قاعد اعشق واهوجس بالقصايد واغنّي = واحبك الشعر واكحّل عيون المعاني
قاعد اضحك على الايام وارسم وامنّي = وارقب الحلم واحطّ الأمل فالأماني
استميل الهنا باللحن .. ويضيع منّي = واستميح الدقائق .. واستحثّ الثواني
واحتمي بالليالي كلّـما غاب عنّي = حالي النّوم واضنتني صروف الزماني
أستعيد الفرح واذكر مزايا التأنّي = واختطب في ثواب الصبر عند امتحاني
يلمع البرق واحسّ الصواعق دونّي = واستمدّ الضيا من لمعة الخيزراني
والهواجيس من بحر العجايب تشنّي = كنّها الغيم يوم الخير بالسيل داني
خلّت الروض بالاثمار مايل مدنّي = والثمر فكري المغدوق باحلى المجاني
فالتّـحدّي بنات الفكر ما فشّـلنّي = وان باجاري غلبت الموشكي والمداني
لا ضواني قرين الشعر مليون جنّي = يسندوني وانا ما غير احرّك بناني
تحسب البيت بيتي والقوافي سكنّي = والبحر من بحوري والحروف المواني
كنّـهم من عيالي لا اعتبرت التبنّي = ماحدن عاش واهله حاكمين المثاني
بس ما شفت غير المعضلات احتونّي = والتون حول طيفي لين هدّن كياني
والمشاكل توالت والمصايب دهنّي = والنتيجة تبدّت عكس خطّ البياني
لا تناسيت همّي ما همومي نسنّي = وان تحدّيت كيد الدهر ما اكسب رهاني
طار عمري وانا فالنت عاكف كأنّي = كنت مولود في الويندوز قبل احتضاني
كم تحمّلت لجل الطيب جرحي وآنّي = كم تعنيّت من أجل اجتناب الهواني
كلّما الغيد جنّي بالحور جنّـنني = وازهم الحظ لكن لا جفاني ..جفاني
والحصاد البلاوي والطفر والتجنّي = والديون الذي هدّت عمود المباني
والسهر طال ما بين القهر والتمنّي = انتظر للفرج خلف السراب الفلاني
كلّما قلت بكرا خيّب الغدّ ظنّي = واعتلا اليأس وجهي ..والسواد اعتلاني
محدن جاد وإلا اهتمّ واختار فنّي = بعدما ضيّع الاحساس طبع الأناني
محدن قال هذا الشغل شمّر وثنّي = وادفع السعر بالدولار وإلا العُماني
ما بغيت المهانه والتذلّل لأنّي = من أصول المعزّة بس ربّي بلاني
وانهي القول بالتقبيل لليّ سقنّي = نكهة الحبّ من كأس الكرم والتفاني
واعتذر عن قصوري والشكي والتدنّي = والعتب والملامة والفشل والتواني
واشكر الليّ تعنّى بانكساري وشلني = واحتمل طبعي المغلوب باوّل وثاني
واطلب العُذر بالتخصيص واقصد واهنّي = ساجي العين ..سلطان الظبا والغواني
راقي الحسّ ..من بالحسن منّه فتنّي = وادري انّي طلبت الصعب ممّـن هواني
بس وش حيلتي ؟ والحل فوق التعنّي = صار لازم بودّع لنّ قبري دعاني
لا تناظر رجوعي بعد موتي ودفني = وانصحك لجل حبّي حطّ غيري مكاني

وسلامتكم .. والمعذرة على الاسلوب المخزي فالقصيدة
تحيّاااااتي لكلّ من سجّل مروره
أخوكم الشاعر / عبد الرحمن سراج

ساعد في نشر والارتقاء بنا عبر مشاركة رأيك في الفيس بوك

شرف لي ان اكون اول المارين بهالقصيده الجميله
صح لسانك مليون
إحترامي

الشاعر القدير عبدالرحمن سراج

دائمآ تأتي بالجزل والابداع
صح الله السانك ملايين ولايكفون
ابيات جزله من راس جزل بلاشك
لاعدمناك في منتداك
عزيزي الفاضل

تقبل مروري وتحييييياتي الحاره لك

صح الله لسانك ......................................

قصيده رووعه
وصح لسانك
عبد الرحمن سراج
الله يعطيك العافيه

القدير

عبدالرحمن سراج

صح الله السانك واعلى شانك
تقبل الورد

سامي احمد

صح السانك ولكن ماتعودنا منك هذا النهج بقصايدك

لكن صح السانك

الله الله الله

الله الله

الله

صح لسانك

شاعرنا القدير

عبدالرحمن سراج

حضرت وحضر الابداع

سلمت ولاندمت

وبيض الله وجهك

محشوم عن الكلام الخزي

تقبل تحياتي وودي وتقديري

أخوك

أبو مشاري

حطيت رحائلى هنا
وسأبقى لفتره لارتوى من نبع هذا الشلال المتدفق بالابداع
صح لسانك ملايين وجاد بنانك


ودي وتقديرى

جميل هذا التواصل

منك شاعرنا الجزل

عبدالرحمن بن سراج (ابن دهم)


صح لسانك
واعتلا شانك
وسلم بنانك واحساسك

اخوك
علي الحزمي