يا مليح الحلايا منك قلبـي عطيـب = الله اللي كتب لي وابتليت بهـواك
كل ما قلت قلبي من عذابك يطيـب = ا تذكر ليالاً عشـت فيهـا معـاك
انشد سهيل عني والجدي والرقيـب = كل نجماً يراني ادري انـه يـراك
اشتكي لك وانادي مار مالي مجيـب = ارفع الظلم عني لا تجاهل خطـاك
يالطبيب المداوي داوني يا طبيـب = بالرضا يا ودودي راس مالي رضاك
ناعم العود عودك مثل غصناً رطيب = اشهد انك جميلاً والله اللي عطـاك
كل زين العـذارا تملكـه يالحبيـب = انت سر المحبه في عيوني مـلاك
يا جميل الوصايف ليتني لك قريـب = ولد عمك واجي لك واطرد اللي بغاك
في سلوم القبايل كل واحد غريـب = يرفضونه لو انـه واصـلاً للهلاك
الرجا بك ضعيف وكل شئً نصيـب = خاسراً من يبيعك رابحاً من شراك

ساعد في نشر والارتقاء بنا عبر مشاركة رأيك في الفيس بوك

عبدالله الشمري

لله درك حروف من ذهب
صح السانك وسلم بنانك
ابيات جزله من راس جزل
لاعدمناك ولا عدمنا جديدك

تحييييييياتي لك

القدير عبدالله الشمري
كلمات عذبه ومفردات راقيه
صح لسانك وعلا شانك
خالص ودي لك

أهلابك أخي الفاضل حياك الله
نص رائع بكل المقاييس
بريق خاص وجدته في متصفحك
سرني ان اكون متواجده تحت ظلال هذه الباسقه
صح لسانك مليون
وتسلم يمينك من الشر
دمت بخير لاينتهي

صح لسانك شاعرنا العذب

الاخوان والاخوات الكرام

الجميع مشكورين جزيل الشكر على المرور لا هنتو

احترامي لكم

اخي العزيز والشاعر القدير
عبدالله محمد الشمري
شكرا لك على القصيدة الجميلة
حضور رائع ومعاني راقية
دام الخاطر والقلم ودمت بخير يا عزيزي
مشكور

الغالي عبدالله الشمري

كل عام وانت بالف خير

قصيده راائعه بكل المقاييس

اجدت الحبك والسبك

سجل اعجابي

محمد

سيدى أيا روعة الحرف أنت قلم يجيد العزف على أوتار المعاني بكل جمال عزف فااااائق الروعة

سلمت يداك
صح لساانك مليووون ولايسدووون
تقديري واحترامي لشخصك
وبوحك الراقي
ذكرى الغالي