أختي وأختك بتبيع دخان

للشاعر الفلسطيني جمعة عبد العال

جرحي بيشكي من زمان

بيصرخ في وجوه الطغيان

آه يا شوارع عمان

جفت ينابيع الحنان

وإن ون القلب الوجعان

بتزعل خصيان السلطان

وبتلعب هراوات السجان

آه يا وطن الأحزان

آه يا وطن الأكفان

أختي وأختك بتبيع دخان

وبتنام ع رصيف الميدان

وتنظف أوساخ الرهبان !!!

تشرب مر وتعيش في هوان

تشوف الظلم أشكال وألوان

ويا خسارة ع الحرة تنهان

آه يا قهر الأوطان

وطن كبير من غير عنوان

والوطن بتلعب فيه ثيران

يا مصر يا أصل الإنسان

أخاف عليك من الحتيان

طول عمرك يا مصري غلبان

بتبات ليلك سهران

في رغيف العيش حيران

ويا ابن الموصل والسودان

حزني ووجعي وصل وهران

ودمي ودمعي صار شطان

وقلمي بيبحر من غير ربان

فالوجه يا عز الأوطان

أبطالك فوارس شجعان

ديالى يا فخر الزمان

أولادك صناديد فرسان

يا ابن سوريا يا ابن لبنان

بضحك لما أشوفك فرحان

وببكي لما أشوفك تعبان

وقدري وقدرك تكون إخوان

قدري وقدرك نكون عربان

وتجمعنا موائد قرآن

وأنا دم بيجري في شريان

بغني ويردد ألحان

شرف الأمة أنذل أنهان

هبي يا نسايم نسيان

هبي يا نسايم نسيان

وزيحي عن وطني الأشجان

يا أختي وأختك ضمة ريحان

لرؤية المزيد من التعليقات على القصيدة على الرابط التالي :
http://pulpit.alwatanvoice.com/content-163760.html

ساعد في نشر والارتقاء بنا عبر مشاركة رأيك في الفيس بوك

الشاعر

جمعه عبدالعال

وبكائيه على صدر الزمن

دره ثمينه تنثرها هنا

سلمت اناملك وصح فكرك

سجل الاعجاب كله والمتابعه


تحيتي ...

اخي الشاعر جمعة عبد العال شكرا لك
على الخاطرة الجميلة والكلمات
المعبرة لهذا الزمن
الذي رخص الانسان وغلا ارخص الاشياء الف شكر لك اخي دمت بخير شكرا

الأخ جمعة عبد العال
صح لسانك على هذه الخاطرة الماطرة عنفواناً وحناناً
بيع الدخان أشرف من بيع الأوطان
وعمّان ينبوع متدفق من الحنان
تقبل مروري
... محمود فالح مهيدات ...

احسنت ^^

قلم رااق جدا


الاحترام لـ سموكـ