مجدك عظيم وكل حكامك عظام=من وقت ابوتركي لياوقتنا اليوم
طوعها ابوتركي وطاع ولانام=الاوهي بالامن حاكم ومحكوم
وكسرفداها روس وكتوف وعظام=وادا مهرها دم عن كل مضيوم
نقطه وزادة بالليالي والايام=وكبرت تشكل بالدواير لها علوم
هي ماركدت من غير تحجيم وحجام=ولاتساوت دون فارس وزيزوم
الا ابوتركي خضها حيل بحكام=وقطع يدين العابثه وارهب البوم
حنكة ملك يمشي على هدي الاسلام=وبالسيف الاملح عاد كل شي محسوم
وصى عياله بالتعاضد والاكرام=والعدل رفع الظلم عن كل مظلوم
رحل وضمته ارض في حبها هام=عساه بالجنه مكرم ومرحوم
وسلم سعود المجد وبحملها قام=صميدع في حبها عاش مغروم
اسس لها منهاج مع طاقة احلام=على النقا والدين عدى بها اللوم
كريم متواضع وطيب وضرغام=عساه من ربه محلل ومرحوم
وقف لها فيصل وخطط لقدام=ثبت قواعد دولته بعز وعزوم
اصبح لها كلمه وموقف واعلام=ونهاب جانبها بفيصل عن القوم
رحل ولكنه بقا عقد ووسام=في صدر دوله مجدها فيه معلوم
زادت بخالد واعتلت عرش الارقام=والخير عم وعام والعز به دوم
مثواه للجنه غمرها بالاكرام=وفتح بعهده كل وردة ويشموم
وجاها الفهد حر على جبالها حام=بسياسته عدت ماهي حبة خشوم
خادم حرميها تسمى بها الزام=فخرٍ لبو فيصل مدون بمرسوم
حرر بلد من بين فكين صدام=واللي معه راغو وخلوه مصدوم
رحل ولكنه علم بين الاعلام=عساة للفردوس راضي ومكروم
وقالت يابومتعب هييت لك دام=عشقتني وانا على العهد ملزوم
يالفارس المغوار للظلم سطام=سيفٍ على رقاب المعادين مسموم
حكيم متواضع مواصل للارحام=على اليتاما والمساكين مهموم
يسراه تمسك غصن زيتون وحسام= ويمناه تعطي الخيروتعز معدوم
سلطان له عضد ٍ ونايف له حزام=سعوديةٍ في راسها المجد مختوم
وانا سعودي عالي الراس مانظام= ببوي عبدالله معزز ومحشوم