أيتام القصيد (دعوه للمشاركه)

[دكتور محمد الصعيدي]

صرخة نملة
أنا بصرخ بنادي وأقول : أنا نملة
أنا مستضعفة ومطلوب لي رعاية
لكن رعاية موش أي رعاية
أنا مطلوب لي رعاية تكون شاملة
دا بي حتى المثل يضربوه ويقولوا
إن كان عدوك نملة ما تنــــــــام له
أنا بالرغم من ضعفي قويــــــــــــة
أنا بلسع لكن لسعتي موش أي لسعة
أنا بلسع لكن اللسعة اللي هـــــــي

[نجم العبدالله]

النصير الله ولاغيره نصير=والعرب كلمه وخذ مدلولها
همهم وش صار وش يبغى يصير=ذاك ينفيها وذاك يقولها
لين عبد اللات والحزب الحقير=من تخاذلنا تعن خيولها
في بلاد الشام وآخرها القصير=لعنةٍ فوق العرب وفعولها

[النجلا]

النصير الله ولاغيره نصير=والعرب كلمه وخذ مدلولها
همهم وش صار وش يبغى يصير=ذاك ينفيها وذاك يقولها
لين عبد اللات والحزب الحقير=من تخاذلنا تعن خيولها
في بلاد الشام وآخرها القصير=لعنةٍ فوق العرب وفعولها


ول الشعر حكاية لاتنتهي مع نجم *..

النصير الله .. ولاغيره نصير
والعرب كلمه .. وخذ مدلولها

همهم وش صار وش يبغى يصير
ذاك ينفيها ... وذاك يقولها ..!!

صح لسانك .. صدقت

[نجم العبدالله]

صح الله بدنك يالنجلا


وش خانة الجمعه يالو تلحق السبت=والشعب ثلث الشعب عاطل وجايع
الله يسوّد وجه الايام وش جبت=يامجلسٍ حلم الشعب فيك ضايع
تزرع رماد احلام وتورّث الكبت=يامجلس الشورى طلايع طلايع
من يرجي المحصول يحرص على النبت=والخلق ماتشري مع الوقت بايع

[همس النسيم]

صح الله بدنك يالنجلا



وش خانة الجمعه يالو تلحق السبت=والشعب ثلث الشعب عاطل وجايع
الله يسوّد وجه الايام وش جبت=يامجلسٍ حلم الشعب فيك ضايع
تزرع رماد احلام وتورّث الكبت=يامجلس الشورى طلايع طلايع
من يرجي المحصول يحرص على النبت=والخلق ماتشري مع الوقت بايع



عز الله جبتها يانجم
لافض فوك
وصح لسانك وسلم بنانك

[الأصيلة]

ياليتني فـــل واســــــــــــري للي حبيته
واســـابق الريح وايجي طاير لحـــــالي

وادخــل مع الباب والوي في وسـط بيته
وافــوح في روحه واتعصبه ســـــالي

وان مــــدني ورده ريح الــــروح وديتًـــه
وان ضمني في الشّيـَل فالضم يحلا لي

جيتك حبيبي وعقد الفــــــل مـــــًديته
بيني وبينك مصر الرأس والشـِــــــــــالي

ياليت بيدك من الأغصـــــــــــــان نقيتـــــه
ونظمت كبشه كعقد اللـــــول يالغــــــــالي

لا تحسبنـه حـــــــــكي او أني ماجيتـِـــه
جيته بريح امخـلي من فــــــــــوق متعالي

فلٍ على فل وأحــــلا فل اهــديته
ساعة حضني على صـدره وغنى لي

يا فــل من يكــــــرهك ياربنــــا ميته
واحـــــــرم عيـــونه البصــــر أيام وليالي

الأصيلة

[ظلال]

ياليتني فـــل واســــــــــــري للي حبيته
واســـابق الريح وايجي طاير لحـــــالي

وادخــل مع الباب والوي في وسـط بيته
وافــوح في روحه واتعصبه ســـــالي

وان مــــدني ورده ريح الــــروح وديتًـــه
وان ضمني في الشّيـَل فالضم يحلا لي

جيتك حبيبي وعقد الفــــــل مـــــًديته
بيني وبينك مصر الرأس والشـِــــــــــالي

ياليت بيدك من الأغصـــــــــــــان نقيتـــــه
ونظمت كبشه كعقد اللـــــول يالغــــــــالي

لا تحسبنـه حـــــــــكي او أني ماجيتـِـــه
جيته بريح امخـلي من فــــــــــوق متعالي

فلٍ على فل وأحــــلا فل اهــديته
ساعة حضني على صـدره وغنى لي

يا فــل من يكــــــرهك ياربنــــا ميته
واحـــــــرم عيـــونه البصــــر أيام وليالي

الأصيلة




صح لسانك مبدعة

[نجم العبدالله]

الصاحب اللي جحيم الشك لاعب به=عساه يرجع ويقرا صفحة كتابه
كم راح له من رفيق وظنَّه السِّبه=يضحك بوجه الخوي وان راح يغتابه

[نجم العبدالله]

عز الله جبتها يانجم
لافض فوك
وصح لسانك وسلم بنانك
صح الله بدنك لاعدمتك

[نجم العبدالله]

الطيب لو كان ماله مذهب ومله=ماهو بخافي وله بايع وله شاري
بعض العرب وين ماوجه رفيقٍ له=والبعض وده ولكن ماله الطاري
رجلٍ يسولف بطيبه جنِّب وخله=ماوالله انه يسولف به وهو ضاري
حتى لو ان العرب تنصاه في حله=من يلبس الطيب يبقى داخله عاري


نجم

[الأصيلة]

صح لسانك مبدعة

صح الله بدنك غلاتي
الابداع منبعك
دعواتي لك

[نجم العبدالله]

سوريا

الساقطه للردي والضلع للنايف=والوقت ياابو سعد لايزعلك مكره
بكره يدور الزمن ويطمن الخايف=والكل يرجع ولو طال الزمن وَكره

[نجم العبدالله]

ياناشد شلون حالي عطني احوالك=عطني علومك وعلمي هاك واستمعه
من ريحة الطيب ربي يطيب اعمالك=نِعرْف صنف الزهر لو ماظهر قُمعه
ادري يطول الزمن ماغبت عن بالك=لوقلت مات الغرام وجفت الدمعه
إسرع ورد الغلا والاعلى فالك=روِّح مراح القطا مالي بك الطمعه

[الأصيلة]

احبك يا وليف الروح وحبك داخل الشريان
مع دمي جرى حبك وعشقك داخل اعماقي

جمالك قد سرا بفكري وعذب نظرة الاعيان
اشوف البدر في عينك واشوف الشمس باشراقي

اطالع في نظر عينك واحس بنظرة الشفقان
واعيش بداخل احضانك وانثر كل اشواقي

ملكني الحب من مبسمك وخلاني كما السكران
ابي رشفة ينابيعك وابيك تكون لي الساقي

تفاصيلك وحسن الوجه ومالك في الشبه انسان
تميزت بحسن اخلاق وذوق في الهوى راقي


الأصيلة

[نجم العبدالله]

احبك يا وليف الروح وحبك داخل الشريان
مع دمي جرى حبك وعشقك داخل اعماقي

جمالك قد سرا بفكري وعذب نظرة الاعيان
اشوف البدر في عينك واشوف الشمس باشراقي

اطالع في نظر عينك واحس بنظرة الشفقان
واعيش بداخل احضانك وانثر كل اشواقي

ملكني الحب من مبسمك وخلاني كما السكران
ابي رشفة ينابيعك وابيك تكون لي الساقي

تفاصيلك وحسن الوجه ومالك في الشبه انسان
تميزت بحسن اخلاق وذوق في الهوى راقي


الأصيلة

صح لسااااااانك يامبدعه
لاهنتِ شاعرتنا

[نجم العبدالله]

صحيح لاقيل البشر طبع واجناس=والعقل وهبه من جزيل الوهايب
ناسٍ يالو هي تحت الاقدام تنداس=لاجل الطمع هي والرذيله حبايب

[نجم العبدالله]

سعيد القحطاني

الا يانجم شفت النجم عود يأكل المذخور=لزوم نطرد الحيه قبل ماتقرب الحيه
علينا شرهة من قبلها شرهة وعد بالفور=بعد ماصاحت الثكلا وصرنا ندمح السيَّه

نجم

عسى من لادمح زلة رفيقه يارفيق النور=تولي به هبوب الوقت ولاتبقي بطاريَّه
سنين ومثلها ياشاعر النخبه ورى هالزور=مواقف تضحك الناجذ وتبكي طاهر النيِّه

سعيد القحطاني

نسينا ذبحت الرجال مانسيوا غذا العصفور=تقول إنا بوقت ماتربا به شقرديه
زعيم القوم لاصاحي ولا مفتي ولا مخمور=وابو هورمز جعلنا بالبلد ناس ن حراميه

نجم

زمن يالعنبو راس ٍ من عروق الحميَّه بور=زعيم القوم بين القوم لاروحه ولاجيه
على رفَّة مقاطين السنين الميِّته مثبور=ماغير الحكي لابانت ولاثارت صواريه

سعيد القحطاني

عسى الله يرحم والشايب ويحرس بيتنا المعمور=ويلعن واحد قبله موالي للنصيريه
رماح القوم تطعنا ولا به واحد منعور=يسوق القوم صوب القوم خياله ورجليه

نجم

نقول امين ولانرضى ولانقبل بغير الطور=يالو هو حدر الوادي وطالت به خطاويه
نمد النور والا النور ماظني بقي به نور=عقب مادنسوا عرض العفيفات العلاويه

[نجم العبدالله]

انا ندِّك إذا ابوي شايم
للشاعر اسامة نجم العبدالله :)

حي البيوت اللي من الروح تقتات=اللي اليا طاحت خذت كل سايم
صحيح عمري سبع لكن ليا جات=لي حزة الهده تجهمت حايم
اشهر ولي يمنى ويسرى جريات=من دون ابوي ودون ربعي كعايم
شاعر ولي فزعه وجزعه ومدَّات=يفخر بها ناسٍ بعيني غنايم
اهل القلوب الصافيات النظيفات=الطاهرات الوافيات العظايم
اللي لهم في هامة الطيب هامات=فوق الجدي ماوكروا بالقصايم
والا انت ياخاين رفيقك سلامات=جيتك وانا ندِّك إذا ابوي شايم
مترفعٍ عنك وانا الدين مامات=ملزوم اسده في بنوك الظلايم
ساعة رماك ابليس وابديت مافات=نوبٍ تحد الصوت واحيان لايم
جيتك وعندي لك عن ابياتك ابيات=مصقورة ٍ ماقرنسوها الهلايم
تَضْرم على كبدك وكم قبلك اصوات=تبي المجره وامرحت بالخرايم
لو ينطبخ راسك حماقات هيهات=ماطاح من راسك نرده ضرايم
تزرع من الفتنه ولك عشر نيَّات=ابيضهن اللي مثل سود العمايم
حاولت أدوِّر لك عذر انت بالذات=ولا لقيت الا الردى فيك زايم
الاوله كنك بروس الطويلات=تصرف ولكن مالصرفك دعايم
غير الهزال الناشفات الرديات=اللي عليهن من رداهن علايم
والثانيه كسب وغنايم وغارات=وفعل ومواقف بالسنين القدايم
وامجادنا وامجاد ربعك قبل تات=فوق الثريا والجدي والنعايم
عدوهم يحسب من حساب الاموات=وقصيرهم من دونه الضيم نايم
والثالثه عذرك حقوق وجمالات=وانا ادري انك والجمايل خصايم
ارخصت قدرك والرجل حي موَّات=لابان حقده راح قدره حطايم
هات الذي في جعبتك طالبك هات=واشره علي اللي مايسد القسايم

[ظلال]

سعيد القحطاني


الا يانجم شفت النجم عود يأكل المذخور=لزوم نطرد الحيه قبل ماتقرب الحيه
علينا شرهة من قبلها شرهة وعد بالفور=بعد ماصاحت الثكلا وصرنا ندمح السيَّه

نجم

عسى من لادمح زلة رفيقه يارفيق النور=تولي به هبوب الوقت ولاتبقي بطاريَّه
سنين ومثلها ياشاعر النخبه ورى هالزور=مواقف تضحك الناجذ وتبكي طاهر النيِّه

سعيد القحطاني

نسينا ذبحت الرجال مانسيوا غذا العصفور=تقول إنا بوقت ماتربا به شقرديه
زعيم القوم لاصاحي ولا مفتي ولا مخمور=وابو هورمز جعلنا بالبلد ناس ن حراميه

نجم

زمن يالعنبو راس ٍ من عروق الحميَّه بور=زعيم القوم بين القوم لاروحه ولاجيه
على رفَّة مقاطين السنين الميِّته مثبور=ماغير الحكي لابانت ولاثارت صواريه

سعيد القحطاني

عسى الله يرحم والشايب ويحرس بيتنا المعمور=ويلعن واحد قبله موالي للنصيريه
رماح القوم تطعنا ولا به واحد منعور=يسوق القوم صوب القوم خياله ورجليه

نجم

نقول امين ولانرضى ولانقبل بغير الطور=يالو هو حدر الوادي وطالت به خطاويه
نمد النور والا النور ماظني بقي به نور=عقب مادنسوا عرض العفيفات العلاويه




محاورة اكثر من رائعة

صح لسانك شاعرنا

وصح لسان سعيد القحطاني

وليتها كانت في قسم المحاورة

لكان الاطلاع عليها اكثر

[ظلال]

انا ندِّك إذا ابوي شايم

للشاعر اسامة نجم العبدالله :)

حي البيوت اللي من الروح تقتات=اللي اليا طاحت خذت كل سايم
صحيح عمري سبع لكن ليا جات=لي حزة الهده تجهمت حايم
اشهر ولي يمنى ويسرى جريات=من دون ابوي ودون ربعي كعايم
شاعر ولي فزعه وجزعه ومدَّات=يفخر بها ناسٍ بعيني غنايم
اهل القلوب الصافيات النظيفات=الطاهرات الوافيات العظايم
اللي لهم في هامة الطيب هامات=فوق الجدي ماوكروا بالقصايم
والا انت ياخاين رفيقك سلامات=جيتك وانا ندِّك إذا ابوي شايم
مترفعٍ عنك وانا الدين مامات=ملزوم اسده في بنوك الظلايم
ساعة رماك ابليس وابديت مافات=نوبٍ تحد الصوت واحيان لايم
جيتك وعندي لك عن ابياتك ابيات=مصقورة ٍ ماقرنسوها الهلايم
تَضْرم على كبدك وكم قبلك اصوات=تبي المجره وامرحت بالخرايم
لو ينطبخ راسك حماقات هيهات=ماطاح من راسك نرده ضرايم
تزرع من الفتنه ولك عشر نيَّات=ابيضهن اللي مثل سود العمايم
حاولت أدوِّر لك عذر انت بالذات=ولا لقيت الا الردى فيك زايم
الاوله كنك بروس الطويلات=تصرف ولكن مالصرفك دعايم
غير الهزال الناشفات الرديات=اللي عليهن من رداهن علايم
والثانيه كسب وغنايم وغارات=وفعل ومواقف بالسنين القدايم
وامجادنا وامجاد ربعك قبل تات=فوق الثريا والجدي والنعايم
عدوهم يحسب من حساب الاموات=وقصيرهم من دونه الضيم نايم
والثالثه عذرك حقوق وجمالات=وانا ادري انك والجمايل خصايم
ارخصت قدرك والرجل حي موَّات=لابان حقده راح قدره حطايم
هات الذي في جعبتك طالبك هات=واشره علي اللي مايسد القسايم




قصيدة رائعة بحق

واذا كان اسامه ولدك فليس بغريب

فهذا الشبل من ذاك الأسد

[نجم العبدالله]

قصيدة رائعة بحق

واذا كان اسامه ولدك فليس بغريب

فهذا الشبل من ذاك الأسد
من الواضح ان طفل سبع سنوات لايكتب هذه الابيات .
وهذا النص لي على لساني اسامه بلا شك
والمقصود من ذلك ان بعض الاسماء لانجاريها بالقصيد لركاكة ابياتها
ومن الافضل ان نجعل الصغار تجاريها ..

[ظلال]

من الواضح ان طفل سبع سنوات لايكتب هذه الابيات .
وهذا النص لي على لساني اسامه بلا شك
والمقصود من ذلك ان بعض الاسماء لانجاريها بالقصيد لركاكة ابياتها
ومن الافضل ان نجعل الصغار تجاريها ..


الله يحفظه لك ويطلع شاعر مثل ابوه

انا توقعت مثل ماقلت انك جعلتها باسم ابنك ترفعا منك

خصوصا انها رد

ولكن سيبقى ابنك شبلا وانت الأسد

[نجم العبدالله]

ويحفظك ربي شاعرتنا الف لاهنتِ يالنشميه
اما عن المحاوره فللمشرفين الحق بنقلها للقسم المناسب لها
واعتذر من وضعها هنا


كل شاعر له على بيدا القصيد اسلوبه=قسم لابداعه حضور وبعضهم ياكافي
ماعرف معني القصيد ولارفع منسوبه=خالطٍ مارد هماجه بالقراح الصافي

[الأصيلة]

صح لسااااااانك يامبدعه
لاهنتِ شاعرتنا

صح الله بدنك أستاذي وشاعرنا نجم مشاعرهم
ولاهنت
ومانحن الا نقطة من ابداعكم

وصح الله السان ابنك والله يطول بعمره
ماشاءالله ربنا يحفظة يارب
إن شاءالله نشوفة يوم شاعر من الشعراء البارزين يا رب
تقديري
ودعواتي لكم

[نجم العبدالله]

ياهلا بشاعرتنا والف يامرحبابك
اصيله يالاصيله ربي يحفظك وشاكر لك دعواتك يالنشميه


يالكفوف اللي على درب الردى معتاشه=اطوي احبالك وشوفي لك مكان وعيشي
ويالنفوس الطايشه باوهامك الجيَّاشه=دوِّري لك طايشٍ مثلك صغير وطيشي
وانت ياللي لابس ٍ ثوب النقا ياباشه=لايغرك كثر حقراني لك وتهميشي
علم ابليس الرجيم اللي لفى مطراشه=لايقرِّب للزمل دام الرجيم حْويشي

[نجم العبدالله]

ماتشيل قلوبنا حقد وضغينه=والعمر رحله محطات ومداين
تبت سنين الرجل تبت سنينه=لو يروح العمر باحقاد وضغاين

[نجم العبدالله]

ياوطن لو كدروا صافي شرابك=مايبيعك من سرى حبك بدمه
ياوطن ماهمنا منهو حكابك=والوطن نشكي جروحه مانذمه
ياوطن خفف علينا من عتابك=كيف مثلي من ربابك ماتهمه
بس قلي كم وكم حيٍ بكابك؟=والقلوب الشاكيه داخلْك كمه ؟
مار والله ياوطن من دون بابك=ان بغيت الحق من صدرٍ يضمه
مالنا وارواحنا فدوة ترابك =بالليال البيض والا المدلهمه

[نجم العبدالله]

الحمد لله الذي أوجد لنا مواسم خير بنفحات ايمان نلتقي بها بمن احببنا
فنعبر لهم بما نكن لهم من ود وتقدير واحترام كمن هم في هذا الملتقى
فمن القلب للجميع
( كل عام وانتم بخير وصحة وعافيه)
اعاده الله علينا وعليكم اجمعين..
http://im31.gulfup.com/FktxF.png (http://www.gulfup.com/?eXcSr9)

مبروك شهر الخير يانبع القصيد=واليا اجتمع خير ومحبه كافيه
اخير عندي من رصيد ابن الوليد=واللي بعد داخل حساب المافيه

[نجم العبدالله]

ابيك تحمد ربك وتسجد شكر=انا دخلنا شهْر تجهل قيمته
والا حرام اني لاعلمك الفكر=وشلون تعزف بالشعر ترنيمته
ياسارقٍ قافيَّة الشاعر مكر=الشعر في كفي ومني غيمته
نو الخيال اللي ليا حوَّل بكر=اقبلت تسقي ناظرك من ديمته
ربك خلق والفرق هدَّات وَّكر=ماياصله غير العديم بْشيمته

[نجم العبدالله]

ويــــش خبلٍ يـغــنــي والـمـعـانــي جــيـــاع=ثايـرٍ مـار اشوفـه وسـط حـصـنٍ منـيـع
كــــــان قـــفـــى تـــقـــول انــــــه مــقــفــى ربــــــاع=وان نـطـحــتــه هـكـالـمـريــاع قـــايـــد قــطــيـــع
مـــاربــــح مــــــــن قــــنــــاه ولايــــســــام ويــــبــــاع=لــو تـشـوف البـهايم فــي طـبـوعـه جـمـيـع
لـــــكـــــن اســتــغـــفـــر الله والـــنـــوايــــا قـــــنـــــاع=شايلٍ وسط جوفه قلب حملٍ وديع
هـــاتــــوا الـــحــــل لـــكــــن يــالـــربـــع لايــــــــذاع=مـانـبــي الــنــاس تــشــري فــــي قــفــاه وتـبـيــع

[صوت القلم]

والله أن قلبي على شوفك شفاوي

مثل ما يشفي على الصحة مريض


سلمان

[ماجد الحربي]

يامصر .. ماندري عن اللي فالنهايه وش يصير.؟
مابين واصل يارئيس .. وبين .. أرحل .. يارئيس



انشهد ان الوضع يالاجواد للغايه .. خطير
أرض الكنانه وضعها في هالزمن صاير خسيس



ماجد

[نجم العبدالله]

يارب تدمح خطاي وتغفرِ ذنوبي=ياالله وانت الذي عالم بزلاتي
لادن يومـي وِلاصارالكفن ثوبي=رحماك لاتجزي أعمالي بْسيَّاتي

[صوت القلم]

قسيت ..يامقوى خفوقك ومقساك = تجرح ولا انتب من جروحك تداوي
قسيت ..ياللي ناوي الهجر ..وش جاك = حتى ولو تنويه ما نيب ناوي

سلمان

[مها يوسف]

ربي يبارك بكم مشكورين اساتذتنا شكرا

[نجم العبدالله]

ثلاث في عيني عزيزات واثمان=الجار / والصاحب / وعرقين لابه
وثلاث في عيني زمن مالهم شان=من خان دينه/ والوطن / والقرابه

[نجم العبدالله]

رمينا السوالف يارفيقي بجوف البير=وعلى صفحة الماضي نبي نقفل ادرجه
نحشِّم ومن يحْشِم رفيقه له التقدير=وهرجٍ بلا معنى فلا لي به الحاجه

[نجم العبدالله]

محمد القسامي

ياقيادات العرب ياشيوخنا يـ السنَّه =ماوعد ربي ترا محدٍ يجيكم دونه
أفتحو باب الجهاد بما أقتضته السنه=وأنصرو صوت المنادي دامكم توحونه


نجم العبدالله

يامحمد والقدر ياصاحبي ماعنَّه=والفتاوي في بطون شيوخنا له مونه
خل عنك والله انه من يريد الجنَّه=مانشد عن خاطر امريكا وهاب حصونه


محمد القسامي

الطماعه فالتوحدوالجهاد وسنّه=والتفرق يانجم للرافضي وشطونه
تذكره والي علينا حربهم منسنَّه =يلعن الله من يهادنهم ومن يغوونه


نجم العبدالله

من جهل حرب العقيده مارجينا منَّه=لانجاه ولاغناه ولارجينا عونه
البلا باللي خذل علمه ودينه لنّه=ميّت الذمه وهمه كم عسى يعطونه

[نجم العبدالله]

ماسألنا عن مروجت السوالف=والحقايق واضحه ماهي خفيه
ياخي لا قالوا تبي تِعْرَف تخالف=يعني النيَّه من اولها رديَّه

[نجم العبدالله]

للطير وكر وله فعايل وتحليق=وللبوم قشعٍ ماتعدى نطاقه
رجلٍ مع الاول بحكم المطاليق=ورجلٍ مع الثاني نعيمك فراقه

[نجم العبدالله]

من عف عن كف المخاليق مهيوب=عند البعيد وعند ربعه والاقراب
لاتطلب الحاجه من العالم بْ نوب=كان انقفل لك باب عند الله ابواب

[نجم العبدالله]

ياشاكي الدنيا والاحزان بالهون=والله ماتسوى من الحزن ذره
يسعى بها ابن ادم وتاليه مدفون=القبر بيته واللحد مستقره

[نجم العبدالله]

الصديق الغالي عمر بن عبدالعزيز المويشير


ياعمر يفداك من يبغى السياده=طيب نفس وطيب ذكر وطيب مجنى
اشهد ان اللي جهل مثلك شهاده=ماعرف لاسم الخوي والطيب معنى

[صوت القلم]

آهٍ ,,أملهمتي ,,,لجُل فراقي


ومصيبةٌ ليست ككسر الساقي
أمضيتُ حيناً في إرتشاف ملذةٍ
مازلت أذكر طعمها بمذاقي
كانت لياليَ فرحةٍ وتآنسٍ
وتآلفٍ وتواصلٍ وعناقي
حتى بدت شمس الفراق وليتها
في هجركم لم تعلن الإشراقي
لكنها قدرٌ وربّ مصيبةٍ
إرهاقها تعقبه بالإشفاقي


" سلمان "

[علي السوادي]

فيني ملل يوصل إلى قمة الضيق=وفيني صبر أكبر من الكون كله
من الظما أشتااق إلى بلَّة الريق=ذاك الظما اللي الماء صعب(ن) يبلَّه
امشي وعلى كتفي أجا يحضن طويق=وأفز مثل اللي حنينه يتلَّه

[علي السوادي]

أحيانا افعال غالين الحشا تقهر=والوقت زوّد بلاي بوجهه العابس
اللي بقلبي يمين الله لو يظهر=ما يبقى فوق الوسيعه أخضر ويابس

[نجم العبدالله]

هلا ياهلابك يامحمد واذا الاشواق=تعابير شاعرها تكفي عن كتابه
لك الود والتقدير والطيب لك ينساق=من الله ولاتنشد خويك وش اسبابه
اذا للقصيد آفاق لاهل القصيد آفاق=وكل ٍ بمنطوقه يلون به ثيابه
صدوقٍ يبل ارياق وغيره يسم ارياق=ولاخير في شاعر قصيده تردى به
حقيقه وخذها يامحمد من الاعماق=ولاني براجي من ورى كلمتي ثابه
خوالد اذا ماضاق صدر الزمن او راق=بعيني وعين الجوف مع لابتي لابه

[نجم العبدالله]

الاستاذ سلطان العرسان ووقفه صادقه من هذا الرجل حين تكفل
بطائرة اخلاء لمن عجز عنها ، فمثله يرفع القصيد ولايرفعه القصيد


كيف قلي ماامدحه بالله قلِّي=وكل بيتٍ مكسبٍ لي في جنابه
ويش اقول ويش اعد ويش اخلِّي=ابيضٍ كفه مثل صفحة كتابه
مار انا لو قلت لك فوق امتعلي=من على متن الثريا والسحابه
والله اني ماوفيته ربع ملِّي=والشعر يفنى وفعله ينحكى به
ماحسب للمال ياجعله يولي=في عيونه مع جناحين الذبابه
مدِّت اليمنى عهد تقصر على اللي=كل همه كم رصيده في حسابه

[صوت القلم]

لا تحسبني إلا قفيت جافيك = بلا أتصنع وانا قلبي اخلافي

[نجم العبدالله]

ليت الاماني يافهد بالاماني=الشافيه / والكافيه / والصغيره
ماكان راحت بين ليت وعساني=مثل المهاة الشارده المستذيره

[علي السوادي]

الحب وردة لا حرمته ماي وصلك وش بقى
إلحق ترى وردك غدى ما بين مِيْت وبين حي

الحق خفوق(ن) يحترق في غيبتك شوق وشقا
لو تنصت لنبضه تلاقي كل دقه تقول .... أي

[نجم العبدالله]

وين انت ياطير الخفوق اللي على عرشه تهـاد=الله حسيبك كن مالك في سمـا قلبـي دْوجـه
ياخي اذا ماكان لك به من زمن شف وْمـراد=وش لك بنكث جْروحه اللي غافيه وسط أدرجه
يومين وجلاب السهر بالعيـن محرمنـي الهجاد=مامر طيف الا وتـلَّ الـروح يمَّـك وفلجـه
شفني لفيت وحالفٍ لاغيب عن عيـن العبـاد=لو كمَّل الثالث مـن ايـام الغيـاب المزعجـه

[علي السوادي]

يا مدمي القلب وش حدِّك على صدي=تقسى على صاحبٍ ما غبت عن باله
من يوم أقفيت وقلبه ما يبي يهدِّي=يلف وسط الضلوع مضيعٍ جاله
أخذت نومي مشيت وتركت لي سهدي=وآنا لك الله بدونك حالتي حاله
لا جن ليلي أحط إيدي على خدي=ألوم وقتي على ظلمه وغرباله
الليل عدى وناره تشب في كبدي=ليلة سقتني العذاب بكل أشكاله
عجل بوصلك ترى يمديك وما يمدي=بعدك سيوف الثواني حيل قتَّاله

[صوت القلم]

أيام عشقي معك ياحلوها أيام = مرت حلاوتها كما أيام الاعياد
مرت على بالي مثل طيف الأحلام = ياليتها يانادر الوصف تنعاد

[نجم العبدالله]

تدري وش اقسى شيء مالك معه طب=من راح عـن عينـك وهـو داخلـك حـي
كـنَّـه يـتـلِّ عــروق قـلـبـك الـيــا هـــب=طيـف ٍ معـه تسـرى ولا فـي يـدك شـي

[علي السوادي]

لا عجزت الخطوة حبيبي عن السير=وصار مالك في ملاقاي سكَّه
وشانت الدنيا وغدى وجهها غير=والشوق كل ما روَّق البال صكَّه
غمِّض وقول يا الله ياهي عسى خير=تلقي المحال يصير شقحة بلكَّه

[نجم العبدالله]

صالح الحارثي


ان كان ياسهيل نجمك في سمانا علا=على البسيطة (نجم) مثلك بنوره ظهر
يحبك جزال القصيد ويشهدون الملا=ان ابن سمرين ينحت قافها من صخر



نجم


يامرحبا يالخوي يامرحبا ياهلا=يامن شربت البحر ولاتركت النهر
لاهنت يالحارثي ياجعلني ماخلا=من قافك اللي يقند مخلبك لاشهر

[نجم العبدالله]

الله من هم ٍ ضلوعي تلمه=لاحوَّلت به عوج الايام قلت ايييييه
لو كان لاحزانك يالايام ذمه=ماكان هم القلب لاراح جبتيه
يقولها بندر ولاجيت اتمه=بيت ٍ يخلده الزمن حكمته فيه
(يامل قلب ٍ كل مامات همه=دارت دواليب الدهر لين تحييه)
لو هشتقوا له ماجنوا ربع جمه=بحر ٍ تلاطم والشواعير حوليه
يالله عسى الفردوس هي من تضمه=والا الشعر يفنى وطاريه طاريه

[منصور الرويلي]

كل ماطاح من نجم أخف لسماي = وانت مايمنع انك من عيوني تطيح




.

.

[نجم العبدالله]

العيد ماهو بس ملبس وهندام=واقوال وافراح وتهاني وبسمه
العيد عيد الشام واحلام الايتام=كلن عطه من قسم الاحساس قسمه

[نجم العبدالله]

عايد ارحامك بعد دارك وجارك=والرفيق وكل نفس ٍ تحترمها
عيدهم عيدك وتلقى به وقارك=خل روحك يمِّهم تسبق قدمها
والنفوس اللي نواياها تعارك=صد عنها لعنبو منهو حشمها

[نجم العبدالله]

http://upload.3ode.net/files/54707.mp3

[تركي فلاح]

عذرت كل احساس فيك وعذرتك
سكت عنك وخاطري ميت ٍ فيك



حتى وانا المجروح جيت وشكرتك
تقدير للعشره على شان ماضيك

[تركي فلاح]

تعال .. لا تبطي ترى كلي ابغيك
محتاج لك فوق الكلام .. وقصيدي


تعبت انادي والمشاعر تناديك
يامن حسبتك في حياتي رصيدي !

[نجم العبدالله]

الشعر ديوان العرب بدو وحضر=ماطاح صفحات الليالي تْسجّله
لو كان يسوى عند راعيه النظر=يرديه بعيون البشر ويْبجّله

[مساعد الحارثي]

اي والله ان الشوق للغالي يزيد
اسال مجرب عذبه شوق غاليه

ساعة اشوفه كنها ساعة العيد
وان غاب جاني الشوق يسحب بلاويه

[ماجد الحربي]

تعال .. لا تبطي ترى كلي ابغيك
محتاج لك فوق الكلام .. وقصيدي


تعبت انادي والمشاعر تناديك
يامن حسبتك في حياتي رصيدي !


ياسلااام .. ياتركي .. أبدعت .. بحق


يعطيك العافيه

[تركي فلاح]

ياسلااام .. ياتركي .. أبدعت .. بحق


يعطيك العافيه


يسعدك ربي والابداع وقوفك على ابياتي


دمت بود وكل عام وأنت بخير ..

[الأصيلة]

خلاص راح الحب وتبدل الحال
وتغيرت كل الرموز الصحيحه

وماعدت ياسيدي تطري على البال
وماعاد لك في القلب طعمه وريحه

خلك في حالك لاتجني بموال
ابعد ودورلك لغيري ذبيحه

وان شفت لك من بعدها إي مرسال
ابكسر الجوال وارمي الشريحه

الأصيلة

[نجم العبدالله]

ياذيب ياللي بين ضلعان وفروع=خفف قنيبك لاتزيد الشقى بي
ماادري قنيبك ضيق او مسِّك الجوع=صوت ٍ سرابي واقتنب كل مابي
على وليف ٍ غاب ماغاب ممنوع=من غيبته والوجد زاد وشرابي
ابعد على الموجوع من حبة الكوع=تحت الثرى عامين ياذيب رابي

[نجم العبدالله]

يالله طلبتك عظيم الشان سبحانك=ثلاث يـاخـالقي ماغيرهن حـاجه
كـريـم عفـوك ومغفرتـك ورضوانك=هن مطلبي عن ظلام القبر وسياجه

[سويّد التميمي]

الشعر وطري والعرب تنشهر فيه = ماحسبو لغياب شمسه من الشرق
أحدن بليا ذنب ماحدن يجاريه = عضّ الكفوف وناح مع نايح الورق
لو حسّ بحساسه تبيّن قوافيه = ماخاف من ناس تباكا على الدرق
والسيل يعرف ميزته من مغانيه = لاصفق الجيلان محدن يبا الغرق

[عاشقة الفردوس]

سلمت الانامل
http://www14.0zz0.com/2013/09/05/03/188052824.gif

[نجم العبدالله]

ثلاث عند العرب والدين محموده
الكلمه الطيبه والصدق والذمه

وثلاث عند العرب والدين مردوده
النيّه الساقطه والكذب والنّمه

نجم

[نجم العبدالله]

الطيب مايخفى على باغي الطيب

اسهل على راعيه من شربة الماء

والا الردي عنده صغار المواجيب
اثقل على صدره من آجا وسلمى

نجم

[نجم العبدالله]

ياعمر لامن بغيت اقفي عن التغريده=مادريت الا وانا فوق البيوت اغرد
كل ماجيت اطوي حبال الشعر في جيده=ردني يم القصيد الهاجس المتمرد

[نجم العبدالله]

ايوالله ان الصبر لازاد عن حده=ماعاد تفرق حكيم الراي والجاهل
للصمت مدَّه مثل ماللصبر مده=والضيق كانه طغى يبرك به الكاهل

[نجم العبدالله]

الطيب في بعض الاوادم جبلِّه=من وين ماوجه له الطيب تابع
والا الردي لويطلبه ماحصل لهِّ=لويلبسه عرق الردى فيه شابع

[نجم العبدالله]

الرجل وشهي حياته لو وصل للقمه=كان ماله سيرةٍ بين البشر محموده
من يبي حب الاواد والاوادم همه=لايقلل من مقام وْجودهم بُوْجوده

[نجم العبدالله]

لوقلت لي هالشعر وش يعني لك=قلت المشاعر مع صفاة النيه
لاتشبر اميال العرب مع ميلك=ولاتقارن بين ذيك وذيّه
ليمن لفى سيلٍ يغطي سيلك=احذر تموت احلامك الورديه
اطلُب من الله ماينقِّص كيلك=والحق بذيدان الرجال الحيَّه

[نجم العبدالله]

الشعر ديوان العرب بدو وحضر=ماطاح صفحات الليالي تْسجّله
لو كان يسوى عند راعيه النظر=يرديه بعيون البشر ويْبجّله

[علي السوادي]

لا جيت يمي جيت يمك ولزَّمت
ولا صار ودك في التجافي جفيتك

ماني على خبرك من اليوم عزَّمت
نفس العطا اللي جاء منك عطيتك

حتى اذا باكر شكيت وتظلَّمت
أقول من كاسك تراني سقيتك

[نجم العبدالله]

الروح والقلب واليمنى تفاديها=ثلاث راحن لها والوقت نقَّصها
لاطال ليل الرجا وشلون أعديها=وانا وبرد الجفا هالروح قارصها

[نجم العبدالله]

يامحمـد والقدر ياصاحبي ماعنَّه=والفتاوى في بطون شيوخنا له مونه
خل عنك والله انه من يريد الجنَّه=مانشد عن خاطر اوباما وهاب حصونه
من جهل حرب العقيده مارجينا منَّه=لانجاه / ولاغناه / ولارجينا عونه
البلا باللي خذل علمه ودينه لنّه=ميّت الذمه وهمه كم عسى يعطونه

[نجم العبدالله]

للصمت حكمه لكن بْ بعض الاحيان=لاطــــــال يـــذبـــح صــاحــبـــه مـــــــن قــســاتـــه
اطـلــق عـنــان الـفـكـر والـبــوح لــــه شــــان=نديم روح ولاجـهلـنــــــا ســــــــمــــــــاتـــــــــه
مــاخــان يــومــن الــخــوي بـالـخــوي خـــــان=تـلقاه فـي مـر الـــسـنــــيــــن وفـــــــراتـــــــه
الله يجـــازي هـالـمــســا بــــــك بــالاحــســان=يامـن صـفـات اهــل الـوفـا مـــن صـفـاتـه
كريم كف ولـك علـى شوف الاعيـان=صـدق الـشـعــور اللي ضـمـيــرك مـبـاتــه
ابـحرت في ســـبـــعـــه نـــقـــيـــات وسـمـان=سبعـــة بيوت وحوَّلـن وســــــــط ذاتــــــــه
شــاعــر وبــيــت الـشــعــر عــنـــده فــلاهـــان=يـوم الــــردي كـســبــه مـــــن اغــلـــى بـنــاتــه

[نجم العبدالله]

يوم الوغى يامْنكِّس الراس للكوس=دون الوطـن والدين مـنا عــــدايــــم
مـابـاعــوا الـجـنــه عــلــى حــزمــة فــلــوس=طـــلابـــة الـــفـــردوس ســـقــــم الـخــصــايــم
مــتــوارثــيـــن الــــعـــــز وادروســــنـــــا دروس=يـــــوم الـجـحـيــم بـــــدار الافــغـــان غـــايـــم
تـشـهــد تــــورا بـــــورا ولايـجــهــل الـــــروس=كــــم راح مـنـهــم فـــــي بــطـــون الـخــرايــم

[نجم العبدالله]

بين المناصب والكراسي والارقام=والشيخ والقاضي وراس النعامه
راحت تعاليم الشريعه والاسلام=نبي السلامه بس مامن سلامه
الاوله راحت فلسطين الاحلام=والثانيه ارض العراق ونظامه
والثالثه بالشام ياحسرة الشام=تنخى عربنا بعد موت الكرامه
ماتت بنا النخوه بعد موت صدام=والعز والهيبه بعد موت اسامه
وقت ٍ لك الله شاب منّه ابو عام=بس الندامه وش تفيد الندامه

[نجم العبدالله]

ماغيرالامل بالله وحده عظيم الشان=كريم العطا ماخاب منهو رجا عفوه
واذا هي على الخذلان يامكثرالخذلان=بعد خيبة امال اكثرالناس بالصفوه

[نجم العبدالله]

الوطن غالي ومن ساوم عليه=ينثني كيده معه وسط ا/نْحره
والله انَّا لو نبي منه !! نبيه=دونه يموت العدو مايشبره

[نجم العبدالله]

الساقطه للردي والضلع للنايف=والوقت ياشامنا لايزعلك مكره
باكر يدور الزمن ويطمن الخايف=والكل يعرف ولو طال الزمن وكره
ساد الردي بيننا والبث له live=نرضى بحال الزمن اونزعل ونكره

[نجم العبدالله]

الغالي نومان سحل

يوم استوت عندي جميع الاصابع=واستفهمت بالعين كل المواضيع
حاولت اعرف الخير من وين نابع=خايف يشع الخير ويقل ويضيع

نجم العبدالله

يكفيك عن ثاني وثالث ورابع=بيتٍ نصافح به كريم المطاليع
الخير يقصر عن ردي الروابع=والطيب طبع ولايجي له بتطبيع

[نجم العبدالله]

للطيب عرق وعرق الاشبال تابع=وقت الرخى مثل النوايب بواتيع
والا الردي عرق الردى فيه شابع=عند اللوازم مالقي به منافيع

[نجم العبدالله]

ياوطنا عاد عيدك والاماني=يوم كلن قام يقدح في زناده
مايجي طاهر ثراك ولو ثواني=مايزعزع امنك ويجني حصاده
مانقلنا هم عيد ولاتهاني=أو لمسنا من ورى يومك سعاده
ماحسبنا غير شيٍ بالمحاني=يحترك جمره على كومة رماده

[نجم العبدالله]

الشعر وقت العصور الاوليه=كم رفع من راس وصغَّر من كبير
يومها بالرمح وسيوفٍ سطيَّه=ويوم امير القوم في حسبة امير
الشعر لو هو سريًّه مع سريّه=ماحمى عرض القصير مْن الحقير
الحميه روح وافعال ومطيه=زادها مازاد عن بطن الجفير
حافظٍ قدره ولي كفٍ جريَّه=يوم غيري قبل يكتب يستخير
لين ورّدت العرب والنار حيّه=يم ميراده ظمايا بير بير

[نجم العبدالله]

هذي العروبه خسر منهو غدى نده=عقبان حوم ونوادر عز وقياده
ايوالله ان الفخر لاجيت اباعده=باللي ينومس بيوت الشعر ميراده
اقف وراسي سما واثنيه وامده=على الفخر والسطر والعز ياساده

[نجم العبدالله]

يستاهلون الثناء والشعر من قده=كانه بذكر العروبه يقدح زناده
لابارك الله بكفٍ تثني الهده=في مدح من يستحق المدح وزياده


نادي العروبه بالجوف

[نجم العبدالله]

أحدٍ بميزان العرب كنه طويق=شيكٍ على مر الدهر مارهنته
واحدٍ بميزان العرب كنه الزيق=هذاك لو طال الزمن ماضمنته

[نجم العبدالله]

خلك شمالي وصدرك يارفيقي رحب=تهبى الليالي وضيقات المحاني تْهبي
لو كان ماجت لك الدنيا على ماتحب=لابد من يوم تلفي لك على ماتبي

[الشاعر ماجد بن رتيق]

صح لسانك يالجزل

---------


العزاير من حبيبي طعمها شهد العســـــــــل
والتعب في خطوتي له يشرح ابواب الخفوق

والأمل في شـــــــــوفتي له قـمّة آمال الأمل
لا لمحته زال همّــي من عنا وقــــتي أروق

صاحبي يا حبني له فتنة أشـعار الغـــــــزل
نونها عيني حبيبي من شــروقي للشــــروق

ينثر اشواقي قصايد والوله فـــــــــــيني دبل
والمشاعر في غرامه كلها قلـبي يســـــــوق

سيّد افكاري و شوقي مع ســهادي و الوجل
كل أحاسيسي تهيمه بينهم لهفة وشـــــــوق

ماجد

[نجم العبدالله]

الصديق د.حافظ الفالح
استشاري طب وجراحة العيون والليزك

تستاهل الطايله والمدح في مثلك=ان طال والا قصر مايوفي امثالك
ورثة يمينك ومن حقك يورث لك=الصيت والنايفه والثالث افعالك

[نجم العبدالله]

صح بدنك وصح لسانك والف لاهنت ياماجد لاخلا ولاعدم

[نجم العبدالله]

معلا الأسعدي

شرايد الأفكار مثل الذبايح=كلٍ على شبره يقلط ذبيحه
الوسم واضح بين كل القرايح=تقدر تميزها قريحه قريحه

نجم


هذا الكلام اللي عليه اللوايح=عند العوارف والعباره صريحه
احدٍ له بْ وسمه منايح منايح=واحدٍ له المترديه والنطيحه

[نجم العبدالله]

http://im33.gulfup.com/z7Cy8.jpg (http://www.gulfup.com/?oXrmma)

[نجم العبدالله]

القلوب الطاهره تبقى كبيره=لو يضيع الطيب في بعض الضماير
ياعيون البارحه نامي قريره=عظم الله اجرك بذيك الخساير

[نجم العبدالله]

شكرا لمن اهداني هذا التصميم
ويستاهل ( برازيل الشمال ) نادي العروبه بالجوف اكثر من ذلك
http://im34.gulfup.com/zfHf0.jpg (http://www.gulfup.com/?mSvTWc)

[نجم العبدالله]

كل الشكر للمصممه المبدعه غصن التوت
على هذا الاهداء ..

http://im34.gulfup.com/qLcjD.jpg (http://www.gulfup.com/?xyQJBd)

[نجم العبدالله]

باركوا للمجلس وهنَّوا قطاعه=واثنوا التبريك بعده لابن قاطع
راجحٍ كفه وراجح به متاعه=من يمينه فارقٍ نجمه وساطع


مبروك للزميل خلف قاطع الرويلي
ترشيحه نائبًا للمجلس البلدي
قطاع صوير / الجوف
يستاهل .

[نجم العبدالله]

عبدالله شاكر الرويلي

السلام وبعدها سمعٍ وطاعه=يالبياض اللي ورى الابيات ناطع
مدحك الطيّب من ظروب الشجاعه=ويكرم الطيّب عن اصحاب الطعاطع

نجم

مرحبابك مرحبا مني بضاعه=ياحفيد العز وزحولٍ قواطع
يستحق النايفه من كان باعه=بينه وبين الجدي نقطة تقاطع

[نجم العبدالله]

سعيد ناصر الغامدي

بات الحجيجُ على منى=وأنا على حزني أبِيْت
فرحاً بَكَوا طوبى لهم=وأنا على حالي بكيت

نجم

لله نشكو ضعفنا=للباعث الحي المُمِيت
باتوا فَنِعْم مبيتهم=ومبيتنا بئس المَبِيت

[نجم العبدالله]

نادي القلعه بالجوف

نحب البنفسج مابحب البنفسج شك=واذا هي على الجمهور من راس جمهوره
حقيقه ومن يطحن بهرج القفا وِيلِك=نرد الحكي لو طال في وسط حنجوره

[محمد السنيدي]

الخوافي بين طيات القوافي =ما قراها غير شاعر و المشاعر ماتشافي
والحروف الكل يقراها ..ولكن= بين طيات القوافي .. شي خافي

[محمد السنيدي]

جتني شكايه من عزيزٍ براه الهم و أضنته المسافة=وأنا قلبي لشكوى مستصيب الحب دايم شفوق
نشج صوت العزيز ولا يلام بحب جزلات اللطافة =سألته و العباير سارحت !! و المطر قبله بروق

[نجم العبدالله]

بعض الارواح عندي تستحق الكثير=ماوفاها شعور ولاقصايد وبوح
لن قدر الكبير بشوف عيني كبير=شيّد بْطيب نفسه بالمحاني صروح

[نجم العبدالله]

يعجبني الصاحب اللي لابدا اللازم=في حق ربعه وصدقانه وخطاره
ياقف بنفس العديم الوافي الحازم=كريم كف ويمينه تحكي اخباره

لكل من مر من هنا من القلب
كل عام وانتم بخير
:rose2:

[نجم العبدالله]

ويش عيدي لافقد قلبي حنانـك=وانت عمري والزمن عنك يحديني
آه من حظك ومن مدت زمانك=ماسأل لو كنت ابيك ولو تبيني
وآه لو تدري بقلبي عظم شانك=ماتحمل هالمشاعر في كنيني
مت من شوقي ومن روعة بيانك=وكل يوم يزود حبك لين ليني
ارسم أطيافك وغنيها عشانك=كانها ديني ترى وفِّيت ديني
رح بمان الله في قلبي مكانك=ولاتعاتب غيبتي او تحتريني
كنت لك اغلى من اغلى من خوانك=وكنت لي اغلى من الدنيا بعيني
بس كلمه بس ابيها من لسانك=لاجفاك الوقت لاتبطي تجيني

[نجم العبدالله]

يقولون صدرك يالشمالي وسيع بطان=يضيق الفضاء ماضاق صدرك بْ ماكنه
وانا اقول بعض احيان حكمه وبعض احيان=كريم الجناب ان ضاق ضاق الفضاء منه

[نجم العبدالله]

من يشوف الناس من فوق الغمام=حقه انه من على الغيمه يشاف
وجبِّ العالم توجّبْك الانام=قالها من طاف بالدنيا وشاف

[عاشقة الفردوس]

القدير علي سعود
فكرة جميلة سلمت يمينك

[نجم العبدالله]

الرفيق الحي في قربه تجاره=فارقٍ في رفقته عمّن سواها
والردي رفْقَتْه رفقه مستعاره=مبتداها مافرق عن منتهاها

[نجم العبدالله]

نحرص على رفقة الطيب وندراها=لابارك الله بنفسٍ تجحد الخوه
والا الردي خوّته هالنفس تبراها=ان ضاق والا زعل جعله على القوه

[محمد السنيدي]

الحمد لله عالمٍ كل الأسرار=عالم بما ينفع عباده و دينه
استبشروا بالخير والله يختار=للعبد في تقدير زينه وشينه
وترى نبي الحق جانا بالاخبار=عن كل ما يحدث وهذي سنينه
هو قال لا سرتو ورى ذيول الابقار= وترك الجهاد وكل بايع بعينه
يصيبكم ذل و مهانة ولا يجار= منها سوى من راجع اليوم دينه

[حنين علي]

الشاعر علي سعود شكراً لكم ولمجهودكم تحيتي لكم

[نجم العبدالله]

الزعيم اللي على القمه سما=بارقه في ناظر الليله برق
ماخذٍ موج البحر كان احتمى=كم كحل ناظر وناظر به غرق

[نجم العبدالله]

الردي لو هو على راس السنام=مافرق ثقل المواقف والخفاف
ماحمل راسه من الحكمه ا/جْرام=ولاسلك درب النقيين النّظاف
من يشوف الناس من فوق الغمام=حقـه انـه مـن علـى الغيـمـه يـشـاف
وجبِّ العالم توجّـبْك الانام=قالها من طـاف بالدنيا وشاف

[نجم العبدالله]

ياعشاشيق الفتن ياكيف هن يتلاقن=وقتنا مع وقت من ركبن شداد الناقه
هاتوا اطباع الصحابه بعدها لوساقن=ماوقفنا دونهن يالزمره النّعاقه

[حروف الحب]

القمر في جوف ليلي لا ضوى
و انور دروبي عقب ما ظلّمت

يرهب النجمات لا جاء و احتوى
العيون اللي لجل شوفه ظمت

النجوم اللي بلمعتها سوا
كن عيني عنها لا جاء عمت

في وجوده كل مظلم انزوى
و انجلت ظلما عقب زوله نمت

[نجم العبدالله]

لاتوقف لزلات الخوي والقصـير=خل عنْك النوايا للبشـر مانـووا
عامل الناس في عين العمى والبصير=حكمة اللي على روس النوايف علو
غاب عنها كثير وطاح منها كثيـر=عين من كان كفه لابعد الناس نو
زارع الطيب لو ماله من الوقت غير=طيب ذكره يكفي ماورى الطيب لو

[نجم العبدالله]

لاتحسّب للخساير في حياتك=اعتبر ماراح من عمرك ضرايب
والله ان اكبر خساره في مماتك=كان مالك مع هل اليمنى ركايب

[نجم العبدالله]

ياسعود لو للشعر رعَّـاد وبروق
والفكر مزن وروض الانفس ترابه
قلت الله العالم سحايب ولد روق
اروت ظمى الخاطر وبان الحيابه
لنَّا كسبنا الشعر ماكسْبِنا بوق
نارد مـواريـده ونحـشم جنابه
حتى شربنا العد طاروق طاروق
واستمطر المعنى سحابه سحابه
واليوم ماللشعر في ناظري ذوق
جفـت مواريده على من حدى به
كنـه من اعماقي لك الله مريوق
من يوم راح اللي كسرني غيابه
النادر اللي في خصايلْه مفروق
رجلٍ على عين العرب يقتدى به
ان عدوا اهل الطيب ماهو بمسبوق
سمح الجناب وجود كف وذرابه
وان عدوا اهل الدين له بينهم سوق
يشهد له البردين داخل كتابه
اروق ساعه وارجع آضيق وآروق
لو الليالي بعد موته تشابه
عليه قلبي بين الاضلاع مفتوق
فرقا تجذ اقصاه من حر مابه
والله لـولا حكم الاقـدار لاسوق
رجلي على قبر ٍعضيدي غدى به
وابكيه لين الدمع من محجر الموق
يجف له قدر وحنـين ومهابه
خذاه ربي ياعسى منـزله فـوق
في جـنة الفــردوس يلقى ثوابه
نجم السمرين

[عيسى العنـزي]

اذا عسعس الليل وتوارت خيوط النـور
مـضـى مـنــه ثلـثـيـن وبـديـنـا بتـالـيـه
وخيم جناب الصمت في دربي المهجور
ولا عـاد بـه نـاس(ن) يـمـرون طرقـيـه
ذكرت الـذي لمـن ذكرتـه عبـرت بحـور
حرقـت السفـن خلفـي وعنـيـت رجلـيـه
وانا خابرن ملفـاي وصويحبـي مغـرور
ولـكــن لـيــا جـيـتـه غـمـرنـي بحـنـيـه
بنظرات بس اللمس مستبعـد ومحظـور
تـقـل بيـنـي وبيـنـه نـفــود السـعـوديـه


عيسى العنزي

[نجم العبدالله]

كل الشكر للاستاذ الشاعر عبدالله الفهد العتيبي
الذي قدم لي دعوة الحضور والمشاركه في قناة بداية .
تفضل بالدعوة مشكورا وحق علي شكره
مع الاعتذار عن الحضور لبعض الظروف .




تفضلت بالدعوه ولي دعوتك تشريف=لها المنزل الوافي على هامة الوافي
معزه ولاغير المعزه لها تعريف=حقيقة ومن يعلم بماكنَّه الخافي
عزيز ومكانة جمعكم ماتبي تصنيف=تنومس جناب اللي يجي يمكم لافي
هل الطيب والناموس ومقندات الكيف=وعلم الرجال اللي حكوا عنه اسلافي
يالولا ظروف الوقت ماني عليكم ضيف=مكاني عساك العز يالمعدن الصافي


رد الشاعر المبدع عبدالله الفهد العتيبي .


قريت النوادر و المعاني لها توظيف=وللشعر شعّاره و للعرف عرافي
ولاشك سوق الشعر يحتاج له تنظيف=علشان فيه اشكال و انواع و اصنافي
ولا يا نجم يالشاعر المبدع الحريف=يابو هاجسٍ يارد على المنهل الصافي
نبي شوفت الطيب ولا ودنا التكليف=ومثلك يشرفنا على كل ميقافي
واذا فاتت الاولى ولا جت بحسب الكيف=نبا الثانيه و الطيب يذكر و ينشافي

[عبدالله الصقري]

قبلمـا يخطر فــ بـالـك أيّ شيّ
فكّري.وشهوله حروفي تمـوت

[احمد شتيوي]

وطاح القصيد ومالقى من يلاقيه


من يكمل هشطر

[احمد شتيوي]

وطاح القصيد ومالقى من يلاقيه . .

من يكمل هشطر

[عبدالله الصقري]

.
.

لا تلوم قلبي و لا تفكّر تعاتب

خلّ الــذي أبعـدْك عنّي يـردّك

.
.

[بحر القصيد]

وطاح القصيد ومالقى من يلاقيه . .

من يكمل هشطر


ابشر ماطلبت شي..


طاح القصيد ومالقى من يلاقيه
كنه غريب ورحلة ابياته وطن



ومثل الذي يبكي على قبر مغليه
ويطيح دمعه والمطر فوقه حزن







ب
ح
ر

[نجم العبدالله]

حرامٍ علي لو لبسوا لي الكراسي عاج
ومدوا رصيدي مال قارون وكنوزه
فلا ينثني راسي ورى الحاكم الهلباج
وله طعنةٍ في ظهر الاسلام مركوزه
لنا بالزمن مذهب مثل مالنا منهاج
وطيب المبادي داخل الصدر مكنوزه
عزيزٍ ويبهج خاطري ضحكة المحتاج
لو ان الزمن في ناظري ماضحك بوزه

نجم

[عبدالله الصقري]

ياللي ملكت القلب ردَّه لراعيــه
وشعــاد باقي لي بليّــا وجــوده

قلب ٍ ملكته لا تتلَّــه و تشقيــه
و فكر ٍ مـريـح ٍ لا تهيِّض ركـــوده

لولاي اسلِّي خاطري كان يمديه
مْن اَلصبـر ما حبّ حتَّى قيــوده

[نجم العبدالله]

العراق اللي مطاولها العباث
لي متى والمالكي فيها يعيث
تستغيث وقبلها ياما استغاث
بامة المليار مسلم كم ليث
مانصرهم غير بالواقع ثلاث
يارحيم ويامعين ويامغيث
من بغى الجنه فلا يبغى حثاث
والسياسه خيطها خيط النكيث
فصلوها روس صهيون الخباث
والبسوها حامل الفكر الخبيث
مابلانا غير قل الاكتراث
يستغيث الحق او مايستغيث
لين مافكر المعادي جاء وعاث
بيننا والوضع من قبحه رثيث

نجم

[ماجد الحربي]

العراق اللي مطاولها العباث
لي متى والمالكي فيها يعيث
تستغيث وقبلها ياما استغاث
بامة المليار مسلم كم ليث
مانصرهم غير بالواقع ثلاث
يارحيم ويامعين ويامغيث
من بغى الجنه فلا يبغى حثاث
والسياسه خيطها خيط النكيث
فصلوها روس صهيون الخباث
والبسوها حامل الفكر الخبيث
مابلانا غير قل الاكتراث
يستغيث الحق او مايستغيث
لين مافكر المعادي جاء وعاث
بيننا والوضع من قبحه رثيث

نجم

صح فكرك وبوحك الجميل .. نجم


الوضع مزري فالعراق وفلسطين
وفالشام وجبال اليمن .. والكنانه

[بحر القصيد]

ياشينها لاصرت حاكم ملايين=وتجمعوا قدام قصرك ودارك
بقلوبهم لو كنت غالي لك سنين=اليوم شفهم ولعوا في اطارك
ماعاد لك في قاع تونس ولا شين=احجز على اول طائره بأنتضارك
يزين حظك لا زبنت السلاطين=يضحك معك في رحلتك من مطارك
يازين حظك ماهقيته طلع شين=الشين والله حظ حسني مبارك



بحر القصيد~

[بحر القصيد]

أحبك قبل لا انطقها تعال لناظري وتشوف=بأن الروح ماتطلع سوى لله خالقها
وانا روحي معك صارت تبي تطلع عن المألوف=ابكتب لك قصيدة حب قديمي كلها احرقها




بحر القصيد~

[محمد السنيدي]

وطاح القصيد ومالقى من يلاقيه


من يكمل هشطر


و طاح القصيد و ما لقى من يلاقيه
******* و كثرت سكاكين الجفا من عشيره
وآخر لقى ..لو كان لحظة يعزيه
******* في يوم موت الحب ..نظرة اخيرة
الموت مرة وانتهى عمر .. راعية
******* و الحب موته كل لحظة.. تثيره

[بحر القصيد]

الشعر نزف وجرح من واقع الحال
وكلٍ(ن) على جسمه يفصل لباسه





بحر القصيد~

[نسيم الليل]

رائعون شعرائنا يعطيكم العافية

[بحر القصيد]

الله يعافيكِ اختي نسيم نورتي صفحة الشعر



هو بيت والا كافل ايتام القصيد
مدري حقيقة شاعراً جا يرتجل



ومن اول دواوين الشعر والا الجديد
بيتٍ كتبته في عيونك مااكتمل



بحر القصيد~

[عبدالرحمن العتيبي]

الشعر هو مجموعة احساس وشعور /// تحكي عن اللي بين عوج الحنايا
من حب صادق بين شخصين محصور/// ولا جروحٍ فيه سوت سوايا

ب ق ل م ي

[بحر القصيد]

الشعر ضرب جنون بأحساس الابيات
من ذاق برده مادرى عن مقيضه




والحب ضرب جنون بأرواح الاموات
وحبٍ يموت وحب موته غميضه




بحر القصيد~

[نجم العبدالله]

صح فكرك وبوحك الجميل .. نجم


الوضع مزري فالعراق وفلسطين
وفالشام وجبال اليمن .. والكنانه

صح الله بدنك ياماجد لاهنت

[نجم العبدالله]

( لاوالله الا شفت انا الكره والغيظ
في وجه من كنت اتصور نقيضه )
بيتٍ يكفي عن كثير المعاريض
يلقى به الناظر جواهر قريضه
لمحمد اليونس رفيع المناهيض
الشاعر اللي ماخفانا مفيضه
من لابةٍ وقت اللوازم دواحيض
يلقى بهم راس الردي مايغيظه
بيضاء مواردهم ونياتهم بيض
والا القلوب اللي مريضه مريضه
ناسٍ يالوهم بالمساجد مواريض
وصلوا فرايضهم فريضه فريضه
مرضى وزمرتهم من الخلق مِرِّيض
اهل النفوس الضيقات البغيظه
ان جوا قواريضٍ ولقْفوا قراريض
اطيبهم اللي مقتفيك بْ لفيظه
طبع الردي يوم الردي والرويبيض
خطوا لسيرتهم عريضه عريضه
يقولها من له بالايام تقريض
ذقت الشهد منها وذقت الغميظه
(الطيِّب الطيِّب) فلا له معاويض
في خوِّته روح البنادم حظيظه
والا الردى لو طال نابه مبيغيض
بين البشر من فوق وجه العريضه


نجم

[بحر القصيد]

احسب معي بأيديك كان العدد زاد= ورقم الصفر ماهو بالاعداد محسوب
خمس وعشر من بعد خمسة عشر عاد=خلك عضو جذاب طيب وحبوب
كانك معي بأحساس شاعر وقصّاد= ماهي على نظم صخري طرق مسحوب
طيب تعال أبغاك ياورث الاجداد = بيت الشعر وشلون يفرق عن الطوب
واسط عمود البيت ماهو لأرم عاد=ومن ضيّع سلوم العرب مالبس ثوب
وضوء الحضاره لو خذآ كل الأبعاد= حزمة شعاع الضوء ماتجتمع نوب
يكفيك شر الخلق عاذل وحسّاد=يكفي ياابن كسار شاعر لك اسلوب
اخاف اقول الماي والا كما الزاد=وأسلم لجن الشعر واكفر ولا آتوب
رديّت روح الشعر وأحييت الاجساد=أستغفر الله ياقصيدي عن ذنوب



بحر القصيد~

[لحظة وداع]

ياعين لاتبكين كفي دموعك
شخص نساني كيف سيتأهل الدمع

[نجم العبدالله]

الشاعر اللي ينومس في مطاليعه
شبره من الوافيه مايقرب الهزله
يروي عطاشا القصايد من ينابيعه
ليمن سقى ماسقى الا من الجزله
من هاجسٍ لاحضر يطربْك تنويعه
الدر / واللول / والياقوت مختزله
‏وانا وبيت الشعر لاجيت اباذيعه
كانه تمركز رضا / والا آتمركز له
مْعاهده والعهد في سلم تشريعه
على الوفا عاقده لو ماتعنز له
اما يمد الجزل والبيعه البيعه
والا يرد الهزل والعزله العزله


نجم

[نجم العبدالله]

الطيّب الطيب علومه ترزه
مثل الحيا بعدالمزون المراديف
ناسٍ تسولف به وناسٍ تعزه
يجيبه الطاري ولو مابعد شيف
كفه عن فعول الرديه منزَّه
مواقفه من فوق روس المشاريف
والا الردي ادنات ماجاه كزه
على الردى كفه وراسه معاكيف

نجم

[نجم العبدالله]

سلامي على طير المحاني قدر واجلال
تركته قبل يومين واختلفت احواله

فلاني بعايل لا ولاني قصير احبال
ولاني من اللي لاعطى يقصر احباله

كميت العلوم وقلت يآتي لها حلَّال
ولابرت في وصله ولابار بوصاله

أجاذب سنا حبه واغني على الاطلال
وياكم شلت موالي على دمع مواله

عزاي بْغيابه لو غيابه يسم الحال
اذا غاب عن عيني تحسست منزاله

عسى من يخون الود للهم والسلال
يصبِّح على همه ويمسي بسلاله

[نجم العبدالله]

يقول المثل كلن يعوّد على مرباه
نبا الطيب للطيّب وعلم الردي عابه

تحزم كريم الجاه لكن فقر الجاه
يالو ضحكت انيابه فلا تامن انيابه

نجم

[نجم العبدالله]

ترى الشوق ودموع المفارق وكثر الاه
ثلاثة نقايص مانقص معهن مروه

ولكن فراق الميت سقم الخفوق وداه
هذاك الذي ليمن وطا القلب ياقوه

نجم

[نجم العبدالله]

ياعازف الوصل معزوف الوصل مربك
لاالامس امسك ولااحلامك هي احلامي


طيرت سرب الحنين وطار بي سربك
مدري على وين لكن قام بي يامي

نجم

[نجم العبدالله]

نجم العبدالله
الرفيق المجرب بالرخا واللزوم
دونه عروق راسي ثايره ثايره
خوته راس مالي عن ردي العلوم
عشرته في عيوني بايره بايره

عبدالمجيد الشمري
دام تملك جناحٍ و إلك فالحوم حوم
شد عزمك عن اهل السوّ و الدايره
البسيطه وسيعه وانت قرم امحشوم
وش تبي بالنفوس اليا غدت بايره !

نجم العبدالله
الزمن يازبون الطايله له سلوم
واجب انّانعيشه طيب ونسايره
صاحب الحر حر وصاحب البوم بوم
والسماء للوحش والارض للذايره

عبدالمجيد الشمري
يارفيقي وشوف الخرب لبس الهدوم
والسنافي .. عيونه .. يمة الغايره
من رقب ربه بـ نفسه وصل للنجوم
ومن ترك حق ربه .. ربعه تعايره

نجم العبدالله
فارقين القروم / وفارقين الرخوم
والمعاني شوارد حايمه وطايره
وانت قرم وعديم ومن رجالٍ قروم
يوم نفس الدويني بالردى غايره

[نجم العبدالله]

يالناقد اركد والشعر له هيبه
وش قيمة الزامر بحي الزامر

هذا الكلام اللي نبي تعريبه
لاتتعب وتبحث وتنهى وتامر

من يجهل بْحر الشعر واللي به
نصيحتي لايقربه ويغامر

يجلس على شطه قبل يغدي به
يهيم في موجه هيام السامر

يوزن كلامه من قبل يهذي به
نحفظ مقامه لو مقامه ضامر

اما كذا والا علي تهذيبه
من محزمٍ لي من عرفته عامر

نجم

[نجم العبدالله]

منصور حواس الخضع
بالهون يامستنفرين المويشير
"تقويضها" ماهو بـ خطٍ على بوك
من زايد النعمه بعثت المقابير
وكل الفخر والمجد في ذبح مملوك

نجم السمرين
اليوم ياذيبان والعالم بخير
كلن يلوك بسالف الوقت ويحوك
البوم بوم وجير الايام هو جير
لو فِك بابٍ من قبل كان مصكوك

منصور حواس
يانجم يانسل الرجال المشاهير
ياجا اليقين تغادر ظنون وشكوك
يوم أنها ما بين مآخوذ ومغير
من طاح مافيها حتسي بات مدهوك

نجم السمرين
هذا الكلام ولايبي زود تفسير
من راس حرٍ منه البيت محبوك
نسل الرجال مجندلين الطوابير
كم راس شيخٍ منهم طاح مفروك

منصور حواس
وأنتم دوى اللي في دماغه زعاطير
عتبان والمعنى عن الرمز مفكوك
حنا نود اللي يشيرون بالخير
ننقاد معهم يابن الاجواد بـ سلوك

نجم السمرين
وافي ومثلك يانقي التعابير
المكسب المكسب بعيني وانا اخوك
صافي ضمير وفارقينك عن الغير
لك في جبين النايفه ختم وصكوك

منصور حواس
قافك يزوّد دلة الشعر تبهير
نقاك يودعني وأنا حر مملوك
واللي يبادل بالنهار الدياجير
أني على درب النقى ماخشى الصوك

نجم السمرين
عزالله انه مااختلف عندك السير
اتعبت عقبك بالشعر كل حابوك
لك ماكر الوافي ولك هدة الطير
تغرف من اعماق الشعر لاعجم فوك

منصور حواس
الشعر يالنجم النقي حال تعبير
نضح الضمير ولاسلك درب مسلوك
وأنتم على الشعر الرجولي بياطير
حتى الغزل عند العتيبي به أحّوك

نجم السمرين
على النقا ورد وعليها مصادير
هجس البيوت اللي خذت كل باروك
الزير يامنصور من يخبر الزير
يقطف من الازهار قطفه من الشوك

منصور حواس
لاهنت ياستر البنات الغنادير
يوم ن نشوفك فيه يالقرم مبروك
وحنا بدنيا ما لدولابها سبير
دافورها في كل الأخطار مدكوك

نجم السمرين
الله يجملنا بعين المناعير
الياحترك من هاجس الشعر حاروك
ويديمها خوة معزه وتقدير
سقم وعمى منهو مع الشر متروك
منصور حواس
آمين والمعنى بروس العناقير
وصفه كما عطني بعد ردها دوك
مار الصلاة لصفوة الخلق تكرير
مادار ربك للمقادير وفلوك

نجم السمرين
خير الانام وبه ختام المضامير
اجر ومثوبه ياعسى الاجر مشروك
مع شاعرٍ من فوق طلع الشواعير
ليمن شهر جاب السمينه على البوك

[لحظة وداع]

بارحل مصير الوقت يمديني أنساك💔وان مامداني مت مجروح مجروح//لحظة وداع

[نجم العبدالله]

بين يمكن وليت وبين عل وعسى
ضاع نصف الكلام ولا لقي له جواب

حارت اقدام رجلي يوم قلبي نسى
ان بعض الاماني مثل طرد السراب

نجم

[نجم العبدالله]

تبغى تعرْف الغلا ويش اخرأوضاعه
يوم المشاعربوسط الروح مجتمعه

قلبت صفحة هجيرالوقت من ساعه
وذكرت ليلي معك ثم طاحت الدمعه

نجم

[نجم العبدالله]

الرفيق الحي في قربه تجاره
رفقته تفرق بعيني عن سواها

والردي رفْقَتْه رفقه مستعاره
مبتداها مافرق عن منتهاها

نجم

[نجم العبدالله]

الطيب مايخفى على باغي الطيب
اسهل على راعيه من شربة الماء

والا الردي عنده صغار المواجيب
اثقل على صدره من آجا وسلمى

نجم

[نجم العبدالله]

الكذب واللمز والنمَّات و الخفّه
اربع تعيب الرجل وتحط من شانه

والصدق والطيب فوق الثقل والعفّه
اربع تعز الرجل لووسط عدوانه

نجم

[نجم العبدالله]

ثلاث عند العرب والدين محموده
الكلمه الطيبه والـصدق والذمه

وثلاث عند العرب والدين مردوده
النيّه الساقطه والكذب والنّمه

نجم

[نجم العبدالله]

الخيال اللي خذاني واستناخ
في ثرى البيطار وقعه بالضمير

ياسقى الله وقت هذاك المناخ
كم قطفنا من مداهيله عبير

نجم

[نجم العبدالله]

نحرص على رفقة الطيب وندراها
لابارك الله بنفسٍ تجحد الخوه

والا الردي خوته هالنفس تبراها
ان ضاق والا زعل جعله على القوه

نجم

[نجم العبدالله]

لاتحسّب للخساير في حياتك
واعتبر مافات من عمرك ضرايب

والله ان اكبر خساره في مماتك
كان مالك مع هل اليمنى ركايب

نجم

[نجم العبدالله]

من مجلس شعراء الاساعده

نجم العبدلله السمرين
وين جزلات القصـايـد وينـكـم ياللجْـنَـه
وش عـلام قروبنا يهل النـوادر هادي
وش ورى سجن الفرايد قام يصفر سجْنَه
وين غازي وبن صالح وين ذيب الوادي
ياعقيد القـوم هات اللي زرعته واجْنَـه
لايشح الروض من ريح النفل والكـادي
علني اطلق سراح هجوسي المنسجْـنَه
اتسلى قبل لاطيف الحـبـيـب يـنــادي
ماذبحني غير دمعه فوق ذيك الوَجْنَـه
لاطرت لي قمت اهوجـس وينها ميلادي
حالف ٍ كانه طـرت لي قْروبنا لاعَجْـنَه
واقلبه عقب المزايح همهمات وشادي
وسط مضمارالضلوع اللي تطارد هجنه
ضمّرٍ تَطْـرِب وتَطْـرَب لاحـداها حادي
احضروا غازي ولكن دون هوش ودَجْنْه
وانثروا له يابن صالح من عبيرالجادي


عبدالعزيز الصالح
مرحبا بالشاعر اللي مايجيب الهجنه
شاعر يارد على النيل ونهر بغدادي
اتفكر في معانيه الخيار الدجنه
واتحير بالمحيط الاطلسي والهادي
واتخير بالمشد اللي بليا حجنه
قبل لا تقرا علينا نشرة الأرصادي
لو وضع الشعر من هدّت عليه الرجنه
ما يسّر ولا يشجعنا على الميرادي
مبتليه الماجن اللي ماجنه في مجنه
ومقتفيه اللي يبا الشهره مع الاجوادي
ومرثع به نادل يعفس جناه بطجنه
ومستبد به جماعة مستشار النادي
لين صار الشعر مايدرج بلياحجنه
من طلع ديوان حضرت مصطفى العقادي
مانقول ألا مثل ما قالوا ابنا حجنه
عن مجلات الخنا واهل الفضا الروادي

[نجم العبدالله]

دنيا خذينا بها مالذ منها وطاب
ماقصرت لو عطتنا من شقاها نصيب

فيها عرفنا الحدى والذايره والعقاب
نمد كف الوفاء لمصافح الطيب طيب

اللي يبا الطايله والريش ريشة غراب
ماهو مثل من يمينه بالمواقف عطيب

عليك باللي زهابه للرفاقه زهاب
لاغاب ثلثين ربعك بالمواقف قريب

والا الردي خوته ياجعلها للذهاب
اضرب عليها بيمناك الشريفه صليب

[نجم العبدالله]

نجم العبدالله

احدٍ يميل الوقت مبداه مامال
محزم وذاخر محزمه لاشريته
لاراجيٍ مدحه ولاراجيٍ مال
رجلٍ ينومسني متى ماطريته
واحدٍ على ماقيل بالشكل رجال
لاباينٍ فعله ولابان صيته
ماغير قال فلان وفلان وش قال
بين الاوادم زارعٍ دانميته
الخوه اللي كل يومٍ على حال
عن وصلها خطوات رجلي ثنيته
سلم على ذرب الخصايل والافعال
الصاحب اللي لاتضايقت جيته
هذاك واللي بالرجاجيل ينقال
خذيت من راسه ضعف ماعطيته
من خبرة ايامه ومن طيب الامثال
اقرا تفاصيل الزمن لالفيته
ياجعل يفدى هامته روس الانذال
ناسٍ ضمايرها مع الطيب ميته



الشاعر طاهر الزيدان العنزي

غصب علي للقاف ياطيب الفال
تليتني وانا احسب اني نسيته
ثقيل وابياتك سمينات وثقال
صح الله لسانك على ماقريته
لياعريب الجد والعم والخال
الله يبارك كل بيت بنيته
ياعل من يمسي على غيبة رْجال
تصبح على صدره غمارة ونيته
يفدى نعالك يانجم كومة عيال
على ظليمة ربعها مستميته

[نجم العبدالله]

غازي البقعاوي
انشدك عن نجمٍ كما المزن همال
ماغاب هماله ولو ما احتريته
سحايبه عسرات واثقال وجزال
منْجَمْ ذهب لو زدت ميم وقريته
فكر ومعانيَّه جديدات بالحال
وقت اللوازم لابغيته لقيته
هذاك ابن سمرين شاعر وخيال
ذيب(ن) ليامنك زهمت ونخيته

نجم العبدالله
لاهنت ياغازي نقيات الاقوال
لاهنت وبيوت الشعر لك بنيته
على النقا ماحافها كل محتال
اللي بويته بالشعر هو بويته
وافي وكفك وافي بكل الاحوال
ماينحصي طيبك وانا ماحصيته
والا الشعر مبنى ومعنى وموال
نعزف لطلقين اليمين أُبريته

[نجم العبدالله]

نجم العبدالله السمرين
ياشيخنا جرح الزمن شف مجزه
بصدورنا ماهو بجرح المواليف
اول فتوقه يِتِّم اطفال غزه
واخر فتوقه ذبح الاطفال بالريف

عبدالمجيد الشمري
يا نجم يا نجم الشعر و المعزه
لا ترمي اللومه ولا ترمي الحيف
العُرْب تملك رمح ما هي تغزه
الا ب ظهر المؤمنين العواريف ..

نجم العبدالله السمرين
من يرتجي من ناقل الذل نزه
يموت مانط الطوال المشاريف
تدري متى تسمع للاذناب فزه ؟
لامات تكرم كلب في داخل جنيف

عبدالمجيد الشمري
الكلب تكرم من يروح ايتنزّه
والمسلمات تموت بالبرد والصيف
يا نجم ما للمجد موعد و حزه
ما دام ما تمسح دموعٍ ذواريف

نجم العبدالله السمرين
مادامت ال كسرى ولادام عزه
ولافيه صيف الا يبي يعقبه ريف
حكمه / وربي جعل ربي يعزه
رجلٍ يغار ولو يدينه مكاتيف

عبدالمجيد الشمري
انا براسي شي لو ردت اهزه
يمكن يطيح الراس من ضربة السيف
وش لي بحرب الشام وبحرب غزه
مليت من حلمٍ غدى كنه الطيف

نجم العبدالله السمرين
راسك وراسي يالكريم المنزه
ماهو بسلعه عند فتح المظاريف
ا/نفوسنا تدمح وهي مشمئزه
تخاف من رب المخاليق وتخيف

[نجم العبدالله]

ياحي مزن القصيد الوافي المده
سحابةٍ صافيٍ هملولها لآ/هِل
نوبٍ تجيني رضا واحيان محتده
من هاجسٍ لانهل من مارده ناهل
اللي على الوافيه يمناه لاهده
حرشٍ كفوفه على حرش الرظم داهل
واللي يمـد النظـر بالشعر ويرده
ماله مع اهل الهداد المخلب الذاهل
لو الدهر صاحبه والا وقف ضده
او شال من دنيته مايتعب الكاهل
ماله بْ بحر القصيد وجزره ومده
روحٍ غرسها الولي بالحي والجاهل
يموج به بالرخا ويموج بالشده
عليه نظم القصيد الجزل بالساهل
هذاك لاقيل شاعر قلت من قده
انشهد انه لتاج الشعر يستاهل
الباركه باركه لو بيحت سده
والصاهله فوقها خيالها صاهل
هذا الحكي والذي ببنادم آعده
لو هو حفيد الفقر او جده العاهل

نجم

[نجم العبدالله]

الحصان اللي بمضمار القصايد
كان ماجمّل حضوره مانكزَّه
يقـبل ويقفي له القمـه عوايد
مايلزه كل من حاول يلزَّه
ماخذٍ قلب الهواوي والبلايد
كل من شافه بمضماره يهزَّه
له مثول وله قبول وله حصايد
طيب ساس وطيب راس وطيب فزَّه
مانقول بهالزمن ماله ندايد
كل راس مْن الاصايل له منزَّه
ماعلى مثله قصور ولانزايد
مانقول الا عسى ربي يعزه

نجم

[نجم العبدالله]

كتبنا الرثاء والحكمه وهمهمات الوجد
قناد ودواء راسٍ فقد لذة ا/قْناده

ولكنّ نجد اليوم ماهي بعيني نجد
غشاها كتام الوقت ماهي على العاده

نجم

[نجم العبدالله]

تبي الحق ياخالد ليا عدوا الشعار
ذكرتك وراسي فوق والناس مجتمعه
حصان وحفيد حصان بيطار من بيطار
عطاك الكريم الرازق الشعر والسمعه
صحيح القصيداحيان مامن وراه اثمار
متى مااختلط ضرب المعاني على جمعه
حلاته وهو يخطف قبل غيره الانظار
مداوير جزل ولالنا بالهزل طمعه

مجم

[نجم العبدالله]

لابان خيط الفجر والليل ملثوم
والصبح توه مستبيح الدرايف
جنّى مقلِّبت المواجع تقل توم
بيت القصيد ونار طيف الولايف
اللي غدوا وسط اللحد والثرى كوم
من فوقهم واجسادهم باللفايف
بقبورهم راحوا لو الموت مقسوم
يبقى لهم طيفٍ على الروح ضايف
من تحت قوسين المحاني وموشوم
في وسط دمام الضلوع النحايف

[نجم العبدالله]

ضحك اوماضحك وجه العدو والذايع السمسار
مثل ماللملك بيعه ترى لارض الوطن بيعه
حماة الدار في عهده ومن بعده حماة الدار
مطاليعٍ تغيض اللي يباهي في مطاليعه
لنا بارض الوطن جنه ولامثاله جحيم ونار
يموت الحاقد بْ حقده قبل تنفذ مشاريعه
نشب النار من فوق العميل وزمرة الفجار
متى ماحاول الخاين يْشب النار في ريعه

[نجم العبدالله]

تحية عز واجلال ومحبه مع فخر واعجاب
ولاتكفي يالو هي من ذهب والماس منصبه
بحق الشاعر اللي لاشهر كفه تقول عقاب
دواء وعلاج من راسه فقد لعلاجه وطبه
الا يَالَيَتَ قَوْمَي يَعْلَمُون أنّّ ذَوو الأَلْبَابْ
يزيد اعجابهم بالادامي واخلاقه السبه

[نجم العبدالله]

يانادم الوصل وش له تجرح صيامي
والشوق أدهى وامر بْخافقي واقسى

لو كان صدق الحنين بْ داخلك طامي
ماكان موجه لقى في غيبتي مرسى

[نجم العبدالله]

على الهاجس اللي كل ماني لك الله ضقت
لفاني وساق الشعر والشوق لك تله

تعاهدت انا وياه في غيبتك لاشتقت
يجيني عليك وياخذ القلب لك كله

[نجم العبدالله]

كل نبت مْن الحديث وله ثراه
يتضح لك بذرته ليمن ظهر
واحدٍ من طيب خفاقه سقاه
حاشمٍ عوده الين اصبح زهر
وآخرٍ من ضيق نفسه شح ماه
طبع ماهو ضيقة ايام وشهر
في جحيم الشك واصل منتهاه
مافرق حرف الهماج مْن النهر
لوعطيته شوف عينك من رداه
قال لو تبصر فلا اعطيت النظر


نجم

[نجم العبدالله]

نجم السمرين
يإ مَلَكْ دام القصايد بالحديث الدارج
والشعر نلعب معه ليمن لفينا سلوه
اترك ا/رْهمت الكحيله والرسن للسارج
وش لك بْدلوا العرب كلن يراقب دلوه

ملك الشعراء
ماسرجت الضالع ولا نقتفي للعارج
والاصيل من الاصايل كود ينتج فلوه
القلاعه يانجم ماهي سوات المارج
يانجم لاتحسب الصقعي سوات الحلوه

نجم السمرين
والله ان النايفه ماتستوي للمارج
ان رقد والا قعد او يستهيم بخلوه
باطنه ريشة غراب وظاهره بالخارج
طير شلوى والنوايف مارقا في علوه

ملك الشعراء
تكترب لكن يالكربه لقيلك فارج
والذهب عند البشر مازاده الا غلوه
والله انا فارقين المارج من الهارج
لا تحسب انه يكبرك الشحم بالكلوه

نجم السمرين
كان لوجيه ال ...، بارج ترى لك بارج
تظهره ام الرمل لو تستميت بجلوه
لو تجيني واقف او انك تجي متعارج
كل دلو مْن الدلي نعطي جنابك ملوه

ملك الشعراء
انت من ضيقتك منته ظاهر ومتخارج
مير خلك فالبطين ولاتجي في علوه
للسما بسمك ترى يانجم منته عارج
مير لاتقرب من النيران توجس صلوه

نجم السمرين
مار درعم واطلب الله هالكريم الفارج
يسعدك وارم الهقاوي من خيالك والوه
واركن القاف المعتق يايمين الكارج
وسط قوسين المحاني والمعاني تلوه

[نجم العبدالله]

تحية عز واجلال ومحبه مع فخر واعجاب
ولاتكفي يالو هي من ذهب والماس منصبه
بحق الشاعر اللي لاشهر كفه تقول عقاب
دواء وقناد من راسه فقد لقناده وطبه
فداه النذل والبلاس والهلباج والمغتاب
من اشباه الرجال اللي على الاصحاب مشتبه
يبون الطايله والطايله عسره على الاذناب
لهم كان اقبلوا غبه / واذا قفَّوا لهم غبه
الا يَالَيْتَهم لَو يَعْلَمُونَ بِـ أنّّ ذَوو الأَلْبَابْ
يزيد اعجابهم بالآدمي واخلاقه السبه
ملك والملك للي ياملك فصل لك الجلباب
من طروق القصيد اللي تهادى به وتلعب به
سلام الله عليك وقبل لانقفل على هالباب
شهادة حق لك صدر الحليم وهبتك هبه

نجم السمرين




هلا بالشاعر اللي بوح صدره ينفح الاطياب
خذا من نخوة الهيلا وشاح ومن كرم جبه
بيوته وقعها بالروح ياقع مثل رمح ذياب
وقافه للحواس الخمس لامن نامت منبه
ولا يحتاج للساحه ولا يحتاج للمرقاب
ولا يطلب لمغرافٍ من العربان يشربه
عسى يفدونك اللي مالهم نابٍ ولا مخلاب
ثمرهم يا نجم مافيه لب بداخل الحبه
ياكثر اللي ليامنّك فحصت المخ والاعصاب
يبيّن بالمواقف يانجم بابٍ بلا ضبه
هل الشعر الحقيقي دوم تتسلسل كما الانساب
ومعدنها ذهب صافي .عوج دخان ما ربه
مداهيل الوفا تكرم لحاه وتفتل الاشناب
مواقفها تجي شرواك فطره دوم من ربه

مـــلك الشــعراء

[نجم العبدالله]

امالنا واحلامنا المكتومه
سيناريو روحٍ بها أمَّلته
لولا الوفاء وعقوده المبرومه
والخافق اللي بالصبر ثمّٓلته
امنت انا بالنيه المسمومه
وكفرت في عهد الوفاء واهملته
اما الشعر في ذكرها مالومه
طفله لها قاف الشعر ذللته
حبر القصيد وروحه ويشمومه
لو مااحسنت في عيني مْعاملته
لاهوم شوق وَّحدها لاهومه
عذب القصيد اللي بها دللته
تبقى كذا في داخله موشومه
همس الشعور وصمته وجلجلته
كانه لفت يحيا بها جاثومه
وان طولت عذب الشعر رملته

نجم

[نجم العبدالله]

ياكثر الاحلام ياخالد
حلمٍ يجيني وحلم يروح
معهن لك الله كم جالد
ادمن بقلبي ثلاث جروح
الشوق / والوجد / والخالد
جرح المفارق بوسط الروح
اصد عن طيفها وآِلد
لاهزني له حمام الدوح
هذيك ملعونة الوالد
طير الهوى بيدها مطروح


نجم

[لقاء لقاء]

مشكورررررررررررررررررررررررررر

[نجم العبدالله]

ياهلا بالهاجس اللي في مثوله
ارتكز ثم طق صدره لي ( ونح )
هاجسٍ له بالشعر صوله وجوله
ماتزحزح لابدا اللازم ( وزح )
لو بغى يهمل عن الساحه ذلوله
كل بيتٍ حوّل بْ جوفه ( ولح )
والبشر مثل المطر ساعة نزوله
كان قل وكان زاد وكان ( شح )
القليل يْلامس الروح بْ سهوله
والكثير ان طاح فوق الروح ( وح )
البلا باللي علي شح بْ هطوله
مات من بعده ربيع القلب ( صح )

نجم السمرين

[نجم العبدالله]

يقولون راع الطير لو يفقده !! مجنون
يخيله مع التنهات / والضيق / والتشتيت

وانا صدق في طيري غدالي زمن مفتون
فقدته حقيقه بس !! يبطي فلا جنّيت

نجم

[أبوقيس تبوك]

يا مسلّم لو عيونك بس تشوف اللي أشوفه
كان تحسب كم ليالي انقضت والجفن ساهر

زاهي الطلعه مدلل حار ذهني في وصوفه
نظرة عيونه تشابه طلق من قناص ماهر

[علي السوادي]

يا زمن ما عاد به شيمة ومروّه

البشر صارت تحرِّكها المصالح



لا لقينا في وجيه الناس خوّه

ما لقينا في علوم الناس صالح

[علي الهيثمي]

وين البشر الدار ما زال خاوي
والقلب متلهف على جمع الاحباب

[العنودالشمريه]

صح لسان الجميع

[العنودالشمريه]

صحت قلوبكم جميع

وصدقت شاعرنا علي الهيثمي

تسلم يمينك

[عبدالله الصقري]

ليت عيني يومها تبكي وراك
باكيه من خشيـة الرب العظيـم

الله اكبـر و الله العـالــم غلاك
وش بعد هذا الهيام اليوم اهيم

[أبوقيس تبوك]

الحب هذا اللي اشوفه بعينك .. عهداً علي اني بروحي اصونه

[محمد السنيدي]

دَعتْ المَعاليِ للفَخّارِ بنانيِ
؛؛؛؛؛ فدعا البنان .. قريحتي و بياني
هَبوا جَميعاً لليراعِ كأنهُم
؛؛؛؛؛ فتْيانُ حربٍ .. بُشّروا بطعانِ

[محمد السنيدي]

تمنيت اللقـــاء بكــم .. أخيــا
......فذكرك لم يزل في القلب حيا
عرفنا في غيابك الف شخصا
.....والفٌ ليس يغني عنك .. شيئا

[سالم الصقور]

يصير الظلام بنظرتي نور لين تغيب
........ ويصير النهار بنظرتي ليل لين القاك
يقول الذي قالوا له ان المحبه عيب
........ أحبك ولين اموت مقدر على فـرقاك
ولو كل حب(ن) ينولد بالسنين يشيب
...... أنا كل يوم يجد حبي واطـــــير ابغاك

سالم الصقور

[عبدالرحمن العتيبي]

ليتك تجي وتشوفني بعد غيبتك
ضايق ولا للقلب بالصبر طاقه

وانا ادري انك ماتخليك طيبتك
ترحل وتتركني وتنهي العلاقه

ب ق ل م ي

[مها يوسف]

بعد إذنك اخي علي سعود الموضوع يقفل للتجديد من قبلك
لقد تجاوزت المشاركات حد كبير والتجديد يساعد في سهولة المشاركة وسرعة التصفح بالقسم
شكرا لك سيتم الاغلاق