نواف العضياني
06-03-2011, 10:19 AM
السلام عليكم ورحمه الله
مساء الخير للجميع
اعتذر عن الإنقطاع بسبب ظروفي
للتوآصل قصيدة أرسلتها للشاعر فايز بن نادر السحيل وأرسل لي الرد
اتمنى أن تنال على إعجابكم
قلت
ياراكب اللي لون بديه يشبه للون السحاب=يطوي بعيدات المسافه مايحسب حسابها
جيب يخلي نازحات البعد باذن الله قراب=ليا مشى قدام كل الناس نال اعجابها
مصمم كامل وصوف بكل دقة وانسياب=يجلى عن النفس الحزينه همها اللي صابها
سنّد على اللي يرتكي للحمل ويحل الصعاب=اللي ليا جات اللوازم يرتكي لصعابها
يافايز الوقت اختلف والوضع ساء والراس شاب=وماعادني حمل لصكات الزمن واتعابها
دنيا تسابقني على عمري وانا توي شباب=ومادام سوت بي كذا وش خلت لشيابها
حالي مثل حالات حكام العرب والانقلاب=هو البلا اللي صابني نفس البلا اللي صابها
من بعد حكم وهيبة اصبح وضعهم كله خراب=ومن بعد كرسي الحكم جا وقت لاستجوابها
ماقافي لدرب السعادة غير لوعات وعذاب=والنفس ملت من غثا الدنيا ومن عذابها
الله حسيب اللي خذت قلبي وقامت بالذهاب=هاك العنود اللي تعذب خافقي باسبابها
ام الدلع وام العيون السود زاهية الخضاب=حتى سواد الليل اخذ سواده من خضابها
راحت ولا خلت لي اسباب تبرر هالغياب=وخلتني اندم عقبها واشقا لها واشقا بها
خلتني لحالي بضيقه وانفعال واكتئاب=مابين دورات الليالي والزعل وعتابها
ماخلفت غير الجروح لقلب مكسور ومصاب=والصدة اللي جات منها ماعرفت اسبابها
قصة بدايتها سعادة مير تاليها عذاب=وارسلتها لك وانت مايصعب عليك كتابها
ارسلتها لك والخوي لي محزم ودرع وزهاب=وانته تقدر وقفة الاصحاب دون اصحابها
انته ولد عم وخوي وانته من الناس القراب=وارسلتها لك يومك مع الطيبين اولى بها
ارسلتها لك بالذهاب وبانتظر منك الإياب=شف لك طريقة تنهي الموال والحقنا بها
رد الشاعر فايز
ياراكب اللي لامشا مايلحقه حتى الشهاب=بضاعة(ن) ماخسرت فالسوق منهو جابها
لكزس خليجي فالمعارض يحسب لصنفه حساب=مايركبه غير الرجال اللي طوال اشنابها
من مصنعه مضمون خمس سنين عن كل الخراب=لله در صناعته ماشفت منهو عابها
ليا مشا وسط المدن ولا مشا وسط التراب=يخطف لك عيون البشر قدام خطف البابها
منصاه نسل اللي تحل العقد وترو الحراب=اللابه اللي تنعرف بفعولها وانسابها
اي والله العضيان لامن الدهر كشر بناب=كم لابتن تخشى فعول سيوفها وحرابها
واخص انا نواف راع المرجله دمث الجناب=اللي ليا جات الامور الكايده ماهابها
ارسل لي الجيب العفر تقدير وبوسطه جواب=وسطه بيوت طيبها من طيب من غنا بها
يشكي فراق اللي هواها داخل الشريان ذاب=الجادل اللي بالحلا بين العرب يحكا بها
ماكنها الا بدر خمس وعشر يوم النور غاب=ليا ظهر شفت الفيافي الخاليه بهضابها
بخدودها كن البروق تلوح في سود الضباب=ولا سهوم الموت وسط عيونها واهدابها
يقول خلتني بليل ظلمته مثل الغراب=ولا عرفت اسباب روحتها نهار غيابها
ودامه نصاني بالامر مالي عن الامر انسحاب=يبشر بفزعات القرايب لافزعت لاقرابها
ان كانها بالجاه جبت اللي يفكون الرقاب=وان كانها بالمال كل اموالنا جينا بها
وان كان تبغى الراي من صاحبك والقول الصواب=الحب بلوى في البشر ياويل من يبلا بها
بانصحك يانواف لاتطرد تهاتيه السراب=اترك دروب اهل الهوا واغلق جميع ابوابها
قبلك صحيبك بالهجر قد ذاق مالذ وطاب=جروح قلبه مالقى في هالزمان اطبابها
وترا البيوت الوافيات اللي معانيها عذاب=ماتطفي النار بخفوقك لاشتعل مشهابها
اصبر ترا الصبار في دنياه ماجور ومثاب=دايم كذا الاحباب ماتترك فراق احبابها
ان كان عادت قل هلا يامرحبا ليش الغياب=وان روحت جعله مراويح القطا باسرابها
مساء الخير للجميع
اعتذر عن الإنقطاع بسبب ظروفي
للتوآصل قصيدة أرسلتها للشاعر فايز بن نادر السحيل وأرسل لي الرد
اتمنى أن تنال على إعجابكم
قلت
ياراكب اللي لون بديه يشبه للون السحاب=يطوي بعيدات المسافه مايحسب حسابها
جيب يخلي نازحات البعد باذن الله قراب=ليا مشى قدام كل الناس نال اعجابها
مصمم كامل وصوف بكل دقة وانسياب=يجلى عن النفس الحزينه همها اللي صابها
سنّد على اللي يرتكي للحمل ويحل الصعاب=اللي ليا جات اللوازم يرتكي لصعابها
يافايز الوقت اختلف والوضع ساء والراس شاب=وماعادني حمل لصكات الزمن واتعابها
دنيا تسابقني على عمري وانا توي شباب=ومادام سوت بي كذا وش خلت لشيابها
حالي مثل حالات حكام العرب والانقلاب=هو البلا اللي صابني نفس البلا اللي صابها
من بعد حكم وهيبة اصبح وضعهم كله خراب=ومن بعد كرسي الحكم جا وقت لاستجوابها
ماقافي لدرب السعادة غير لوعات وعذاب=والنفس ملت من غثا الدنيا ومن عذابها
الله حسيب اللي خذت قلبي وقامت بالذهاب=هاك العنود اللي تعذب خافقي باسبابها
ام الدلع وام العيون السود زاهية الخضاب=حتى سواد الليل اخذ سواده من خضابها
راحت ولا خلت لي اسباب تبرر هالغياب=وخلتني اندم عقبها واشقا لها واشقا بها
خلتني لحالي بضيقه وانفعال واكتئاب=مابين دورات الليالي والزعل وعتابها
ماخلفت غير الجروح لقلب مكسور ومصاب=والصدة اللي جات منها ماعرفت اسبابها
قصة بدايتها سعادة مير تاليها عذاب=وارسلتها لك وانت مايصعب عليك كتابها
ارسلتها لك والخوي لي محزم ودرع وزهاب=وانته تقدر وقفة الاصحاب دون اصحابها
انته ولد عم وخوي وانته من الناس القراب=وارسلتها لك يومك مع الطيبين اولى بها
ارسلتها لك بالذهاب وبانتظر منك الإياب=شف لك طريقة تنهي الموال والحقنا بها
رد الشاعر فايز
ياراكب اللي لامشا مايلحقه حتى الشهاب=بضاعة(ن) ماخسرت فالسوق منهو جابها
لكزس خليجي فالمعارض يحسب لصنفه حساب=مايركبه غير الرجال اللي طوال اشنابها
من مصنعه مضمون خمس سنين عن كل الخراب=لله در صناعته ماشفت منهو عابها
ليا مشا وسط المدن ولا مشا وسط التراب=يخطف لك عيون البشر قدام خطف البابها
منصاه نسل اللي تحل العقد وترو الحراب=اللابه اللي تنعرف بفعولها وانسابها
اي والله العضيان لامن الدهر كشر بناب=كم لابتن تخشى فعول سيوفها وحرابها
واخص انا نواف راع المرجله دمث الجناب=اللي ليا جات الامور الكايده ماهابها
ارسل لي الجيب العفر تقدير وبوسطه جواب=وسطه بيوت طيبها من طيب من غنا بها
يشكي فراق اللي هواها داخل الشريان ذاب=الجادل اللي بالحلا بين العرب يحكا بها
ماكنها الا بدر خمس وعشر يوم النور غاب=ليا ظهر شفت الفيافي الخاليه بهضابها
بخدودها كن البروق تلوح في سود الضباب=ولا سهوم الموت وسط عيونها واهدابها
يقول خلتني بليل ظلمته مثل الغراب=ولا عرفت اسباب روحتها نهار غيابها
ودامه نصاني بالامر مالي عن الامر انسحاب=يبشر بفزعات القرايب لافزعت لاقرابها
ان كانها بالجاه جبت اللي يفكون الرقاب=وان كانها بالمال كل اموالنا جينا بها
وان كان تبغى الراي من صاحبك والقول الصواب=الحب بلوى في البشر ياويل من يبلا بها
بانصحك يانواف لاتطرد تهاتيه السراب=اترك دروب اهل الهوا واغلق جميع ابوابها
قبلك صحيبك بالهجر قد ذاق مالذ وطاب=جروح قلبه مالقى في هالزمان اطبابها
وترا البيوت الوافيات اللي معانيها عذاب=ماتطفي النار بخفوقك لاشتعل مشهابها
اصبر ترا الصبار في دنياه ماجور ومثاب=دايم كذا الاحباب ماتترك فراق احبابها
ان كان عادت قل هلا يامرحبا ليش الغياب=وان روحت جعله مراويح القطا باسرابها