للتواصل بعد انقطاع بأسباب الظروف
اتمنى ان تجد عندكم ولو جزء بسيط من القبول

اوراق مبعثرة قد تكتمل او انها تبقى هكذا

(1)

سلام ياللي بالطهارة توشحت = ولبست بالأخلاق شال وعباية
لد النظر بالله في حبكم طحت = تكفى كفايه ماحصل لي كفاية
قبل البداية صرت من فوق لا تحت = يالله دخيلك كيف شكل النهاية

(2)

أبشرك من يمها يبرق البرق = لبيييييه يابرقاً برق من جهتها
احس قلبي قام ينبض به العرق = وانا ادري ان النبض من سلهمتها
مامثلها بالكون فالغرب والشرق= اللي يبا يمدح صفتها ,, بهتها
ياكثر ماحولي من السرق والدرق = حساد قلبي فالهوى حطمتها
بيني وبينك بينها وبينهم فرق = ( هيه ) تعاليم الشريعة نهتها

ماتلحق المقفي ولو يحترق حرق = الصفح دايم سيمةً من سمتها

(3)

ياصباح الخير ياورد الصباح = ياعذاب القلب ياطب الجروح
ياغناة الروح يالسم الذحاح = مدخلك بالله عني لا تروح
لا فقدتك صرت مكسور الجناح = والله انك غايتي واعلى طموح

(4)

يا............. يالطرف الخجول = السنين تمر وانا في عناي
هل يحول الحول والا مايحول= وتشرقين بنور حبك في سماي
يامهات الصيد هرجك لا يطول = والله إني مانويت اقول (bay)
معك لين الله يكتب لي قبول = وبتونس من خلايه في خلاي
والله انك لو تقولين مهبول = مارجيت الوقت يغفر لي خطاي
معك عرض ومعك يادنياي طول = يا أنتهي كلي يا يحصلي مناي

لو تقولين (افف) ماهوب امعقول = والله ان تبطين ماقلت إلك (bay)

تحياتي لكم

ساعد في نشر والارتقاء بنا عبر مشاركة رأيك في الفيس بوك

(5)

البرد برد الجفاء وإلا الشتاء هيّن = لا نست برد الشتاء عليك بالفروه
البرد بقفاية اللي خدها ليّن = فكت حبال الوصل وانفكت العروه
من دونها الشوف قام يغيب ويبيّن = رآحت ولو تنتظرها مالها حروه
انا أشهد انك تعيس وحظك مطيّن = والحزن واصل معك في قمة الذروه

تحياتي لكم ,,

من طول الغيبات جاب الغنايم

وأنت عودتك لنا يامسعود أكبر غنيمة

فـــــــــ هلا وسهلا بعودتك والحمدالله على سلامة

مليوووون صح السانك ولايسدون يالغالي

سلمت يداك
صح لسانك الى مالا نهاايه
لك من الاعماق احترام جم
ومن التقدير ما للحرف يلجم ܓܨ

هلا اخوي علي بن سعود ( الوداع الاخير )

الله يسلمك ويطول عمرك وابشر بالغنايم

اشكرك كل الشكر ولك مني فائق التقدير

هلا بالرائعة ذكرى الغالي

اولاً اشكرك على التنسيق

شكلك كنتي دارية عني يوم قمت اشقلب على الكي بورد من كثر ماعجزت في تنسيقها

ثانياً اشكرك على الاطراء الذي اضاف على هذه المشاركة بعد آخر .

لكِ مني جزيل الشكر والتقدير

وعليكم السلام ورحمة الله وبركاته/
اهلا وسهلا بك حياك الله والحمدلله على سلامتك
اوراق مبعثره وداخلها أروع المشاعر
صح لسانك ملايين ولايكفون وتسلم يمينك من النار
ولاهانت يسارك دمت بخير لاينتهي..

هلا اختي العنود

اشكرك على الاطراء والله يسلمك من كل شر

مرورك شرف لي

لكِ مني كل الشكر والتقدير

القدير/ مسعود الحويزي .. عوداً حميداً تجولت هناا فراق لي ماكتبت وراق لي عزفك الرائع على وتر القصيد سررت جداً بوجودي بين حديقتك الغنااء سلم نبض القلب والقلم لروحك عبير اللوتس ... ... ايمااان حمد

الغالي مسعود الحويزي

ارحب ارحب تراحيب المطر والسيل

كم انا سعيد بروؤيه اسمك في مشاعرهم

حضوور لايشبهه سوى حضورك

سجل اعجابي

محمد