العمري
06-08-2011, 08:37 AM
السلام عليكم ورحمة الله
الشعر الدرالمتكلم
الشِّعْر ما هو مجَرَّدْ مَدْح والاّ ذَمّ=وإلاّ مجَرّدْ أغاني في حياة الناس
الشِّعْر أسمى وأكْبَر من كذا واعْظَمّ=الشِّعر صوت العَرَبْ والفِكْر والإحساس
إن كان بَحْر الطبيعه له حدود وْيَمّ=فالشِّعر كلّه بحور وْمالها مِقْياس
من قاعها يخْرِج العذب الكلام الجَمّ=كأنّه الدُرّ والياقوت والألماس
أصْدَق من السِّحْر في قيفانه الطَّلْسَمْ=واقْطَع من السيف في حَدّه فَنَا الانفاس
فيه النقيضين والضدِّين والمِعَجَم=والحكمه اللي بها يتميَّزْ الرَّمَاس
واسرار تاريخ بأحْداث الأمَمْ مفْعَم=كَنْز المعارف علوم تْزَيِّنْ الأطراس
ماضي واحاضر على مَرّ الزمن مَنْجَمْ=للشاعر اللي عظيم الفكْر والهوجاس
اللي يصوغ القوافي دُرّ يتْكَلِّمْ=كنّه يصِبّ المشاعر في عروق ايباس
من رِقّة الوَصْف والتصوير لي محْكَمّ=إذا نظَرْها الأصَمْ يسْمَعْ صداها إحساس
وإذا سمَعْها كفيف العين يتْرَنّمْ=كَنّه رأى الشّمْس تَرْفِلْ في جبين أغْلاس
يا كَمْ قبيله بشاعِرْها غَدت مَعْلَم=وكم فارسٍ زاد به شِعْره شموخ وْبَاس
كَنّ الشِّعِرْ به كمال أهْل المناقِبْ تَمّ=إن كان من صادق النيّه وطَيِّب ساس
اللي مَعَ النّاس يتفاعل بجود وْحَزم=أما بشَحْذ الهمم والاَّ فَرَحْ واوناس
لانّه لسان العَرَبْ في حَرْب والاّ سِلْم=فِطْره من الله واهداها لبَعْض الناس
حتى قليل الفَهم بالشِّعِرْ يتْفَهّمْ=كَنّه معَلِمْ بلا سَبّوره وْقرطاس
واهْل العِشِقْ فيه تِتْهَادى وتتْنَسَّم=عَذْب القوافي تعانِق أعذَب الألعاس
كَنّه حَلا الشَّهْد بَعْد المُرّ والعلقم=أو رشفة البِنّ لى تَعْدِلْ مزاج الراس
سلوى المفارِق ونجوى العاشق المُغْرَم=والشَّعْره الفاصله بين الأمَلْ والياس
هذا هو الشَّعْر والشّعَارْ فيه أعْلَم=مِثْل البَحَر .. والبَحَر .. سِرّه مَعَ الغَطّاس
شعر
عبدالله صالح العمري
الشعر الدرالمتكلم
الشِّعْر ما هو مجَرَّدْ مَدْح والاّ ذَمّ=وإلاّ مجَرّدْ أغاني في حياة الناس
الشِّعْر أسمى وأكْبَر من كذا واعْظَمّ=الشِّعر صوت العَرَبْ والفِكْر والإحساس
إن كان بَحْر الطبيعه له حدود وْيَمّ=فالشِّعر كلّه بحور وْمالها مِقْياس
من قاعها يخْرِج العذب الكلام الجَمّ=كأنّه الدُرّ والياقوت والألماس
أصْدَق من السِّحْر في قيفانه الطَّلْسَمْ=واقْطَع من السيف في حَدّه فَنَا الانفاس
فيه النقيضين والضدِّين والمِعَجَم=والحكمه اللي بها يتميَّزْ الرَّمَاس
واسرار تاريخ بأحْداث الأمَمْ مفْعَم=كَنْز المعارف علوم تْزَيِّنْ الأطراس
ماضي واحاضر على مَرّ الزمن مَنْجَمْ=للشاعر اللي عظيم الفكْر والهوجاس
اللي يصوغ القوافي دُرّ يتْكَلِّمْ=كنّه يصِبّ المشاعر في عروق ايباس
من رِقّة الوَصْف والتصوير لي محْكَمّ=إذا نظَرْها الأصَمْ يسْمَعْ صداها إحساس
وإذا سمَعْها كفيف العين يتْرَنّمْ=كَنّه رأى الشّمْس تَرْفِلْ في جبين أغْلاس
يا كَمْ قبيله بشاعِرْها غَدت مَعْلَم=وكم فارسٍ زاد به شِعْره شموخ وْبَاس
كَنّ الشِّعِرْ به كمال أهْل المناقِبْ تَمّ=إن كان من صادق النيّه وطَيِّب ساس
اللي مَعَ النّاس يتفاعل بجود وْحَزم=أما بشَحْذ الهمم والاَّ فَرَحْ واوناس
لانّه لسان العَرَبْ في حَرْب والاّ سِلْم=فِطْره من الله واهداها لبَعْض الناس
حتى قليل الفَهم بالشِّعِرْ يتْفَهّمْ=كَنّه معَلِمْ بلا سَبّوره وْقرطاس
واهْل العِشِقْ فيه تِتْهَادى وتتْنَسَّم=عَذْب القوافي تعانِق أعذَب الألعاس
كَنّه حَلا الشَّهْد بَعْد المُرّ والعلقم=أو رشفة البِنّ لى تَعْدِلْ مزاج الراس
سلوى المفارِق ونجوى العاشق المُغْرَم=والشَّعْره الفاصله بين الأمَلْ والياس
هذا هو الشَّعْر والشّعَارْ فيه أعْلَم=مِثْل البَحَر .. والبَحَر .. سِرّه مَعَ الغَطّاس
شعر
عبدالله صالح العمري