عبدالرحمن سراج
07-10-2011, 11:19 PM
يا هدهد الثورة اسعفني وشيل الشك = بالبيّنة..واسمع الشكوى من الشاكي
حدّد لي الصحّ من بين الذي اتفبرك = مشّان أميّز من الباكي ومتباكي؟
وش عرقل السير فالثورة ولا اتحرّك = وش لخبط الفكر عندي..واحدث ارباكي؟
وش أخّر النّصر واتعرّض صدرو الصك = واحنا لنا ستّة اشهر تحت الأشراكي
نتحمّل البرد لا حدّ المرض والحك = ونغالب الحرّ..نمشي فوق الاشواكي
ثورة..ولكنّ ما اتعدّت حدود العكّ = واتناوب اللّون بين البيج والكاكي!
والكرسي اهتزّ لكن الشلك ما افتكّ = عاده مثبّت وحوله بعض الاسلاكي
كنّه قد احتلنا راعيه..واتملّك = يأمر وينهي..ويتصرّف بالاملاكي
والدخل باسمه وباسم الاهل يتبنّك =والعالم اخرس..ولا مخلوق متحاكي
وبعدما ثار شعبه جاك يتلبّك = ويكيل فيه التّهم .. ويدين الادراكي
ويقول انّ الشباب اغترّ بالمسلك = ويظلّ يحتجّ متغابي ومتذاكي
وكل ثوري مؤيّد قد كفر واشرك = وارتد عن مذهبه لا دين الإشراكي
واقبل يشنّ الدعاوي بعدما شكّك = في وجهة الشعب بالتطبيل والراكي
ويصوّر أنّ القضية ما لها منسك = والقصد من كلّ هذا صيد الاسماكي
والمشترك ما يساندهم..ويتهلّك = إلا على فرصة القبضة للامساكي!
والعالم ايقن بأنّ الشعب ما اتجمرك = والحقّ للي معه تصريح (ملاكي)
اللي ميوله (خليجي)أو قد تأمرك = واللي يساند (اوروبا) ضدّ الاتراكي
واللي يصرّح ل(اسرائيل)حق الدكّ = فالقدس..ويقول(هذه الارض تفداكي)
ويخادع الشعب بالتهريج..يتبرّك = ويخوّف الخلق من روّاد الاكشاكي
خلاصة القول فسّر لي على مهلك = يا هدهد الرصد وش معنى تلبّاكي؟
وش صعّب اللغز واتعقّد ولا اتفكّك = خلاني امسك بخدّي جنب شباكي
يائس..ولا زلت فالآمال بتمسّك = واحاصر الحلم اعضّه مثل مسواكي
ليش استحال الهدف ياطير..واستهلك = وقتي..وحيلي..وجدراني..ومدماكي
وانا الذي لجل حبّ الأرض ما بضحك = واضيق لا شفت دمع العين فالباكي
وارخص لها الروح..واللي خاف ما استدرك = عمره..ولا ترحم الاقدار نسّاكي
ياهدهد الحريّة شوقي وانا مثلك = لأشوّط ارض اليمن..واطوف الافلاكي
حطّمني الحزن لكن السلا شلّك = وامسيت فالجو..وانا وسط (كنتاكي)
وسلامتكم..وسلامة القراء
تحيّاتي لكلّ من سجّل مروره
أخوكم/ عبدالرحمن سراج
حدّد لي الصحّ من بين الذي اتفبرك = مشّان أميّز من الباكي ومتباكي؟
وش عرقل السير فالثورة ولا اتحرّك = وش لخبط الفكر عندي..واحدث ارباكي؟
وش أخّر النّصر واتعرّض صدرو الصك = واحنا لنا ستّة اشهر تحت الأشراكي
نتحمّل البرد لا حدّ المرض والحك = ونغالب الحرّ..نمشي فوق الاشواكي
ثورة..ولكنّ ما اتعدّت حدود العكّ = واتناوب اللّون بين البيج والكاكي!
والكرسي اهتزّ لكن الشلك ما افتكّ = عاده مثبّت وحوله بعض الاسلاكي
كنّه قد احتلنا راعيه..واتملّك = يأمر وينهي..ويتصرّف بالاملاكي
والدخل باسمه وباسم الاهل يتبنّك =والعالم اخرس..ولا مخلوق متحاكي
وبعدما ثار شعبه جاك يتلبّك = ويكيل فيه التّهم .. ويدين الادراكي
ويقول انّ الشباب اغترّ بالمسلك = ويظلّ يحتجّ متغابي ومتذاكي
وكل ثوري مؤيّد قد كفر واشرك = وارتد عن مذهبه لا دين الإشراكي
واقبل يشنّ الدعاوي بعدما شكّك = في وجهة الشعب بالتطبيل والراكي
ويصوّر أنّ القضية ما لها منسك = والقصد من كلّ هذا صيد الاسماكي
والمشترك ما يساندهم..ويتهلّك = إلا على فرصة القبضة للامساكي!
والعالم ايقن بأنّ الشعب ما اتجمرك = والحقّ للي معه تصريح (ملاكي)
اللي ميوله (خليجي)أو قد تأمرك = واللي يساند (اوروبا) ضدّ الاتراكي
واللي يصرّح ل(اسرائيل)حق الدكّ = فالقدس..ويقول(هذه الارض تفداكي)
ويخادع الشعب بالتهريج..يتبرّك = ويخوّف الخلق من روّاد الاكشاكي
خلاصة القول فسّر لي على مهلك = يا هدهد الرصد وش معنى تلبّاكي؟
وش صعّب اللغز واتعقّد ولا اتفكّك = خلاني امسك بخدّي جنب شباكي
يائس..ولا زلت فالآمال بتمسّك = واحاصر الحلم اعضّه مثل مسواكي
ليش استحال الهدف ياطير..واستهلك = وقتي..وحيلي..وجدراني..ومدماكي
وانا الذي لجل حبّ الأرض ما بضحك = واضيق لا شفت دمع العين فالباكي
وارخص لها الروح..واللي خاف ما استدرك = عمره..ولا ترحم الاقدار نسّاكي
ياهدهد الحريّة شوقي وانا مثلك = لأشوّط ارض اليمن..واطوف الافلاكي
حطّمني الحزن لكن السلا شلّك = وامسيت فالجو..وانا وسط (كنتاكي)
وسلامتكم..وسلامة القراء
تحيّاتي لكلّ من سجّل مروره
أخوكم/ عبدالرحمن سراج