بسم الله الرحمن الرحيم
السلام عليكم ورحمة الله وبركاته
اليكم هذه المقطوعه ارجو ان تنال اعجابكم

الله من قلبن تولع ولا تاب = في حب غرون له سناتين غايب
حزين والجرح القوي فيه ماطاب = ولا يداوي جرحه الا الحبايب
الصدر ساحه حزن وهموم وانشاب = والقلب من فرقا المواليف شايب
لولا ضلوعي فج له فالنحر باب = واقفا ورى خله يحث الركايب
اللي طغا حبه على كل الاحباب = والضن دايم في مواصله خايب
قلبي ليامنه سمع صوتها ذاب = حتى لو انه قبل ماهوب ذايب
مرموق رزه موت مزيون جذاب = وبالنور لاغاب القمر عنه نايب
رصيد حبي له يفوق ارصده ساب = وشعري به يكون جبال وسحايب
يطري عليه كل ماغيبن غاب = حتى لونه غير عن كل غايب
ويجيب صوته لآذني الليل لا جاب = صوت النخيل لايا لفحته الهبايب
الحب لو هو ذنب لقولب الاحباب = بأموت في حبه ولاني بتايب

ساعد في نشر والارتقاء بنا عبر مشاركة رأيك في الفيس بوك

الحب لوهو ذنب لقلوب لحباب=باموت في حبه ولاني بتايب

ياسلام ياسلام

الشاعر سلطان الضيط

ابدعت وامتعت بيض الله وجهك وصح لسانك

سلطان الضيط

هنا الابداع الشعري السهل الممتع
صح الله السانك ملايين ولايكفون
ابيات جزله من راس جزل بلاشك

تحيييييياتي لك

قصيده رائعه ,,,, مفعمه بالأحآسيس الجميله ,,,, وبوح يُلزم المشاعر حضوراً ,,,, سلم احساسك وبوحك سجل متابعتي لقلبك حدائق ورد ,,,,

صح السانك ياسلطان وعتلا شانك
جزله من شاعر جزل الاهنت يالغالي

لك تقديري

الراقي / سلطان

صح لسانك ملاين ولايسدون يالذيب

قصيده رائعه بروعة شاعرها

سجل إعجابي ومتابعتي لجديدك

دمت بود

صح لسانك مدد بلا عدد
تقديري واحترامي
لشخصك وبوحك الراقي
ذكرى الغالي

الغالي
سلطان الضيط

والله شاعر قدير
ومبدع ومتمكن

صح لسانك واعتلا شانك
وسلم بنانك واحساسك

ودام لنا هذا العزف

اخوك
علي الحزمي

وعليكم السلام ورحمة الله وبركاته//
أهلا بك أخي.
قصيده
حملت بين طياتها أروع المعاني
التي أغدقت علينا بنغماتها
الرنانه التي تنم عن أصدق الاحاسيس
صح لسانك
وبيض الله وجهك
وتسلم يمينك من كل شر
دمت بخير لاينتهي

ارحب ارحب ياسلطان

حضور راائع

وقصيده اكثر من راائعه

اجدت الحبك والسبك

سجل اعجابي

ومتابعتي

محمد