سلام لهل الشعر من راس شاعر
شاعر بمنـطوقه و بالناس شــاعر
ويترجم الاحساس لحن ومشاعر
( طول علينا الوقت يا ليل يا ليل )

/

سلام تسليمة وفا بعد الغـياب
..............لهل المشاعر و الشعر واطيافها

وين الرجال مروية شهب الحراب
................اللي عما عين العدو ميقافها




ساعد في نشر والارتقاء بنا عبر مشاركة رأيك في الفيس بوك

الأخ العزيز والشاعر الراقي
محمد المناع
سلمت يا عزيزي لما تمتعنا به من فن المحاورة
كم أتمنى ان لو استطع الرد والمشاركة
لكن بإذن الله اعدكم اني سأتعلم عن قريب
متابعة لمحاورتك الجميلة
ولح ننتظر الرد من الشعراء
مشكور

يامحمد الموال حاضر بحاضر
من شاعرن ماضيه يفخر بحاضر
تشهدله عتيبه وحمر النواضر
( طول علينا الوقت يا ليل يا ليل )

يامرحبا ترحيب ياسمح الجناب=ترحيبة المطنوخ محدن عافها
عن الرجال اقوم في دور الخطاب=هات البيوت النادره بوصافها

الكريمه مها
الكريمه ذكرى
سعيد والله انا بتواجدكن ومتابعتكن لنا شرف


الشاعر الراقي عبد الرحمن الرشيدي
حي هلا وغلا فيك وابرك الساعات والله تجيبك

سم طال عمرك

يا مرحبا ببن الكرام الرشيدي
يالشاعر الي بالمعاني رشيدي
شيد بيوت القافيه قصرشيدي
طول علينا الوقت ياليل ياليل

/

حي الرجال الي تسوقن الرقاب
.................من شان عزوتها و دون اعرافها

العلم في بطن المعاني والكتاب
...................وانشد رشيد ايجاوبك صيافها

هلا وغلا استلم
خلووووووووووها


لك البقى والقافيه شدها العود
ياشاعرن نمسح خشيمك من العود
ياصاحبي ياشاب او صاحبي عود
والليل طول اه ياعين يالليل


حنا الرجال اللي تشيب بالغراب
.................من شانها العزوه وقف سيافها
العلم واضح ياولد مثل السحاب
.................مثل الهنوف اللي تهز اردافها

اييييه خلوهاااا


يا جعل فالك دوم فال السعاده
وتصير من آل السمو والسعاده
ياللي جعلت الفخر ملبوس عاده
طول علينا الوقت ياليل ياليل

/

اليا ادلهم الليل واحتد الضباب
...............ما ينفع الساري سنا كشافها

حد النظر واقرا تعاويذ الجواب
..............عن تمتمات السحر عن عرافها

سرااااااا سرااااااا


فالي على ماتشتهي يامحمد
لكن ياليتك يالسنافي تحمد
فبل العيون الساهيه ماترمد
طول علينا الرد ياليل ياليل


لادلهم الليل والموال طاب
...............اقدح الابيات والعن قافها
ياولد من واد عبقر لي زهاب
..............كل الطلاسم جن راسي شافها

ماضاق صدرك يالسنافي وانا حي
والقلب ينزف يالرشيدي و ناحي
قل يا هموم الوقت عني تناحي
والوقت طال الوقت ياليل ياليل

/

الوزن بالقسطاس وصواوعي نصاب
............يا ساكن الفسطاط بعد اشرافها

احقول جلجامش وطرواده سراب
..............يقولها اللي مات دون أطرافها

ابشرك صدري وسيعن شمالي
وعسى ماتعدمها يميني شمالي
عشان افك املبسات الشمالي
طول علينا الرد يالليل يالليل


زرياب قال الوزن ضيزى مايهاب
............من ورى بغداد ياصحافها
والحقول النفط نشربها شراب
............. يقولها اللي شافها ماعافها



محمد صح كللللللللللللك ياولد الشيوخ النوم سلطان اسعدتني