السلام عليكم ورحمة الله وبركاته مشاركتي في حفل وملتقى القبيله مرحبا والفين مرحب كـل طـرق ومستمـده=من خيال ٍ ماوقف حد الثريا يـوم اديـره مرحبا والفيـن مرحـب والقوافـي مستعـده=حولت لي يوم حـول بالفـرح يمـي بشيـره مرحبا والفين مرحب يابشير الحفل وده=غرَّد المعنى وغرَّد في سماي اليوم طيره مرحبا والفين مرحب باسم ربعي جيت أمده=نفحها ريح البختري والخزامي مـع عبيـره مرحبا والفين مرحـب من بخور العود أرده=للحضور بْدون لاتفرق كبير ٍ عـن صغيـره مرحبا والفين مرحـب لـو نظمناهـا مـوده=والله انـك ياهجوسـي وافيـه لكـن فقيـره في حضـور اللابـه اللي لو نعد اللـي نعـده=ماوفينا حقهم في ماضـي الوقـت وهجيـره مكرمين الضيف مروين الحدب فوق الاشـده=يوم كل ٍ من هجيرالوقت يشعب فـي بعيـره يومهـا مابـيـن رد العـلـم والا لاتــرده=من غفت عينه فلا يدري بْ باكر وش مصيره كبـد يسقونـه زلال وكبـد لـه كـفٍ تقـده=كم هنوفٍ من ورا صوت الرمك تنعى عشيره كل عايل دونهـم كانـه طغـى يلقـى مـرده=من سلم من نارهم لاماسلـم مـن زمهريـره يستحقون الثنا حـق ٍ علـي لاجيـت اعـده=وش حداهم غير وقتٍ مارحمهم مـن سعيـره يرحم الله ماخـذت ذيـك السنيـن المستبـده=عودت من رحمة الله كل علـم ٍ فـي جفيـره مانفاخر والفخـر كانـه بـدا الـلازم يسـده=حاضرٍ يسبق محط اقدامنـا فـي كـل ديـره حاضرٍ نفخـر بمثلـه ماجهلنـا ويـن حـده=هو ورا شبه الجزيره أو على شبه الجزيـره في محطـات العلـوم وفـي مناراتـه ومـده=واقع ٍ ماجيت اغني به وانا عينـي ضريـره ماخذينه في مـداره عقـب ماهـي مجرهـده=مارضينـا بالقليـل ولااكتفينـا مـن كثيـره ماعرفنا مستحيل وكـل عـزم ولـه نشـده=نشرب الصافي من عقول الرجال المستنيـره لين ماصرنا بعين الشاربـه فيضـه وسـده=مثـل ماحنـا بعيـن المقبلـه نبعـه وبيـره من حسـب للمستحيلـه حالـفٍ مابـل يـده=ومن يخايل للطويله يخطـف الغيـم باثيـره ان طلبنا مانبـي غيـر الثريـا هـي وخـده=وان عشقنا مانِعَشْق من السحاب الا هديـره يانجي جيَّت هذاك اللي ينومـس فـي مهـده=اوعساها هالحياه بْ بـارد اليمنـى قصيـره كف ماهي حزة الماقف تجي وتكـون قـده=لاحرام ان الحدب اولى بها مـن دون غيـره نجم العبدالله

ساعد في نشر والارتقاء بنا عبر مشاركة رأيك في الفيس بوك

الشاعر القدير/ نجم العبدالله مشاعر تسوقها حروف الابداااع مااروع العز واللابه سلمت حروفك الرائعه كتبت فأبدعت وامتعت سيدي من الجميل ان تكون الحروف رموز لما في النفس .. حبكت هذه الرائعه صح لسانك وعلا شانك بقيت طويلاً أقرأها راقت لي كثيراً متعك الله بالعفو والعافيه سلم نبض القلب ومداد القلم لروحك عبير الخزامى ... ... ايمااان حمد

مليوووون صح السانك ونعم فيك وفي قبيلتك يالغالي

جزله من جزله الاهنت ولاهان راسك

صح لسآنك حتى ترضى ,,
قصيده وإن قلت عنها رائعه
فـ لن اوفيها حقهـآ
لله درّك ودر حرفــك ,,
فـ قد عانقت الثريـآ بهذه الشآمخه ,,
ننتظر جديد بوحك
ودمت بخير لاينتهي









تحيتي
عبق المشاعر

كعادتك يا بعدي مبدع و ممتع صح لسانك وعلا شأنك وفقك الباري ورعاك ودي وتقديري

سلمت يداك التي تصوغ الرواائع
صــح لسـ مليوووون ـانك
تقديري واحترامي لشخصك الكريم
وبوحك الراااقي

الغالي نجم العبدالله

صح لساانك وبيض الله وجهك

كفيت ووفيت

والنعم فيك وفي اللابه اللي انت منها

محمد

لآ آعلم مآ آقوًل فقط وًقفت صآمته آمآم آبدآعڪ ومدحكـ فـ قصيد تڪ تفوًق حتى آلوًصف دمت وًدآم بوًحڪ آلرقيق آلعذب تحيآتي لقلبڪ اختك دلع نجد

نجم العبد الله

ونعم فيك وفي ربعك

وصح لسانك

ودمت بهذا واكثر

تقديري

نجم العبد الله

ونعم فيك وفي ربعك

وصح لسانك

ودمت بهذا واكثر

تقديري