا عله اليوم حرق
وللضما كل عرق امن المعاليق حيل = بينه وبين رشفه من سحابه وبرق

وسلامتكم
اخوكم
حسين ابن عمران
سهير الطرف

[مها يوسف]

الاخ العزيز والشاعر القدير
حسين ابن عمران
يا سهير الطرف انت رائع ولقلمك ابداع مميز
شكرا لك على القصيدة الجميلة والمعبرة
دام قلبك نابضاُ بالمحبة
ابيات في قمة الروعة والمشاعر والاحساس
دام خاطرك والقلم ودمت بخير
مشكور

[كاسبر]

الشاعر القدير حسين ابن عمران

كلمات روعة وأحساسك ماأروعة

ابدعت في نثر حروفك لله درك

صح لسانك وكلك لعدمنا جديدك

خالص ودي لك

[ذكرى الغالي]

سلمت يداك التي صاغت هذه البااااسقه
صح لسانك مدد بلياااااا عدد
تقديري واحترامي
لشخصك وبوحك الراقي
ذكرى الغالي

[سعد ابن قاسم]

السلام عليكم ورحمة الله وبركاته

حسين ابن عمران
صح الله لسانك وعلا شانك

[شجون الليل]

شاعريه فوق حدود الابداع

لاهنت على ابداعك واتحافنا بروائعك

ايها الرائع
دمت للابداع والروعه ودمت نبراس وصح لسانك ملايين

لك تقديري

[سلطان العتيبي]

الشاعر حسين بن عمران
صح لسانك وسلمت على هالقصيده الرائعه
للأمانه النص اعجبني وقرأته أكثر من مره
هناك فقط ملاحظتين اتمنى انها غلطه مطبعيه

دامــك ولــو صهلـتـي مايشكـلـك فـــرق

وأيضاً,,

ليـه الــوم واعـاتـب لـيـه احــط واشـيـل

[بحر التحدي]

ابن عمران
أنت مبدع ورائع



وقصيدة جميلة
يعطيك الف عافية عليها

[حسين ابن عمران]

الاخت مها يوسف ...
شكرا على المرور العذب .. والمتابعه الدائمه ...وشكرا على الاطراء الجميل ... دمتي بخير
الاخ عيسى الغوينم ..
صح بدنك .. ولا هنت .. شكرا على المرور والمتابعه .. دمت بخير
الاخت ذكرى الغالي..
شكرا على المرور العذب .. والاطلاله الدائمه ... دمتي بخير
الاخ سعد قاسم ..
شكرا على المرور العذب .. صح بدنك وبيض الله وجهك ..
الاخت شجون الليل ...
شكرا على المرور العذب والمتابعه .. تقبلي شكري وتقديري
الاخ سلطان العتيبي ..
صح بدنك وطاب فالك ... ومن ناحية الملاحظه مافهمت والله وش تقصد .. اتمنى تفيدني بتوضيح واتشرف بتلقي الملاحظات من شاعر بحجمك .. شكرا على المرور ودمت بخير ..
الاخ بحر التحدي ...
الرائع تواجدك المستمر وردودك العذبه ... شكرا لمروركالكريم ...دمت بخير

[عطر الزهور]

http://upload.arabsbook.com/imgcache/09f5e286e3EAq6Yf.www.arabsbook.com.gif (http://upload.arabsbook.com/imgcache/09f5e286e3EAq6Yf.www.arabsbook.com.gif)

[ذكرى الغالي]

مرور للرفع
احترامي

[علي سعود]

صح السانك ياحسين واعتلى شانك يالغالي

تقبل خالص ودي وتقديري

[حسين ابن عمران]

الاخت عطر الزهور ...
صح بدنك ولا هنتي .. شكرا على المرور العذب والمتابعه ... دمتي بخير ..

[حسين ابن عمران]

الوداع الاخير ..
صح بدنك ولا هنت ياغالي .. اشكر مرور الدائم ومتابعتك المستمره ... دمت بصحه وسلامه

[عقاب النهار]

لله درك
ابداع لايوصف
صح لسانك
مدد بلا عدد
ولاهنت

تقديرى

[ذكرى الغالي]

مرور للرفع
تقديري واحترامي
ذكرى الغالي

[حسين ابن عمران]

الاخ عقاب النهار ...
صح بدنك ولا هنت .. الابداع وجودك في هالمشاركه المتواضعه .. شكرا للمرور العذب ... تقبل تحياتي

[محمد ال مهيد]

حضووور متاخر

لايلغي جمال النص

نص يستحق التميز

راقت لي القافيه

محمد

[حسين ابن عمران]

الاخ محمد آل مهيد ...
حضور مشرف في جميع الاوقات ..
اشكر مرورك الكريم ...ومتابعتك المستمره ...واللي تسعدني وتشرفني ...
شكرا لك مع فائق ودي وتقديري ...