ميزر بن زياد بن طواله
06-15-2011, 11:27 PM
الزمن تسكنه ذكرى بعيدين العلام=وان حكا عنهم سقا الغيث طاريهم بديمه
والوفاء والصدق من شيمة الناس الكرام=طبع صافين الضماير..قويين العزيمه
والفراق يدمّر الحب لامن طال عام=والجفا والصد لازاد عن حده جريمه
وانتي اعذارك كثيره يا زاهية الوشام=وكيف انا منك أقبل العذر.. وضلوعي حطيمه
يعني تو..يجيبك الشوق ملعون الرسام=والله انه ما بقا بالسماء للشوق غٍيمه
عقب سبع اسنين جيتي...على الدنيا السلام=البقابك..كل الاحلام ماتت ياحليمه
ما بقا في خاطري لاعتاب ولاملام=يوم طاف الوقت..ما للعتب واللوم قيمه
أغربت شمس الهوى..واسمعي صدق الكلام=لا تصحين الهواجيس..وجروحٍٍ قديمه
قالت: ادري ما بقالي مكان ولا مقام=عقب ماني وسط قلبك..وبعيونك عظيمه
كنت غلطانه وصدقت عذال الغرام=وأنت تدري بالعواذل شياطينٍ رجيمه
قلت:عذر اقبح من الذنب ياظبي العدام=من رضى بالظلم.. يدخله في بيت الظليمه
كيف ؟ طاوعتيبي اهل الهروج العوج دام=تعرفيني معك وافي// ونياتي سليمه
قالت:وفي خدها سال دمع الانهزام=يا حبيبي كيف ترضا على مثلي هزيمه
والله اني عقبك النور بعيوني ظلام=لاتخليني وترحل// ولك ذكرى مقيمه
كان بك حب التسلط // وروح الانتقام=شوف منظر دمع الاشواق بعيون اليتيمه
قلت: لا تبكين // لا يغرق الدمع اللثام=واحدن ما يهزه الدمع بعيونك بهيمه
لكن!! الدنيا واهلها لهم شرع ونظام=فكري..بظروفك اللي عواقبها وخيمه
قالت: ارجوك اسمع العلم.. لايطول الخصام=يا حبيبي مد للوصل يمناك الكريمه
لا تخليني كذا !! //وانت من ناسٍ احشام=ما يبيحون السدود// وبهم نخوه وشيمه
ودي اسهّر عيونك ليالي ما تنام=وضحكت// والحب يهزم قويين الشكيمه
قلت:يا للي مالك اوصاف طير الشوق حام=لازم يضيع الذي بالهوى مثلك خصيمه
كيف اقاوم حسنك اللي يثير الاهتمام=والعيون رموشها تجرح القلب وتضيمه
ياسقى الله قصة الحب الاول والغرام=قبل يكشف سـره اهل الحسد// واهل النميمه
علم// كنـَه // حلم مر ومفسرة الحلآم=حار فيه المبصر//وحار ابو عينٍ كريمه
قالت:أنت أتحبني ؟ قلت: انا هايم هيام=ووجودي يوم ريح الصبا ذعذع نسيمه
ماتهون العشره الا على عيال الحرام=والجفاء والصد لازاد عن حده جريمه!!
والوفاء والصدق من شيمة الناس الكرام=طبع صافين الضماير..قويين العزيمه
والفراق يدمّر الحب لامن طال عام=والجفا والصد لازاد عن حده جريمه
وانتي اعذارك كثيره يا زاهية الوشام=وكيف انا منك أقبل العذر.. وضلوعي حطيمه
يعني تو..يجيبك الشوق ملعون الرسام=والله انه ما بقا بالسماء للشوق غٍيمه
عقب سبع اسنين جيتي...على الدنيا السلام=البقابك..كل الاحلام ماتت ياحليمه
ما بقا في خاطري لاعتاب ولاملام=يوم طاف الوقت..ما للعتب واللوم قيمه
أغربت شمس الهوى..واسمعي صدق الكلام=لا تصحين الهواجيس..وجروحٍٍ قديمه
قالت: ادري ما بقالي مكان ولا مقام=عقب ماني وسط قلبك..وبعيونك عظيمه
كنت غلطانه وصدقت عذال الغرام=وأنت تدري بالعواذل شياطينٍ رجيمه
قلت:عذر اقبح من الذنب ياظبي العدام=من رضى بالظلم.. يدخله في بيت الظليمه
كيف ؟ طاوعتيبي اهل الهروج العوج دام=تعرفيني معك وافي// ونياتي سليمه
قالت:وفي خدها سال دمع الانهزام=يا حبيبي كيف ترضا على مثلي هزيمه
والله اني عقبك النور بعيوني ظلام=لاتخليني وترحل// ولك ذكرى مقيمه
كان بك حب التسلط // وروح الانتقام=شوف منظر دمع الاشواق بعيون اليتيمه
قلت: لا تبكين // لا يغرق الدمع اللثام=واحدن ما يهزه الدمع بعيونك بهيمه
لكن!! الدنيا واهلها لهم شرع ونظام=فكري..بظروفك اللي عواقبها وخيمه
قالت: ارجوك اسمع العلم.. لايطول الخصام=يا حبيبي مد للوصل يمناك الكريمه
لا تخليني كذا !! //وانت من ناسٍ احشام=ما يبيحون السدود// وبهم نخوه وشيمه
ودي اسهّر عيونك ليالي ما تنام=وضحكت// والحب يهزم قويين الشكيمه
قلت:يا للي مالك اوصاف طير الشوق حام=لازم يضيع الذي بالهوى مثلك خصيمه
كيف اقاوم حسنك اللي يثير الاهتمام=والعيون رموشها تجرح القلب وتضيمه
ياسقى الله قصة الحب الاول والغرام=قبل يكشف سـره اهل الحسد// واهل النميمه
علم// كنـَه // حلم مر ومفسرة الحلآم=حار فيه المبصر//وحار ابو عينٍ كريمه
قالت:أنت أتحبني ؟ قلت: انا هايم هيام=ووجودي يوم ريح الصبا ذعذع نسيمه
ماتهون العشره الا على عيال الحرام=والجفاء والصد لازاد عن حده جريمه!!