العمري
07-09-2011, 06:08 AM
لعيونك الكحل
لعيونك الكحل .. صادت لبْ إحساسي=وانا الذي ما توقعته أبد ينصاد
اليوم أحسّك غلا.. مزروع بانفاسي=أتنفّسك عِشق .. واستنشق وَلَهْ ووداد
هيمان مادري .. انا في بحر غطّاسي=والاّ انا لي .. مع نجوم السما مقعاد
شعور أتجرعه طعمين في كاسي=لذة غرامك .. وجمر اشواقي الوقّاد
وقول في خاطري يا كل هوجاسي=هل هو صحيح القلوب لبعضها ودّاد
وإلاّ صويب العيون بأسرها يْقاسي=ويزيد من ظلمها شوق وغلا وعناد
أدري يقول المثل للثوب لبّاسي=لكنّه الحب ماله طايفه وبلاد
إذا نزل في السويدا ليّن القاسي=واصبح صميم الفواد بْقبضته ينقاد
وادري لعاداتنا.. والعرف نوماسي=فطره من الله .. وموروثه من الأجداد
مهما بلغ عشقنا من حَدْ وقياسي=ما نحيد عنها ولو تتفطّر الأكباد
هذا انا لك مثل .. في صبح وأغلاسي=أعاني بصمت بين الموت والميلاد
واشوفك الحلم .. بين العين ونعاسي=اقرب من الروح وابعد ما نكون بْعاد
واقول بصبر واعاند بالأمل ياسي=اموت محشوم .. أو يلقى الحشا ماراد
والعشق .. لو لا .. حلاه .. وجاير الباسي =ما جن عاشق .. ولا ذاقت عيون سهاد
ومادام طيفك بعيني صابح وماسي=منّك كفايه على طيفي سلام أعياد
ومن يطرق الباب يدخل شامخ الراسي=يلقى هل الجود تفرش له قلوب أجواد
وكلٍ وله شيمته والعرق دسّاسي=والناس للناس واحوال الزّمن ردّاد
ومن يزرع الطيّب يحصد طيب واوناسي=والعكس ما يثمر إلاّ الشّوك والأحقاد
والكلمه اللّي .. لها تأثير في النّاسي=إن خير أو شر للّي قالها ينعاد
وانا بغض النظر عن فاكر وناسي =ما بين الاثنين لك قلبي وطن ومهاد
وكلمتي لك احبك دونها راسي =ما خونها نلتقي والاّ نعيش بعاد
شعر : عبدالله صالح العمري
لعيونك الكحل .. صادت لبْ إحساسي=وانا الذي ما توقعته أبد ينصاد
اليوم أحسّك غلا.. مزروع بانفاسي=أتنفّسك عِشق .. واستنشق وَلَهْ ووداد
هيمان مادري .. انا في بحر غطّاسي=والاّ انا لي .. مع نجوم السما مقعاد
شعور أتجرعه طعمين في كاسي=لذة غرامك .. وجمر اشواقي الوقّاد
وقول في خاطري يا كل هوجاسي=هل هو صحيح القلوب لبعضها ودّاد
وإلاّ صويب العيون بأسرها يْقاسي=ويزيد من ظلمها شوق وغلا وعناد
أدري يقول المثل للثوب لبّاسي=لكنّه الحب ماله طايفه وبلاد
إذا نزل في السويدا ليّن القاسي=واصبح صميم الفواد بْقبضته ينقاد
وادري لعاداتنا.. والعرف نوماسي=فطره من الله .. وموروثه من الأجداد
مهما بلغ عشقنا من حَدْ وقياسي=ما نحيد عنها ولو تتفطّر الأكباد
هذا انا لك مثل .. في صبح وأغلاسي=أعاني بصمت بين الموت والميلاد
واشوفك الحلم .. بين العين ونعاسي=اقرب من الروح وابعد ما نكون بْعاد
واقول بصبر واعاند بالأمل ياسي=اموت محشوم .. أو يلقى الحشا ماراد
والعشق .. لو لا .. حلاه .. وجاير الباسي =ما جن عاشق .. ولا ذاقت عيون سهاد
ومادام طيفك بعيني صابح وماسي=منّك كفايه على طيفي سلام أعياد
ومن يطرق الباب يدخل شامخ الراسي=يلقى هل الجود تفرش له قلوب أجواد
وكلٍ وله شيمته والعرق دسّاسي=والناس للناس واحوال الزّمن ردّاد
ومن يزرع الطيّب يحصد طيب واوناسي=والعكس ما يثمر إلاّ الشّوك والأحقاد
والكلمه اللّي .. لها تأثير في النّاسي=إن خير أو شر للّي قالها ينعاد
وانا بغض النظر عن فاكر وناسي =ما بين الاثنين لك قلبي وطن ومهاد
وكلمتي لك احبك دونها راسي =ما خونها نلتقي والاّ نعيش بعاد
شعر : عبدالله صالح العمري