ان عدّت الليله بخير وسلامه = فأنا حظيظ وصار لي عمر ثاني
ماهي قيامه مير مثل القيامه = عانيت رهبتها وانا قبل اعاني
حامت على راسي سوات الغمامه = دارت بي الدنيا وانا في مكاني
حرايق الحيره وسيف الملامه = من بينهن مريت والله وقاني
شديت حبل الصبر قبل انعدامه = وهزيت في وجه الوجل صولجاني
يافلان ما يرخص كريماً مقامه = يزعل ولا يرضى فلان الفلاني
اما حياةً في شموخ وكرامه = والا الممات وكل مخلوق فاني
الوقت يغريني وانا ارفض حرامه = من صارع الايام ماعاش هاني
سود الليالي دفّعتني غرامه = وكم دفّعت قبلي طوال اليماني
كني يتيماً ضاهدينه عمامه = يسكت وبعيونه يشوف الهواني
نصف البشر عاشو بحظ وغشامه = والنصف الاخر للتعاسه معاني
لاعاش رجلاً قد نفسه مرامه = عمر الفلس عمراً قضاه الاناني
إلعب على الحبلين يابو دلامه = نافق وتكسب بالنفاق الرهاني
ان شفت لك صقراً فريسة حمامه = او شفت لك ذيباً ضحية حصاني
ماهو غريب الوقت هذا نظامه = يفضّل الشمّه على الزعفراني

ساعد في نشر والارتقاء بنا عبر مشاركة رأيك في الفيس بوك

عبدالله محمد الشمري/
أهلا وسهلابك أخي الفاضل.
قصيده تحمل أروع المعاني والحكم
ومٌحمله بالأبداع الوافر
حظور مميز
صح الله لسانك ملايين
وتسلم يمينك من الشر وعزت يسارك
دمت بخيرلاينتهي

شرف لي ان كنت من اوائل المعانقين لهذه الرائعه

صح السانك يا عبدالله وسلمت يمينك
جزله من راس جزل تستحق المرور
لما تحمله من معاني ونصح

ودي وتقديري واحترامي

المهيدات

عبدالله
صح لساااااااااااانك

ولاهنت

القدير عبدالله الشمري

سطور جميله وعبارات راقيه

صح لسانك وكلك

خالص ودي لك

الاخ العزيز والشاعر القدير
عبد الله محمد الشمري
شكرا لك على القصيدة الجميلة المعبرة
دامت ابياتك بروعة وابداع
دام خاطرك والقلم ودمت بخير يا عزيزي
مشكور

صح لسانك مدد بلا عدد ،، لاهنت مودتي

ارحب ارحب ياعبدالله

نورت الموقع طال عمرك

واتمنى ان لايطول غيابك عنا

سجل اعجابي

محمد

نص راائع سلمت يداااك التي صااغته
صح لسانك مليووون ولايسدوون
تقديري واحترامي
لشخصك وبوحك الراقي
ذكرى الغالي

سجل عجابي بماخط قلمك من أبداع يالشمري

الاهنت ولاهان راسك

دمت بالف خير