بعد غياب..دلوعة الشعر

[أحمد س العلوي]

السلام عليكم ورحمة الله وبركاته

بعد غياب أعود إليكم بهذه الأبيات البسيطه ، راجيا ً المولى عزَّ وجلَّ أن
تجد لها في قلوبكم فسحة ً من محبة ورضى.


أحمد



دلوعة الشعر

للإستماع للقصيدة ، أتشرف بحب دعوتكم لزيارتها على رابط
الفورشير التالي:
http://www.4shared.com/audio/lCZyCHmn/__-__2.html




قلبي قصيـــده والغــلا مقصـــودها=ونبض العواطف ساسهــا ويسودها

وأنتي قوافيهــا وعــــذب أوزانهـــا=وصدق المشاعــر والوفـا مردودها

و ياللي بـ رقتهــا مشــت بأعماقــي=لا تجزعي بطش الليـــال و سودها

ما دام أنفاســـي جـــرت بضلـوعك=والله لك نفســـي بطــــوع آقـــودها

ما جابنـــي شوقــــي ولكـــن جبته=وجينـا حدايـــق والغـــرام ورودها

وجينا سحايـــب لـــو تحــدّر مـاها=تسقي غصون أطماعنا من جودها

وجينا شــرات اللـــي مفارق غربه=و سيارتــه شـــوق الديــار وقودها

و جينا و جينـا و يا كثــر مــا جينا=والنفس ترفـل فــي تمـــام سعودها

و يا شعر بعــد أذنـــك أبيك بحاجه=أمشي لغــاده مــا تمــــل صدودهـا

ولا جيت موطاهـــا تغنـّــى بإسمي=و إنثـر عليهــا مــا يهــز جمودهــا

وداعــب مشاعرهــا بطيف عيوني=يمكـــن إذا حنـّت تفــي بوعـــودها

ولا شفتها تبكـي غيـــاب أنفاســـي=أبيـــك تعـــدل بالسعـــــاده مــودها

ولا ترتبــــك لو شفتهــــــا تتبســـم=وغمازتيهـــا تستبيــــح خـــدودها

أدري دلعهــــا ماهو شي(ن) عادي=وأدري تجنــــن لا تمايــــل عودها

وأدري من الرقه إلـى مــــن تمشي=تتخلى حتى الأرض عــن جلمودها

و الله كثـر ما هـــي تـــرى دلوعه=أوقات يقهرنـــــي جمـــال برودها

لكـــن و ربــــي لـــو تبينـــي خاتم=- من كثرما أحبها - بجي لحدودها

و أركع وأنـا راســـي بغلاها عالي=ولا همنـــي هالنــاس أو منقـــودها

هذي غلاهـــا لو نحـــاول نحسبــه=شفت العفيــه* كبرهــا...وحشودها؟

والله تسواهــــا وتســـــوى ناسهـــا=طبعا ً من أول عهدهـــا وعقـــودها

بالمختصر يـا شعـــر وأنتــه أدرى=أنـــا وجــــودي مرتبــط بوجــودها



*العفيه: هو لقب مدينتي (صور العمانية)


أحمد سليم العلوي

[عدنان الخشرمي]

أحمد س العلوي
صح لسانك مدد لاعدد شاعرنا
قصيدة تحمل الجمال والفن
تقبل حضوري

[مها يوسف]

الاخ العزيز والشاعر القدير
احمد سليم العلوي
شكرا لك على القصيدة الجميلة المعبرة
كلمات كتبت بأصدق واجمل المشاعر والاحساس
وشفعت لك الغياب يا عزيزي
دام الخاطر والقلم ودمت بخير
مشكور

[ذكرى الغالي]

سلمت يداك
صح لسانك ليين ترضى
تقديري واحترامي
لشخصك وبوحك
ذكرى الغالي

[العنودالشمريه]

أحمد سليم العلوي/
أهلا وسهلابك
قصيده شامخه وفي غاية الروعه
صح الله لسانك ملايين
وبيض الله وجهك
وتسلم يمينك من الشر
دمت بخير لاينتهي

[محمدخير المهيدات]

صح السانك ولا هنت
ابيات تستوجب الحضور
ولا عدمناك في منتداك

ودي وتقديري واحترامي

المهيدات

[محمد ال مهيد]

المبدع احمد العلوي

داائما لحضوورك نكهه خااصه

شاعر مبدع

ويجيد تطويع الحرف

سجل اعجابي

محمد

[حسين ابن عمران]

والله كثر ماهي ترى دلوعه .... اوقات يقهرني جمال ابروودها
بيت جمييل ورائع للغايه ..
تمنيت من شاعرها الرائع .. لو انه بدل كلمة (يقهرني ) بكلمه اخرى تحافظ على جمالية البييت ..
لان كلمة يقهرني ..تدل على الامتعاض ..وتذهب جمالية البيت ..
ولو قال ..(يسرقني) .. او .. (يفتني) .. او( يذبحني).. او اي وصف اخر يراه الشاعر .. لكان .. اجود واجمل ..
ويبقى هذا مجرد رأي شخصي .. ولا ينقص من جودة هذا النص الرااائع ..
شاعرنا الراقي ...
نص في قمة الروعه والابداع .. واتمنى ان تتقبل ملاحضتي بصدر رحب ....
دمت بهذا التألق والابداااع ..

[محمود الشاهين]

الشاعر الجميل أحمد سليم العلوي

دره جميله وضعتها هنا وجعلتنا نبهج

قلوبنا ومشاعرنا واحاسيسنا بها

لله درك من شاعر ولنا درررررك

صح الله لسانك الين ماترضى يالغلا

بنتظار فيض مشاعرك على خير

وعوده راقيه


شاعر الغربة

[محمود خير بك]

احمد العلوي
شكرا من القلب
كل الود يا صديقي

[علي سعود]

صح السانك اخي احمد واعتلى شانك

دمت بالف خير

[سالم محسن الفهمي]

العلوي أحمد

صح لسانك شاعرنا المميز

[عقاب النهار]

يسلمك ربي
على سبك وحبك هذه الفاتنه
وصح لسانك مدد بلا عدد
وعلا شانك

اسجل اعجابى بكل جديدك


تقديرى

[علي الحزمي]

الرائع احمد العلوي

وحضور متميز بعد الغياب


فلا تحرمني اطلالاتك

صح لسانك

يارائع

ولا احرمنا الله

طيب هذا التواصل

ودي وتقديري

اخوك
علي الحزمي