ساعد في نشر والارتقاء بنا عبر مشاركة رأيك في الفيس بوك

للشوق في نفسي مسافة بعيدة=
=ولك يامشاعرهم بلا حد ويزود

جيتك وانا كلي معاني فريدة=
=وحبل الوصل من شانكم دوم ممدود

في غيبتي كني الحالي وحيدة=
=وحيدةٍ والقاف ضايق وملهود

ايوالله انك يالمشاعر فقيدة=
=يالله عسى صرحك على الدوم موجود

نبع الوفا عذبٍ وحلوٍ وريدة=
=مهما شربنا منه مانبدي زهود

وربانه اللي كاسي المجد جيدة=
=مرباه دار العز من كان مولود

من ينشد التاريخ يلقى الوكيدة=
=كنه مصّوت بالعشا راعي الجود

ماجيت اوضح قيمته في قصيدة=
=والطيب نهرٍ بين الأجواد مارود

عن الردى نفسه عفيفة زهيدة=
=دعيت له باعداد ماذع ذع النود

كل التقدير والشكر والامتنان لنثرك الرائع سلمت الانامل

حياك يانور الديار وسعدها = نسجد شكر لله يومك تعافيت
كن السما تبرق ونادت رعدها = وكن الزهر في خطوتك قال حييت
والمملكة في قومتك يااسدها = قامت وفا لك يومك بحقها اوفيت
مثل العروس اللي تسير بوحدها = نافت دلال واسمها ذايع الصيت
يابوي ياعز البلاد وسندها = صحيح انك والشهامة تخاويت
اخذت من صحبة نبيك شهدها = عدلت له وامنت نمت وتغاظيت
عذبة زلالك كل شعبك وردها = اعطيت واكرمت وسخيت وله ارضيت
الام لجلك ارخصت في ولدها = يقوم لك بيت وينهد لك بيت
خضت الدروب اللي صعيب جهدها = خطوة ورى خطوة وللمجد عليت
لو نحسب كرام الفعايل عددها = ماينحسب اتعب ولاني لك اوفيت
كل المثايل يوم شخصك حصدها = نعطيك حب وانت من طيبك اعطيت

كلمات جميلة جدا سلمت يمينك

على متن الفراق اللي كتبة الله بدون اسباب = سبحت ارسم على موج الخيال حروفي الخجلى
وانادم هالقصيد اللي بقى لي من كثير اقراب = خذتهم هالحياه بغمظةٍ من ناظري عجلى
واجامل وابتسم وامزح وانا قلبي رماد حطاب = عسى زيف ابتساماتي لحزنٍ داخلي يجلى
عطيت وماخذيت إلا الصدود وجفوة الأصحاب = زمانٍ فيه ادنى ماخلق ربي هو الأعلى
جمعت احلى عناقيدي وفا واتفرقت أحزاب = الين الوقت ماكّسر قواها واختفت وجلى
وذبل ورد الصبر فيني على سكة غشاها غياب = لو استسقيت تمطرني رجوع وينبت الأهلا؟
عيونك كيف ماحنت ولاقلت الوفا غلاب = عشقك الحرف وابيات القصيد ولاقدر يسلى
وعشقك الليل لامنه يجن ويلتقون احباب = وعشقك الصبح لامنه تنفس وابتدى يحلى
وعشقك الغيم لامنه تراكم واعلن الاضراب = تذوب الشمس في باهي صفاه وجوها يخلى
تبعت الظن بالدنيا الين الظن فيها خاب = وعرفت إن المباديء سهمها مكسور مايغلى

دمتِ بهذا التالق والتميز والابداع

ماتغازل عيوني غير شم الجبالي = صرت اشوف ان حلمي من عيوني ازف

جيت برسم على صخر المعاني منالي = يوم روحي جمال الشعر فيها رزف

اذكر الله حينٍ يوم جاني مجالي = واوصف شعور ماضي فيه قلبي نزف

وكل ماهزت الذكرى لواعج خيالي = صار نزفٍ على اوتار المشاعر عزف

احتمي بعز ابوي وطيب عمي وخالي = ولاسكنت القصور ولاشربت بخزف

ويكفي اني عزيزة نفس واوزن مقالي = وانظلمت بزماني دون ذنب وجزف

اعشق الشعر واحبه ولاني ببالي = وكم خذته الرياح وعن عيوني هزف

وكم بكيته وكنه واحدٍ من عيالي = وكم جفيته ولامني ندهته وزف

واكبر احلام نفسي ارتقي للمعالي = وكني اشوف حلمي من عيوني ازف

رزف = الرزف هو الصوت المرتفع .. ورزف الأمر أي قرب

جزف = ظلم ويقال جزاف ايضا

هزف = هزفته الريح أي حملته واستخفته

وزف = أي اقبل علي مسرعا بخطا متقاربة

نثرتي فابدعتي فتألقتي لا عدمنا الله نثرك الرائع

يشتكيني للزعل واشكي عليه = شوقي اللي في غيابه ماهدا
لي خفوقٍ كل ماابعد يجيه = صادقٍ في حبه لأخر مدى
كل ماصديت نادا الشوق هيه = لايضيع الحب في عيونك سدا
أجمعيه ودثريه وزمليه = ماأسامح خافقك كانه غدى
من رحيق الورد هاتي واطعميه = وإن عطش أسقيه من قطر الندى
وكل دربٍ للحزن لاتسلكيه = دام نبضك جنب نبضه يسعدا
إن بغيتي فوق بالجو أرسميه = طايرٍ حرٍ على وكره بدا
السنين تصدني وأرجع عليه = صوت نبضي بالحنايا له صدى
والحنان اللي ربى فيه وعليه = في غيابه باعذب الحانه شدا
كيف أنا اشكيه ليه وأشتكيه = دام هو كل الخبر والمبتدا