غنّت مواويل العذوبه من شْباط = وحشرت قيري بالمراويس تفحيط
وآخذ من الملبور موشة تنشّاط = وكنّ عجّة عبرتي دون تقليط
تذرف هماليل الشواهد بالإفراط = وأكتب من جْروحي على لوح تحنيط
اللي تحايل دوننا قبل ينشاط = فرقاه كسر ٍ ما لقى قيد تربيط
عدّلت كسر وصاب قلبي تجلّاط = من وين ما طقّيتها عوج تسليط
أندب على حظٍّ توفّى بالأشواط = عزّاه يا شوقي ولا حولك وْسيط
هبّت سموم القيض عانيت ببساط = وضحكت عيوني ما غشاها تباسيط
الجرح ينزف ما لقى خيط خياط = والحال منكوبه هواها تخابيط
ليل ٍ سواده موحش هْناك يحتاط = وصوت الهوى يصفق صفيره تشاحيط
جنّبت عن درب المقفّين الأنشاط = اللي خذوا مع جادّة الدرب تفريط

وسلامتكم أخوكم / طلال الشمري
ساعد في نشر والارتقاء بنا عبر مشاركة رأيك في الفيس بوك

اهلا وسهلا بك حياك الله
نص رائع واكثر
سرني مروري به
صح لسانك ملايين ولايكفون
وتسلم يمينك من النار
ولاهانت يسارك دمت بخير لاينتهي

نص راقي سلمت يداك
صح لسانك مدد بلياا عدد
لشخصك وبوحك من الاعماق احترام جم
ومن التقدير ما للحرف يلجم

مرور للرفع
تقديري واحترامي
ذكرى الغالي

طلال الشمري

صح لسانك يالجزل

إبداع تسلم يمنك
وصح إلسانك واعتلى شانك

قاافيه جدااا مميزه

وقصيده تستحق الاحتفااء

سجل اعجابي

ولاتحرمنا القادم

محمد

الشاعر القدير طلال الشمري
صح السانك ولا هنت يالسنافي
دمت في حما الرحمان
ودي واحترامي وتقديري
المهيدات

اهلا وسهلا بك اخي بيننا
وطابت بك الحروف والمعاني
سعدنا بتواجدك وطرحك العذب
ف صح لسانك وارتقى شانك
ننتظر جديد بوحك
ودمت بخير لاينتهي


























تحيتي
عبق المشاعر

صح السانك ياطلال

جزله من جزل الاهنت