محتار في وضعك معي .. لا جيت اعدّلها تميل = مرآت اودّيها يمين .. وتنتحي لأقصى الشمال
يأم العيون الناعسة .. والخرس والطرف الكحيل=وأم العقل .. وأم الثقل .. وأم الثقة .. وأم الجمال
الحب في عيوني وضح .. والحب مايبغى دليل = اكبر دليل ازعلك .. واقسى عليك اقرب مثال
حبك على حدة طغى .. وإجتاز حد المستحيل=لو قلت لك حدة وصل .. لشيء من ضرب الخيال
هل ياترى بتصدقه .. ياراعي الخصر النحيل = والا تقول اجاملك .. واكذب عليك من المحال
اتخيلك عندي وانا .. بيني وبينك ألف ميل= واجلس معك واضحك معك .. واقول لك بكرة تعال
وبكرة تجي في موعدك .. ونعيش فالحب الجميل = سبحان ربي صوّرك .. كامل ولله الكمال
دآيم معي وانا معك .. مثل الأطباء والعليل = يابلسم القلب الجريح .. ياغايتي واصعب منال
انا حياتي كلها .. تفدآك يالغرو الأصيل = أبا أسئلك وارجوك جاوبني على قد السؤال
هل أنت فعلاً وآقع وقدآم عيني ياجميل؟! = وإلا مثل ماجيتني .. في كل ليلة بالخيال؟!